Albino Moose - Canada

[Nona Picia]

[Elisa]

Se non sbaglio, questo animale dovrebbe avere le corna per essere un alce.
Comunque si dovrebbe viaggiare parecchio per andare a vedere questo esemplare al naturale!

[Franco]

Se non sbaglio, questo animale dovrebbe avere le corna per essere un alce.

E infati te sbagli!
L'Alce xè come el cervo: i sui non xè corni, ma palchi. I li cambia una volta all'anno, e li gà solo i mas'ci.

[Nona Picia]

Ogi go ricevù una mail dal mio cugin canadese, con una traduzion automatica dal'inglese che lui gentilmente ga fato che xe de morir de rider
Se trata de alcune alci che iera restade senza la mama e se go ben capì el paron del teren le ga ciolte in stalla e le ga alevade coi cavai. Co ghe xe morti i cavai, le alci li ga sostituidi degnamente, come vederè dela foto.....

[Ursus Canadiensis]

Quele xe foto de le rarisime alci americane che per un sbalio de natura xe nate bianche (albinos, per nostro, qua).

Dalafisionomia dele due bestie, e dal fato che le xe insieme, se trata de vaca e vedel.

Le femine dele alci, dei wapiti, dei cervi ala coda nera e quei dela coda bianca, insoma de tuta la familia dei cervi, no le ga corni. I mas'ci inveze, i corni i li ga, ma i li perdi ogni ano, subito dopo la stagion de dela procreazion. I corni i ghe ricresi a cominciar in primavera, dunque per un poco de tempo xe dificile distinguer tra femina e mas'cio. Comunque se pol distinguer dala fisionomia. E mas'cio ga le linee del viso sai più marcade, al muso che ghe pindola sai più in avanti, la barbeta sai più grande dela femina e el corpo xe anche più robusto e quadrato. Ogni ano che i ricresi, ai corni ghe spunta una nova punta, dunque contando le punte sui un dei corni se sa quanti ani che la bestia la ga. Quel mas'cio, un vecioto, el ga dodici o tredici ani. Tra l'altro, un'altra curiosità, no go mai visto un'alce domesticada a quel punto, qua in Canada e in BC, dove che, almeno nel nord no se pol andar a farse un giro in foresta o in autostrada senza incontrarghene.

Belisime foto, de salvarle, perchè come che digo alci albino no xe sai comuni.

Arnie

P.S.: Se ve interesa go foto de orsi e de grizzly che poso meter.

[serlilian]

Bele foto.
Si, te prego, Arnie, meti le foto dei orsi. I me tanto piasi e me par impossibile che i possi esser tanto pericolosi.