Barack Obama

[pacifico]

Vegno a precisar quel che Baba TS la ga scritto

El topic xe Obama no le religioni Americane

Con queste parole confermo che la ga perfettamente ragion. Se tratta de andar fora del tema portando poi argomenti che ferisi.

Arnie el attacca con queste parole:

No bisogna dimenticar che i cattolici e protestanti i ciol la comunion. Se no xe un rito pagano, se no cos'altro pol esser. Canibalismo in forma allegorica, xe sempre canibalismo

Benche semo fora del tema, questa xe una dimostrazion che dimostra ignoranza del motivo e nel modo de celebrar la comunion. Noi Evangelici la ciamemo "La Santa Cena". E questa istituzion
la xe stada dada da Gesu' nell`ultima cena.La xe riportada in tutti e quattro Evangeli. Nel Vangelo de Luca particolarmente, e ribatuda nella Epistola 1 Corinti 11 dall`apostolo Paolo. Dopo che Gesu' ga dado ai Apostoli el pan el ga dito: Questo e' il mio corpo il quale e' dato per voi;
"fate questo in rammemorazione di me" altrettanto dopo de gaver cenado, el ghe ga dado el calice disendo: Questo calice e il nuovo patto
nel mio sangue i quale e sparso per voi
Quindi per noi xe un "Memorial" Una ricordanza che Gesu' ga sacrifica' la Sua vita per noi. Non un atto de calibanismo. Quel che Gesu' gaveva dito iera simbolico, come per es: Io sono la porta, io sono la luce del mondo, io sono la via ecc. Poi come la Bibbia dixi: "Noi siamo stati santificati, mediante l`offerta del corpo di Gesu' Cristo fatta una volta per sempre." (Ep. Ebrei 10:10) Quando? 2000 anni fa.
Percio' prima de discuter su temi che no te conosi, cerca de gaver la compiacenza de informarte.

[babatriestina]

restando nell'OT, confermo che la comunion xe vista in maniera diferente fra cattolici ( e ortodossi, che nissun parla mai) e protestanti ( o riformati) come che correttamente spiega pacifico. L'accusa de cannibalismo la xe credo ancora dei tempi del impero romano.

[Capuzi garbi]

Percio' prima de discuter su temi che no te conosi, cerca de gaver la compiacenza de informarte.

[/quote]

Quei che me conosi de tempo sa el mio punto de vista sul sogeto, e no voio tornarghe de sora, ma Pacifico, ti te son tipico de quele persone pseudo religiose che vol spender e spander la propria opinion anche con quei che no vol scoltar, ma guai se un ga un altro punto de vista.

No te sa asolutamente niente sul signor Arnie Coburg, percio` come te osi dir che nol xe ben informa!

El fato che nol cita capitoli e paragrafi dela Bibia no vol dir asolutamente un tubo. La tua abitudine me ga sai dei ipocriti che'l tuo Gesu` meteva ala berlina. Anzi mi volesi ricordarte la fine che te ga fato su un altro Forum simile a questo per la tua abitudine de ofender persone che no te conosi!

[babatriestina]

MOD ocio ai attacchi personali : tornemo a Obama o stacco queste discussioni, le metto a parte in un topic bloccado.. /MOD

[Elisa]

...tornemo a Obama, con en pochetin de umor....

“¡Cosas veredes, Sancho, que non creeredes!”......(dal Don Chisciotte)

....capita di vederne delle belle...
•
•Corriere della Sera >
• Esteri >
• Obama ripete il giuramento. In privato
• UNA «PRECAUZIONE» IN RISPETTO DELLA COSTITUZIONE: LA FORMULA DEVE ESSERE IMPECCABILE
Obama ripete il giuramento. In privato
Cerimonia per pochi intimi alla Casa Bianca dopo l'errore nel corso della manifestazione di insediamento
• NOTIZIE CORRELATE
• E Obama incespica sul giuramento (20 gennaio 2009)
• IL VIDEO: l'errore nella formula pronunciata


