Buon Giorno!

[Piereto]

Ve voio agiornar un poco sul mondo finanziario anche perché xe sai pochi che ghe bada. El 24 agosto xe una data importantissima per i brics cioè l'unione finanziaria de Brasile India Russia Cina Sudafrica più una altra ventina de paesi che vol entrarghe, in cui se deciderà de lanciar una nova moneda unica per lori, con sottostante la base convertibile in oro e minerali rari. El FMI ga certificado che adeso le economie dei brics ga superado quelle dei g7 e i brics rapresenta i 2/3 de la popolazion mondiale. Una moneda che sopianta el dollaro, che dal 1971 soto Kissinger no ga più come riferimento el oro, ma el petrodollaro in tuti vi scambi commerciali mondiali. Co la guera in Ucraina i Usa ga creado sanzioni e blocco de capitali depositadi in banca, roba che ga fato scampar i arabi, che ga serado i conti americani e i xe pasadi coi brics, e quindi niente più egemonia del dollaro. Gli Usa ga stampado dal 71 a ogi vagonade de dolari che no ga un riferimento, e l'economia americana no produci più niente perché i ga localizado in Cina, e russi e cinesi se ga liberado dei dolari che i gaveva. Anche la Argentina ga pagado la sua quota de debito col FMI non più in dollari ma in yuan.

[Piereto]

La transizione verde dovesi voler dir un pasagio graduale, graduale a un altro tipo de economia, che però de verde ga solo el color de le nostre scarsele. Infati calcoli a la man de la UE, sarà de spender ogni anno fin al 2030, 620 miliardi de euri . No li stampa la BCE ma i graverà sui bilanci dei singoli stati ,vol dir nove tasse. A proposito sto anno i burocrati de Bruxelles ga za fato un puff de 66 miliardi, forsi i ga' trova' un novo modo de magnar che no xe de sicuro inseti o carne sintetica.

[Piereto]

Oggi un lettore del Piccolo segnalava l'opportunità di abbattere l' Auditorium perché non adoperato da cinquant'anni e inagibile, e magari anche tutto il palazzo della questura in quanto edificato come casa del fascio. In quel ventennio sono state realizzate decine di case del fascio, scuole, ONB, case del combattente, centinaia di case cantoniere , edifici pubblici ,che anche con cambio di destinazione, sono tutt'ora in uso. Opere pagate con le tasse del popolo italiano ma che la cancel culture vorrebbe abbattere. Quindi astrusità. Il Verdi ottenne in deroga l'uso dell'Auditorium negli anni novanta, per registrare dei dischi, quindi non cinquant'anni fa. Certamente una cubatura che può essere convertita ad altri usi come una autorimessa a più piani ad uso della polizia.

[babatriestina]

Oggi un lettore del Piccolo segnalava l'opportunità di abbattere l' Auditorium perché non adoperato da cinquant'anni e inagibile, e magari anche tutto il palazzo della questura in quanto edificato come casa del fascio.

etc etc. La proposta a me è sembrata volutamente paradossale e provocatoria , per evidenziare i criteri dei recenti abbattimenti

[Piereto]

Un per de setimane fa, parlando dei capoti delle case, gavevo segnalado come la casa de matoni dei americani a barcola i la stava coverzendo con un capoto grigio. Adeso anche la sovrintendenza se ne ga inacorto, e alora sora el primo capoto i ghe ne meterà un secondo facsimile color maton. Son contento cusi' i starà più caldi.

[Piereto]

Alora oggi co sto uragano i ga dito che anche a Venezia sarà aqua alta, un metro sora in piazza San Marco . Ma....e el mose. Par che el funziona con maree e acque sai alte. Ogni volta che i lo impiza parti 900.000 euro. Lu riva a fermare onde de tre metri, peca', che i murazzi, cioè le dighe le xe alte solo do metri. No digo altro.

[Piereto]

Xe una notizia de sti giorni, ma la xe pasada in sordina, cioè la xe sai scomoda perché la poni tanti interrogativi, e i popoli de la tera no i xe pronti. Cioè i ufo o uap come che i li ciama ogi , i esisti e cusi' ga riferido al congresso dei USA , un capo delle forze aereo spaziali americane. Xe scadudo el tempo del top secret. I uap i xe reali, i xe conosudi da almeno 90 anni , presenti in tuto el mondo. Se ga zercado de studiar i vari frammenti de astronavi precipitade e no podemo escludere che tanti progressi odierni fatti dall'umanità sia de derivazion extraterrestre. I tanti film de fantascienza ne ga verto un poco i oci sull'argomento.
Mi me gaveva colpido una decina de ani fa come al periodo de lo scudo spaziale, cioè un sistema missilistico capace de colpir i nemici dei USA, i gavesi deciso de rivolger i missili anche verso lo spazio, e l'air force xe diventata anche spatial air force.

