rofizal ha scritto:Go paura che con i mutamenti dela nostra epoca 30 o 40 anni sia un poco tropi. El clima, come la tecnologia e altre robe, me par che ormai cambi molto più in freta. IMHO
Se fa le medie su 30 anni per evitar che fluttuazioni locali de pochi anni possi esser interpretade come modifiche del clima.
Saria, invece, sai bel che oltre ai valori medi i ne dasi misure de variabilità, un poco come che i fa per i esami del sangue. No xe conti dificili de far, ma ghe volesi i dati anno per anno, giorno per giorno, e con un foglio eletronico te li fa in pochi minuti.
Ma, come go dito, ghe voleria i dati, remengo suo
e cusì discutemo de robe, variazioni climatiche, che ne interesa, ne fa paura (perché gavemo sempre paura de quel che no conosemo) e, al solito, chi che sa le robe no le conta.
Con questo no voleria che te pensi che no credo che stia cambiando el clima, anzi go el sospeto che sia vero, e me piasesi saver de che morte che devo morir, perché in definitiva no me fido né de chi che me disi che "si xe vero, ma el clima ga sempre vù variazioni, xe inutile ciaparsela" né de chi che, per scelta ideologica, me predica che nel giro de diese anni no sara più neve sui monti, le Alpi franerà tute, el delta del Po se slongherà fin a rivar in Istria, ma Venezia ndarà soto acqua.
