Per risponder a sta ultima domanda, qua de sora, se me vedesi misili rivar sora de noi, la mia prima domanda saria, cosa gavemo fato per costringer una popolazion a preferir de parlar con misili inveze de parole? Sicuramente la magior parte dei eseri umani preferisi negoziar che la guerilia......
in guerre difensive.Lo stato d`Israele esisteva molti secoli prima di Cristo
Oggi - Se ti pioverebbe dei missili sulla tua casa cosa diresti?
Mi te consilieria de indagar la storia dela Palestina un pochetin più profondamente che leger i titoli dei articoli dei giornai. Legi la storia coi oci de studente interesado de scoprir e capirr quel xe la realtà chi ga ocupado la Palestina, ininterotamente da quatromila ani. Per imparar la tragica realtà dela Palestina e dele sue genti, sia Palestine che Ebree, la storia dela tera bisogna legerla munidi non de ociai biblici tinti de rosa che distorzi i fati in favor de ste ultime ma tegnindo presente che quando un popoo se ribela al punto de eser spinto al'uso de armi e perfin de bombe-suicidi, qualche roba no va in in Danimarca (domando scusa, Shakespear!).
"La guère est l'aveu de la faillite abyssale de la raison." ga dito Chirac in 2003 co' 'l se gaveva oposto ala guera in Iraq, (La guera xe l'abisma amision del falimento dela ragion, per nostro). Mai dite parole più sagie, sia per i avenimenti del 2003 che per tuta la storia palestino-israelita.
Ala base del conflito sta el fato che ai Palestini, che no i vol viver in campi profughi in Giordania o in Siria, ghe x proibido el ritorno in Palestina, (West Bank). Centrale anche el second punto, e forsi, soto tanti aspeti ancora piu importante, xe l'inesorabile erosion del suo teritorio (una muralia, ad'esempio, che con la scusa de farla l'Israele ghe ga rubado una strica de due kilometri de tera, erigendola in teritorio palestinian, senza menzionar i "Israeli settlements" nel'interno dela West Bank.
Questi xe solo due esempi de spini sula via dela pase tra i due popoli che, per ragioni storiche fa parte del Israele. SE VOLEMO PROPIO USAR EL VECIO TESTAMENTO PER GIUSTIFICAR L'ESISTENZA SIA DEL'UN CHE DEL'ALTRO POPOLO, tuti due i ga dirito a condivider quela tera, non in guera, ma in pase e armonia. Xe l'intransigenza basada su fati e fantasie fasule, creade da storiografi qualche miliaio de ani fa, a chi ghe iera conferido el compito de giustificar la presenza e el poseso teritoriale del popolo Israelita - altrochè parole profetiche ispirade dal dio.
Per inciso, la magior parte dei Israeli no i voleria mai sentirghene de guere. Xe la minorità ortodosa, i fanatici che i vol serar l'aereoporto de Tel-Aviv el Shabat, perchè la sua operazion interferisi con el giorno de riposo, tra tante altre stupidagini, che i se puntilia a voler usar le armi per difender quei che lori i ciama le "realtà" dele Scriture, cioè l'anesion forzada dela palestina al'Israele e la conseguente espulsion dei Palestiniani. Quindi no darghe la colpa gnance al'Israele.
Quando due fazioni se scondi drio la falsa egida del rigido idealismo, le vitime xe inevitabilmente l'obietiva verità e la ragion.
Arnie
P.S. " when you love somebody, you want to share things with them"
