i pescadori e le sue redi

[Nona Picia]

Xè due foto in b/n 6x10 fate nel otobre 1953 ale 11:30 sul molo pescheria, a destra de una se vedi el spaccio vini che iera ancora in funzion.
Ogi sti lavori artigianai no se vedi più.
Xè foto che me ga dado sum culex per mandarvele; foto che lu el ga fato co no'l gaveva gnanche 15 ani.
ciao ciao

[babatriestina]

Ogi sti lavori artigianai no se vedi più.

Cussì propio no, ma ecote una foto fatta nel porticciol de Muja un anno fa

[babatriestina]

anche oggi a Muggia i pescadori riparava le redi, go fatto una foto ( col loro permesso) anche se no se vedi ben i attrezzi

( i vendeva anche pesce direttamente dele barche.. tegnì conto..)

[serlilian]

Papà gaveva una barcheta de legno in Canal. Mi andavo quasi sempre con lui e conossevo bona parte dei pescadori. Zercavo de capir come che i riparava le rede, ma i lavorava svelti, svelti. No rivavo a seguir i movimenti coi oci. E me interessava capir come che i fazeva perchè la rede... se usa anche in ricamo. De muleta iero assai brava nei lavori a uncineto e a maia, meno nel ricamo. Me stufavo presto perchè no vedevo el lavoro cresserme soto le man. Ogni tanto zercavo qualche cossa de particolare e el ricamo su rede me gavessi assai piasso.

Qua i ghe ciama filet. No so. Mi ghe ciamavo filet ala rede fata col uncineto, che forma i disegni con i quadrati pieni o svodi, e questo lo conoscevo come "punto rete".

http://www.fioretombolo.net/filet.htm

[babatriestina]

Propio questo, xe quel che i fazeva stamattina, e che mia nona a 90 anni ga dito te insegno a far el filet per far i pizzi. Ma po co la ga ciolto in man el toco e el fil, la ga dito Troppi ani xe passai e no me ricordo!!!
xe de notar che una mia amica muggesana xe esperta in lavori de pizzo al tombolo, par che ghe sia una tradizion local. ma el tombolo coi sui fuselli xe più invirigolado del filet, credo.. gavevo anche un tombolo de nona, ghe lo go regalado ala parona del negozio Culot, che ela sa far ste robe..