Il presidente degli Stati Uniti, Barack Obama, giura una seconda volta in una cerimonia per pochi intimi alla Casa Bianca (Afp)
WASHINGTON (Stati Uniti) - Quella parola: «faithfully» (fedelmente), invertita prima dal giudice della Corte suprema John Roberts e poi da Barack Obama, nella lettura della formula del giuramento di martedì poteva creare qualche problema per il futuro presidente. Diversi costituzionalisti americani avevano invitato l'inquilino della Casa Bianca a ripetere il giuramento: «come precauzione». Così è stato.
- «FACCIAMOLO PIANO» Il 44esimo presidente statunitense ha giurato una seconda volta mercoledì sera davanti allo stesso giudice della Corte suprema, John Roberts - ma in privato alla Casa Bianca. Obama, prima di iniziare, si è rivolto a Roberts scherzando: «Questa volta lo facciamo molto piano». Il giuramento è durato appena 25 secondi. Ha sgranato gli occhi e ha sorriso Barack Obama dopo che nella cerimonia ufficiale, a causa di un errore del giudice della Corte suprema John Roberts, la formula tradizionale era stata pronunciata in modo errato. Roberts aveva infatti cambiato per errore la posizione di una delle 35 parole del giuramento inducendo così Obama a pronunciare in modo inesatto la formula (GUARDA IL VIDEO). Secondo gli esperti, la Costituzione afferma senza ombra di dubbio che la formula debba essere recitata in modo esatto.
CERIMONIA NELLA MAP ROOM - John Roberts ha amministrato per la seconda volta il giuramento presidenziale mercoledì sera, alle 19.35. «Come precauzione», ha dichiarato il consigliere legale di Obama, Greg Craig. Il pronunciamento si è svolto (senza errori) privatamente nella «Map Room» della Casa Bianca, davanti ad un piccolo gruppo di reporter ed alcuni fedelissimi del presidente. Il presidente ha detto di non avere la sua Bibbia con se, ma che il giuramento sarebbe stato valido in ogni caso. «Non si discute la validità dell'insediamento - aveva spiegato mercoledì al Washington Post, Akhil Reed Amar, professore a Yale - ma, come precauzione, si potrebbe ripetere il giuramento in forma privata come già fecero i presidenti Calvin Coolidge e Chester Arthur»

[Ursus Canadiensis]

Finalmente stemo parlando del tema de sto forum, Obama.

Un'aspeto interesante che per tanti che i se conosi nel circolo del'esecutivo, i.e. The White House, indica che tuto sto mis-mas suceso durante la cerimonia forsi no xe quel che, in prima vista, par eser. John Roberts ga ancorta un per de ciodi de inghiotir per quanto riguarda Barak Obama. Barak, infin dei conti, lo gaveva meso in crose durante le interviste senatoriali che ga precedudo la sua promozion ala testa dela suprema corte. Infati, Barak Obama no solo lo gaveva meso in crose ma el gaveva definitavamente votado contro la sua promozion. Roberts xe conosudo per la sua vision dela "Destra" republicana, destra che per Barak Obama poderia anche far de meno de esister, perchè xe ela che la ga portado in rovina quel che una volta jera la tera più gloriosa del mondo.

Conosendo la natura vendicativa de tanti de quei Republicani (basta guardar la maniera che i ga de condur le elezioni, inveze de zercar de convinzer la gente de votar sula forza dela loro piataforma de governo, i lo fa denigrando a mezo de falsità, rumori e calunie i oponenti), condivido anche mi l'idea che forsi Roberts ga zercà de darghe un'ultimo coleto de cortel fra le coste al suo arcinemico. El ga zercà de rovinarghe el giorno che per ognidun de noi saria el giorno più importante dela nostra vita. Per fortuna, la sua inaugurazion xe el risultato dela volontà del popolo e no de 35 parole recitade come un papagal.

Arnie

[Elisa]

Molto interessante questa tua esposizione, come curiosità a portata di mano di chi, come te, predilige di frugare con passione dentro gli avvenimenti della Storia.
Ma dalla storia si apprende pure che l`oppositore politico è in ogni campagna elettorale criticato, denigrato e percosso, ‘in tutto il mondo e..... in altri siti’.
Comunque, l`aspetto ufficiale e la formalità protocollare non sarebbero stati salvaguardati, come danno da capire, senza quel secondo giuramento presidenziale “senza errori”.
Abbiamo seguito con molto piacere la cerimonia veramente toccante e intensamente umana, ed in quanto alle parole contenute nel discorso del presidente Obama: “grazie a quello che abbiamo fatto in questa giornata, in queste elezioni, in questo momento storico, il cambiamento è arrivato in America”, tanti auguri a lui, e "di cuor" come usate dire voi triestini.

[pacifico]

A Capuzi Garbi
Go precisado un fatto che riguarda una insinuazion falsa che non la go impostada e che no la go richiesta.

[AdlerTS]

Vista la copertina de Panorama ?

[Ursus Canadiensis]

Go dimenticà anche de notar che el se ga pronunciado in maniera definida che l'era de rapinar e distruger la tera, el ciel, el mar e l'aria per dei profiti ala svelta e el moto "Free enterprise is always right," xe finida, morta e sepelida.