[babatriestina]

no te me convinzi

[Piereto]

Vedremo se ghe sarà dei sviluppi, o se tutto vignira ' messo a taser.

[babatriestina]

da una mostra a Vienna

[Piereto]

Semplici osservazioni.
Xe sta un periodo de la storia umana , migliaia de anni, in cui l'omo ga avudo un grande timor e rispetto de tuti i fenomeni naturali, e la sua vita dipendeva da la natura in cui el viveva, quindi se ga svilupado una religione, una fede animista. Ogni manifestazione gaveva una anima e bisognava asecondar i sui voleri tramite i sciamani e far i scongiuri per non eser ciolto de mezo. Osservar la natura, fare de le relazioni tra i avenimenti , el principio de le osservazioni scentifiche . Po' improvvisamente riva i dei simili ai omini. Qualchidun bon che aiuta e qualchidun cativo cha fa paura e te tien sottomesso alle sue volontà. Comincia tuta la storia de le religioni antiche e la loro evoluzioni in quel moderne. Xe sta' sicuramente un periodo in cui l'omo e el dio ga camina' su la tera insieme. Ga cominciado el periodo de meter nero su bianco e se ga inventado la scritura. Po' i dei no se li ga visti più ,ma xe rimaste le religioni e i religiosi che le propaga anche ai giorni nostri. Certamente se pol benissimo no condivider quel che go scrito, ma i uap i disi che i esisti e che i ne osserva e che per adeso i ne lasa in pase.

[Piereto]

Me par che el tempo stia andando verso el bruto. Continua el brazo de fero tra USA e Cina. I ne disi de no andar avanti su la via de la seda, ma senza de lori aranchemo perché ne manca tanti componenti ne le produzioni che no semo più boni de produr. Al superbonus che gaveva dado fia' a la nostra economia e che ne gaveva garantido un bon pil, i ghe ga dado una strenta e cusi' xe calado anche el pil. Continuemo a darghe bori per una guera che tanti diseva che la iera za persa in principio. Manca i bori per la sanità co le file per cior un apuntamento. No parlemo pò de le follie verdi che i ne vol impor e che ne manderà in povertà. I francesi ga l' esercito che piantona i confini co la Italia e notizia de oggi xe che la Germania ga dito che no la fa entrar più nisun profugo, e i continua a vinir.

[Piereto]

Credo che no fazi piazer ciapar una multa, e tanto più se la xè per eccesso de velocità . So che tanti dei nostri lettori guida poco.
I te conza la multa proporzionalmente tra el limite che xe riportando sul segnal e la velocità rilevada dall' autovelox. Giusto, ma guidando da cinquanta anni go notado che troppo spesso el limite de velocità e quindi de prudenza ne la guida, el xe giusto solo per un par de ore al giorno e cioè quando la strada xe traficada. La multa tute le alte volte servi solo a far cassa. Xe dei punti che xe pericolosi e quindi in quei loghi xe meio meter dei disuasori o cunette. I segnali dovesi eser scelti e messi no dal sindaco,ma dai cittadini automobilisti. La idea de istituir el limite de 30 a l' ora ne la cosiddetta zona storica o centro città va ben ,sempre che el centro sia pien de pedoni e de bici monopattini. Ma anche qua xe de le ore e dei giorni che no pasa nisun e el limite de 50 xe valido.

[Piereto]

Proseguono alacremente i piani europei green prima delle elezioni europee del 2024, che probabilmente vedranno un cambio di guida dirigenziale e anche un cambio di rotta, tant'è che oggi ci si chiede chi sia a dare gli ordini a Bruxelles. Questa regia vuole che si abbandoni il gas e il petrolio, dicono perché inquinanti, ma in realtà costano troppo, quindi cappotti termici, pale eoliche , abbandono di cucine e caldaie a gas e uso di apparecchi a induzione. Eliminazione veloce delle auto a motore termico. Una transizione che non grava sulle spalle della banca centrale europea come sarebbe da aspettarsi se l' Europa fosse una sola nazione, ma invece devono essere finanziate dai singoli stati. Devono? Devono accollarsi il mantenimento dei richiedenti asilo ? Ognuno cerca di tornare a pre Schengen, e si sono creati già 2040 kilometri di filo spinato per impedire l' invasione. Non ultima la tassa europea sui trasbordi di container all'interno della unione che di fatto penalizza proprio l' italia. Non parliamo poi degli imballaggi del cibo farlocco, della sessualità ignorata, della caccia alle streghe di chi crede in qualcosa d'altro. Ma c'è ancora chi ama questa unità.

