parole dimenticade

[babatriestina]

Ancora una :brigna - ginepro

dito anche " i brini" per dir i ginepri. E sempre del sloven, i usei che in italian xe cesena, qua xe noti come gineproni.

Tuto altro: "imborezzarse" , ogi el muleto iera un poco imborezzado

[trita]

bonasera a tuti

altre tre parole che me xe vigni in mente'

zwanzighe

palanche

paranco e paranchin.

sara sicuro un trenta ani che no le sento.

auguri trita

[trita]

bonasera a tuti
ciau sam.Se no me sbaglio credo che'l gaveva
odor de cera.
Xe pasadi cincuanta cincue ani.
auguri trita

[babatriestina]

zwanzighe

o svanziche
xe ovviamente un riferimento ala moneda de 20 (zwanzig)
mama conosseva un ritornel:
Maria Maritzika
Se te ga svanziche
se te ga talleri
te sposo mi

Sempre per i soldi, gavemo:
Schei, bori, patùs, bezzi ( no gaver nè bezzi nè bori), e cossa altro.. e con un poca de pazienza se pol arivar a trovar el origine de ognidun de sti termini, quai xe triestini, quai veneti..
Palanco o paranco xe italian e xe grossa trave, palanca xe anche italian e vien paressi de una antica moneda spagnola blanca " Far soldi a palanche"

[trita]

bonasera a tuti

mi credo che paranchin sia in talian argano.

auguri trita

[babatriestina]

vocabolario italian: paranco, ant palanco: apparecchio usato per sollevare grossi pesi demoltiplicando lo sforzo; è costituito nel tipo più semplice de due bozzelli, uno fisso e l'altro mobile, portanti una o più pulegge nelle cui gole scorrono le catene o le funi di trasmissione Dal alt Phalanga, tronco, bastone

E per i bori, xe anche le fliche!!

[Nona Picia]

Ogni tanto sento la muleria che disi sta frase: "Noposso, no go tempo" che voleria dir:"No posso, no go soldi" No so se la xe vecia o recente, mila go sentida solo dalla muleria.

[sum culex]

[mod] go meso cua sta discusion cavandola via de indove che la iera [/mod]

El careto xè uguale de quei che iera anche qua de noi tanti, ma tanti ani fa.
Ve ricordè come che i se ciamava? Xè un'altra parola del nostro dialeto andada in disuso come del resto i cari: la ZAIA.
ciao
sum culex

[ffdt]

mi ogni tanto digo ancora "una zaia de roba" ... ma no semo piu` in tanti a farlo e anca mi tante volte me dimentico

[babatriestina]

anche mi uso una zaia, de roba e una zaia de fioi..

[sum culex]

Anche mi uso ancora la parola 'zaia' riferida a una grande quantità, ma come tipo de caro credo ch sia sai pochi a conosserla.
ciao
sum culex

[ffdt]

savevo che la zaia la iera un caro, ma credevo che 'l fusi piu` grando ... azi ... sai piu` grando ;-D

Franco

[AdlerTS]

in tema careti: el biroc ?

[babatriestina]

in tema careti: el biroc ?

ma no xe el biroccio? me sa de lombardo, esisti anca in triestin?

[Coce]

La Saia iera una caro usado principalmente nei siti de costrusion per portar sabia, calsina, malta ec... la iera streta de soto e larga de sora, se podeva ribaltarla sburtando de una parte ,cussi' iera facile a scarigarla.
El Birocin iera usado per descriver el careto col caval a due rode che iera de moda per i dotori, profesionisti ec...Ciao Coce

[Tirabaralla]

A Firenze c'è "il barroccino"

[ffdt]

per sior pianigiani "biroccio" deriva de "birotum" che fusi "bis rota" ... e fusi un careto a do rode

[babatriestina]

per sior pianigiani "biroccio" deriva de "birotum" che fusi "bis rota" ... e fusi un careto a do rode

anche nel mio vocabolario italian ( enc Repubblica) xe la stessa roba. De latin volgare birotium. El disi che biroccio xe la verion dialettar de barroccio.

[AdlerTS]

in tema careti: el biroc ?

ma no xe el biroccio? me sa de lombardo, esisti anca in triestin?

Esisti in italian e anche in triestin: mai sentido " se mia nona gavessi le riode saria un biroc" ?

Per le alte se usa anche la parola prìcolica o pricòlica (con la c letta z):un accento xe croato e l'altro sloven.

[babatriestina]

Esisti in italian e anche in triestin: mai sentido " se mia nona gavessi le riode saria un biroc" ?
.

Se mia nona gaveva una rioda, la iera una cariola
Se mia nona gaveva le riode, la fussi un tram
A casa mia no iera prevista la version con due riode