Forsi xe una speranza che i nostri nipoti respirerà aria pura e bevarà aqua de sorgente e no quela fabricada in fabrica estrati aque .

Arnie

Me par inveze proprio che l’argomento ambiente lassa un poco a desiderar. Perché el ga sì dito “il modo in cui usiamo l’energia rafforza i nostri avversari e minaccia il nostro pianeta” e “né possiamo consumare le risorse del pianeta senza pensare alle conseguenze”, ma anche “metteremo le briglie al sole e ai venti e alla terra per rifornire le nostre vetture e alimentare le nostre fabbriche”. E tuto in funzion de “gettare le fondamenta della crescita”, perché “ i nostri beni e servizi non [sono] meno necessari della settimana scorsa o del mese scorso o dell’anno scorso”, continuando cussì a esaltar la way of life americana: “Non chiederemo scusa per la nostra maniera di vivere, né esiteremo a difenderla”.

Zigolo, scusa se nogo risposto prima al tuo comento, che tra l'altro, al tempo che te lo gavevi fato iera forsi l'unico nel vero tema de discusion.

Chi che ga tradoto el discorso devi eser un italian che ga imparado
l'inglese ma che no lo capsi tanto ben, cioè nel senso che no 'l capisi le sfumature dela lingua. Harness, in Inglese no vol dir solo meter la brilia. Harness vol dir utilizar, dunque quando che el disi come che el ga parlà del fato che no se pol andar avanti sfrutamdo el pianeta, la traduzion coreta xe “il modo in cui usiamo l’energia rafforza i nostri avversari e minaccia il nostro pianeta, né possiamo consumare le risorse del pianeta senza pensare alle conseguenze. Utilizzeremo invece l'energia del sole e e del vento, energie senza limiti (renewable energies) ecc. Infati, un dei punti fondamentali dela sua piatafiorma eletorale xe apunto l'ambiente. Apunto per quel Al Gore, el promotor e partigian al'ultima gocia de sangue dela preservazion del'ambiente e dela necesità de ridur le emisioni de CO2 che ne sta sofigando, xe stado el primo a schierarse nel suo (de Obama) campo.

E, visto che semo ancora parlando de Obama, el ga pasà più decreti esecutivi da ieri in qua che Bush nel primo ano de governo. La prigion Guantanamo xe finida. La devi eser smantelada no più tardi de un ano, a cominciar de ogi. Tuti i procedimenti de corti marziali sospese; tuti i prigionier i gavarà l'evidenza ri-esaminada e, qualora sospetadi seriamente, i sarà giudicadi da un tribunal civile come qualsiasi altro sivile.

Sospension imediata de tuti i posti sconti pel mondo, dove che la CIA tegniva prisoni e torturava genti sospetade.

Macondo gaveva menzionà i Lobbies, quela piaga nel fianco del governo US. Pasagio de regole per i lobbyists xe stado el primo paso intrapreso da Obama. Nesuna contribuzion finanziaria ai membri del governo che i zerca de influenzar, inclusi perfin regaleti e inviti. Persone che ga lavorado per l'uficio esecutivo dela White House o nel governo no le pol diventar lobbyists per tuta la durata dela presidenza de Obama. Quindi niente più la venerada abitudine de farse asumer dala White House, lavorar per un ano o due, licenziarse e diventar lobbyists, con un tanto de soldi de butar e una paga dieci volte più alta. Qualsiasi trasgresion, anche minima el lobbyists el xe fora dela porta.

El ga firmà anche una meza dozina de altre regole, ogi, ma no le xe importanti. Importante xe che a lui, l'erba no ghe cresi soto i pie.

Arnie

[Zigolo]

Arnie, grazie per la precisazion sula traduzion, ma el risultato, anche se un poco cambia, no'l vien stravolto.

Mi volevo dir che mentre sula magior parte de argomenti Obama ga in mente cambiamenti radicali (giusto qua el tuo aceno a Guantanamo), sul'ambiente el xe sai soft, mentre son convinto (e per fortuna no son solo) che proprio per salvar l'ambiente, ossia el pianeta, xe necessaria una vera e propria inversion de rota.

Xe logico che bisogna vardar ale energie alternative, ma bisogna anche pensar, ma veramente, a una riduzion de consumo de energia e de tute le risorse, e questo no solo no xe nei sui intendimenti, ma el ribadissi che la way of life americana xe comunque fora discussion.

Per el resto, inveze, no posso che aver bone parole sule sue intenzioni.