[babatriestina]

Io sono cresciuta con il mito del progresso e dell'evoluzione. Invece mi sto accorgendo che il mondo sotto tanti aspetti sta andando indietro e che le tenebre sono preferite alla luce. Andiamo a lunghi passi verso un periodo di involuzione e barbarie e la decantano in tanti.

[Piereto]

La regione ga da l' ok alla ovovia perché la migliora la sicurezza e la sanità . Certo in una cabina podemo starghe in diese e se infetemo in diese, e pol moriri solo diese de lori, e ogni giorno ghe anderà 20.000 persone. I devi aver i ociai sai sporchi per veder ste robe. No ga importanza che se fazi pilastri in una zona sai cool, come vicolo de le rose che frana. El mese de fermo per el controllo e cambio de le funi, el mese de bora e altri diese giorni de libeccio, el posteggio intera' ne la roccia viva de campo romano . E no ga importanza che inveze la sarà frequentada solo da qualche centinaio de persone per cui el biglietto no podera' eser quel orario de la rete come che ieri per el tranvai. Tralaso de parlar del picchio rosso e de la riserva faunistica.

[Piereto]

Alora quel de la regione xe un primo pasagio ,ghe ne vol parechi altri , compresi i pareri de altri enti, quindi niente de risolutivo come inveze ne contava ieri el comunicato del comun. Quanto ciapa el diretor dei lavori?

[babatriestina]

ciacole de babe...
le mie none, nate nel otocento, gaveva tute do le orecie sbusade per impicar i orecini. Bisognava meterli ogni tanto, se no el buso se gavessi serado, le diseva. In realtà una dele due inveze che meterse i orecini sui boni, me gaveva cioltoin prestito i mii finti cola clip e meteva i mi....ben bon, una generazion dopo mama e zia nela nela prima metà del Novecento, un poco più de 100 anni fa, no gaveva più buso. Che no se fazeva, che no se se sbusa la pele per impicarse roba.. co iero picia mi solo veci tradizionalisti sbusava le orece dele putele e fin de pice ghe meteva le verette che el buso no se seri. farse una ferita e impedir che la se rimargini per impicarse qualcossa? no me pareva el caso...

po qualchedun ga rimesso la moda del buso nele orece, anni 70-80 circa.. po qualchedun se ga fato due tre busi in fila.. intanto mi visitavo el India e vedevo che là e gaveva anche el buso sul naso de lato, che po lore gaveva un gioiello che qua no se ga visto, una specie de cadenina che colegava naso e orecia. me pareva esotico.

po xe vegnuda la moda del piercing, prima solo per tipi anticonvenzionali, el buso e la vereta sula lingua.. e i disi anche in parti più sconte. I mii alunni me gaveva ricordado che gavevo dto una volta in classe, su domanda a riguardo "se comincia cole orece, po el anel nel naso come le mucche e magari la campanella sui genitali"; iera i anni che me gavevo vestido de " selvagio african" che adesso no se podessi, imagino, per riguardo etnico, gavevo el osso in testa su una parucca verde, ma forsi el iera previsto per el naso...

ben bon adesso vedo che anel nel naso sempre più se vedi, xe ormai normal, nele orecie i se slarga el buso come le babe che vedevo in Indonesia, le giovini belissime coi orecini de oro massiccio e le vece cole orece sbusade che piacava sul colo tanto el buso iera longo r tirado zo dle peso dei orecini...
e se digo qualcossa i me rispondi con un agressivo " e quindi?"
son vecia che el mondo me par un tantin strampalato? xe per bon progresso o no capisso mi?

[Blues Briso]

Mi più che altro no capisso come che le se a piàser, do che lavoro delle belle putele, che per mi le se rovina in faccia o coi piercing o coi anei in tel naso come le vacche. Boh.

[Ciancele]

Fioi mii, cos’ volè che ve digo. Gusti xe gusti, diseva quel che magnava savon. Se una mula la voleva eser sicura che no ghe salto ‘doso, no ocoreva che la cioghi un regimento de body guard, bastava che la ciuci bubble gum, che la se fazi un tatuagio o che la gabi un piercing. Costava de meno e iera più sicuro. Scusè.