[Ursus Canadiensis]

Zigolo,

Nel’agenda de “Da Fare Oggi” de Obama, la priorità numero uno xe la riduzion del consumo de energia greza, petrolio, gas naturale, estrazion e uso dei fosili e minerali solidi. Secondo editoriali del Miami Herald e altri autorevoli giornai americani, incluso el Wall Street Journal, non solo xe el salvaguardia del’ambiente numero uno sula sa lista de ordine, ma gnanche la no ghe cresi erba soto I pie.

La California, inieme a altri 13 Stati ga decretado legi a riguardo del’industria e dela produzion de automezi che xe le più rigorose del mondo. No se parla de una riduzion comparativa dele emisioni de CO2 nel’aria, ma de 0 emision, punto. Questo grupo de stati utiliza più automezi che tuto el resto del Nord America, dunque se parla de una sostanziale riduzion. Sta lege xe stada pasada due ani fa, ma Bush, benedeta anima, no la ga mai aprovada, perchè perchè la posi eser inforzada, la gaveva bisogno de aprovo federale.

Le manifatriere de automezi se ga sconto drio el protezionismo del status quo de Bush, fin a ogi, ma una volta che sta lege xe aprovada, no le podarà farlo più. No le poderà gnanche continuar a costruir metà auto convenzionali e metà Verdi, perchè el numero de lore consumado de sti tredici stati e la California, xe piu dela metà dela produzion, quindi el giorno dele auto senza emission xe drio el canton. Come che go dito, secondo le notizie dela nazion, Obama xe più o meno pronto a cambiar rota e finalmente dar l’aprovo federale ala lege dela California.

L’altro punto saliente che te ga tocado, la riconciliazion tra salvar l’ambiente a a mezzo de riduzion de uso del’energia, penso che dovesimo verzer un novo topico, “Energia e Preservazion del’Ambiente” perchè xe un problema ben più compleso che semplicemente un o due post persi nel topico OBAMA.

Arnie

[AdlerTS]

Arriva za la prima critica, però, riguardo all'apertura alla ricerca sulla cellule staminali, bloccada a suo tempo da Bush

[Ursus Canadiensis]

Arriva za la prima critica, però, riguardo all'apertura alla ricerca sulla cellule staminali, bloccada a suo tempo da Bush

Da chi la riva? Dala schiera destra del partitito republican. La stesa gente che lo ga fato presidente a Bush.

La ricerca sule celule staminali, che, insieme ala ricerca del DNA xe probabilmente la via de uscita de cure radicali e concrete, specialmente per le sindromi genetiche, come la Down, la cisti fibrosa e tante altre, per dopo no menzionar el campo de oncologia, xe la prima a eser ripresa soto la nova aministrazion. Gaverla proibida da Bush, per motivi idealistici religiosi, perchè a qualchedun ghe xe vignù in mente che l'embrio, un de un enorme numero de lori che se produsi ogni volta che se fa l'inseminazion in vitro el devi eser preservadoa fruizion perchè el xe un esere vivente xe un'utopia alquanto sempliciota. Gavemo un marì, una molie e trecento embrii? I due o tre che produrà i tanto desideradi fioi i xe stadi utilizadi, e quei altri che i poderia salvar altretante vite, inveze, bisogna surgelarli , perchè i xe potenzialmente creature de dio.

Alora vedemo de esaminar l'inconsistenza de sto paradoso: da un lato gavemo una picia o un picio che al'età de quatro cinque ani ga dovudo za gaver diese poperazioni per coreger deformazioni genetiche e aleviarghe, per quei che no le ga provade, inconcepibili pene giornaliere. Dal'altra gavemo la potenziale cura – cellule perfetamente de capaci de curarlo, ma che però, secondo la destra religiosa dei US, no se devi tocarle, perchè chisà, se un giorno se poderia trovar trecento done pronte a farse impregnar, i poderia diventar trecento persone. Ben, insoma! Centinaja de miliaja de lori.

Tuto somado, in teoria mi poderia anche vinzer i 45 milioni ala loteria nazionale, ma xe anche posibile che no la vinzi.

Arnie

[Ursus Canadiensis]

No bisogna dimenticar che Bush gaveva anche proibido la ricerca dele cellule staminali incluse quele trovade nele placente, no solo nei embrii.

Arnie

[macondo]

I stava parlando ieri con un dotor americano che diseva che assai pronto i cominciará una terapia per quei che xe paralizadi dala vita in basso. Con iniezioni de celule staminali i spera de ridarghe i movimenti.

[Ursus Canadiensis]

El jera apunto stasera sul "The National" dela CBC. La cura dovesi cominciar sta primavera. La FDA, l'ente che regola le nove medicine, ga aprovado la cura come prova iniziale per dieci pazienti. Su pantigane, pareria che la funzioni al cento per cento. Semo solo tre cromosomi via de lore, noi super raza, quindi mi tegno i dedi incrosadi

Arnie

[AdlerTS]

Oggi i zonta anche gli stanziamenti pro aborto, che dal punto de vista religioso xe inacetabili. La realtà xe che però i candidati xe questi, e i ga dovudo scelser tra un che non fa nasser i fioi e quel precedente che ghe tirava le bombe in testa a quei za nati.

[Ursus Canadiensis]

Oggi i zonta anche gli stanziamenti pro aborto, che dal punto de vista religioso xe inacetabili. La realtà xe che però i candidati xe questi, e i ga dovudo scelser tra un che non fa nasser i fioi e quel precedente che ghe tirava le bombe in testa a quei za nati.

Principii religiosi, ideali cosideti morali, tuto bel e bon, Adler, ma la realtà xe quela che xe, coi pie pertera e orece e oci verti. Nesun xe ancora mai, storicamente riuscido e proibir la volontà del'individuo, dona o omo. Con tute le "guere ala droga," per darte un esempio, con tute le severisime punizioni che comporta la transgresion dela lege, el suo uso aumenta de ano in ano. In fati, par propio che che più strete le legi e più resiliente la popolazion che vol trasgredirle.

Nel caso dele aborzioni, asumer quel'oribile responsabilità che una dona la asumi nel momento che la ga deciso de abortir, xe za punizion suficiente per ogni individuo, senza forzarla a farlo in camerinini sconti, a mezo de picarini o spiedi de shish-kebab. Le morti dovude a aborzioni falide iera tanto soventi, drante i tempi de proibizion, che i giornai gnanche li riportava più.

E dal'altro canto, portar ala fine la gravidanza e gaver una creatura non desiderade, xe el primo paso verso una vita rovinada. Gnente no xe un spetacolo più bruto che un fio o fia non desideradi. Statistiche sora statistiche dimostra che una gran parte de lori finisi in prison o pezo ancora, nei tati Uniti, condanadi a morte.

Quele no xe considerazioni idealistiche, basade su principi idealistici, Adler; xe tangibili realtà – realtà che purtropo ancora ogi xe cause de tante angoscie. Più importante considerazion qua, xe el sacrosanto (agetivo paradosale) dirito de una dona ala libera scelta de disponer del propio corpo come che a un ghe par e piasi. Un feto apena concepido no 'l ga nesun dirito de rovinar sia la vita dela madre che de continuar al punto de rovinarse la sua pripria, se se lo lasa naser. Quindi abortir el proceso, nel limite del tempo, naturalmente – perchè gnanche mi no volaria vedere l'aborto de un feto de sei mesi – xe no solo un opzion umana e desiderabile, ma anche giusta, sia in termini de moralità sociale che de legi esistenti. Solo la dona in causa, ga el dirito e el dover dela scelta, nisun altro. Infin dei conti xe el suo corpo e no quel de un altro.

Arnie

[Coce]

Arnie,da come che te spieghi te ga emigra' circa al tempo mio,ma quanti
ani te gavevi? te me vien a mi abastanza sicuro de ti stesso, mi forsi son piu' cauto, forsi xe la mia eta', go quasi 80 ani. In riguardo a Obama i segni xe boni, pero mi me domando ancora, el xe un vero Condotier, filosofo, sociologo o solo un scaltro politicante? I wonder if he is "trying to bite more then he can chew" per dir che la maniera de vita Americana xe sacrosanta e no la se pol tocar, per mi no xe cosistente con i obiettivi che el vol ragiunger. Prima roba "The american way of life" no la xe uguale per tuti i Americani, el parla dela vita de quei migliaia de poveri che ga dovesto sfollar el bacino del Mississipy, o de quela vita de quei che ga grandiose tenute
con pallazzi ,piscine e cosa so mi.
L'America ga fato robe assai bele, e fra queste xe l'Internet, pero' la ne ga anche insegnado el grande spreco de risorse naturali del Pianeta, e no credo che tuta la bona volonta' de Obama de dirigerse a fonti naturali de energia sara' suficente per sfamar i milioni de automobili(che no i fa altro che aumentar in numero) E tuti i Gratacei dele metropoli mondiali che xe impizadi note e giorno (e anche le Metropoli se fa sempre pIu' Grandi) senza contar i miloni de elettrodomestici che xe in operazion al momento, e che no i pol altro che aumentar. Infati el magior parametro per mantegnir el nostro sistema de vita xe de incrementar la crescita che xe proprio contrario a mantegnir un san ambientalismo, e no voio gnanche cominciar a parlar dei bisogni del Terzo Mondo.Ciao for now Coce