Regolo calcolator e scalimetro

[sum culex]

In fauna 'Sono piccolo' ga messo e Regolo usel e el regolo calcolatotr. Mi meto qua i pupoli, anche per analogia con veci atrezi, del regolo de mio papà. El xè quasi de antiquariato (el dovessi gaver, cussì a stima più de 80 ani) el suporto e le guide xè fate tute in legno e nonostante che el xè conservà in un casetin in cantina, local bastanza umido, el funziona ancora perfetamente.

Qua el xè intiero



più in grande



Due particolari dela dopia scala scorevole che se pol voltar soto sora perchè la ga indicazioni su tuti due i lati

[sum culex]

La guida in legno dela scala scorevole



El vetrin scorevole cola rigeta indicator (no me ricordo el nome tecnico)

[sum culex]

El vetrin xè un poco mufido.

Za che xon in tema de righe/ordegno ve meto le foto de un scalimetro. Questo xè mio e no'l xè tanto vecio come el regolo, ma comunque el dovessi gaver almeno 50 ani.



I vari raporti de scala: el primo 1:100



1.200

[sum culex]

1:250



1:300



1:400

[sum culex]

1:500



Come che el xè congegnado per aver 6 scale sul medesimo righel



Sta qua xe una roba forsi tropo tecnica e che no a tuti pol piaserghe, ma go pensà che almeno a qualchedun dei amici del forum gavessi podù interessarghe e per questo me son permesso de inserir sto argomento.
ciao
sum culex

[serlilian]

Grazie, sum culex.
Mi no go mai avudo ocasion de usar un regolo, ma me gavessi piasso veder come che el funziona.

In compenso in un dei primi uffici dove che go lavorà, gavevo una calcolatrice manuale, pesante. Un blocco de metallo, con tanti cursori e una manovela.
Se masinava avanti o indrio, dopo aver spostà una leveta e la fazeva le 4 operazioni, assai più svelta de una dele prime calcolatrici eletriche, no Divisumma, quela prima me par.

[sono piccolo ma crescero]

Grazie, sum culex.
Mi no go mai avudo ocasion de usar un regolo, ma me gavessi piasso veder come che el funziona.

Per aver un'idea de come che el funziona, te ciol due righei normali (per esempio due squadreti) e te li meti un sora l'altro, un poco sfalsai in modo de veder i centimetri de tuti e due, un soto de l'altro. Cusì te pol far le come e le sotrazioni.

Per far una soma, per esempio 5+8, te meti el zero de un righel (ciamemolo A) in corispondenza del 5 de l'altro (ciamemolo B). Poi te va a veder su A dove che xe l'8, e in corispondenza su B te trovi 13 che xe la soma.

Se te vol far 8-5, te ciol el 5 su A e te lo meti sora de l'8 de B e el 0 de A mostra su B el 3 che xe el risultato.

I regoli funziona nel steso modo per le moltiplicazioni e le divisioni, solo che no i ga la scala lineare, come i righei, ma logaritmica e coi logaritmi le moltiplicazioni diventa some e le divisioni sotrazioni: a parte questa diferenza, el principio xe el steso.

Sti regoli ga un difeto: no i te dà mai el risultato esato, ma sempre circa: 2x2 fa circa 4. Per questo la Nestler, che iera una dela grandi fabriche de regoli (un'altra iera la Aristo e me domando sempre che fine che ga fato ste fabriche) li fazeva, ma no li go mai visti, anche su tamburi, me par de un metro de diametro, e quindi de più de tre metri de lungheza efetiva (quel che ga mostrà sum xe lungo 25 centimetri) e i ghe serviva, per esempio, per i calcoli astronomici (e forsi anche sui cambi valute, perché quando che te ga impostà el raporto del cambio, te ga subito le corispondenze tra qualunque importo de una valuta e de l'altra, basta leger).

[Coce]

Bela la mostra de " ordegni" per disegnadori, in Inglese i regoli se Ciama "sliding rules", mi go ancora due a casa, un picolo tascabile ,e un grande, i iera assai utili, ma come disi "Piccolo" no i xe proprio accurati per i picoli decimali. Ciao Coce

[AdlerTS]

...e questo ?

[bruno]

dovessi esser un tratteggigrafo per far le linee a uguali distanze

sulla piattina de fero coi due buseti iera tacada l'altra steccheta
fracando el pulsante sul tondo el se spostava de misura sempre uguale

[AdlerTS]

Esatto ! Sulla riodela se pol decider la distanza tra le righe parallele

[bruno]

ma cossa ti son strigo? zà te savevi?

[Elisa]

Grazie, sum culex.
Mi no go mai avudo ocasion de usar un regolo, ma me gavessi piasso veder come che el funziona.

In compenso in un dei primi uffici dove che go lavorà, gavevo una calcolatrice manuale, pesante. Un blocco de metallo, con tanti cursori e una manovela.
Se masinava avanti o indrio, dopo aver spostà una leveta e la fazeva le 4 operazioni, assai più svelta de una dele prime calcolatrici eletriche, no Divisumma, quela prima me par.

E zà che de "calculator" se parla....

forse quella che descrivi tu non era tanto pesante come questo blocco di metallo! Non era a manovella. E` la calcolatrice (Remington electric, se ben ricordo) in uso dall' anno 1955 circa... (foto anno 1960), molto benarrivata, veloce e molto vantaggiosa in quanto si poteva avvezzarsi ad azionarla con la mano sinistra mentre potevi escrivere con la destra, ciò che non era possibile fare precisamente con le calcolatrici precedeti (Olivetti Summa?) a manovella, perchè erano costruite per tenerle a destra!
Alla nuova generazione tutto questo sembrerà arcaico, e come no?.... vedendo i progressi ed i 'gioielli' raggiunti al giorno d' oggi nel mondo del calcolo! E così pure quel foglio di carta carbone sull' altra scrivania!!!!!

[LELA]

Ciau, ciau a tute/i, mi tuti sti atrezi - a parte la calcolatrice mostrada dala foto de Ivana - nò li gavevo mai visti e gnanca sevevo che i esistesi.
Se nò gaverìa leto tuti i post nò gavesi savudo gnanca a cosa che i serviva.
Bon, par i vari ufizi - compreso el cambiavalute - va ben, ma per che altri misteri i vigniva doprai?
Ve ringrazio in anticipo par qualsiasi eventuale risposta.

Sempre con simpatia, Lela.

[sono piccolo ma crescero]

Oh, varda, credo che con i regoli calcolatori de sum culex, sia stai fati i conti per i cementi armai fin a tuti i anni '60 (per intenderse quei dele case che no vien zo col teremoto , ma questo no c'entra)

El scalimetro serviva per no dover far tropi conti. Te misuravi (e te misuri) su una pianta le distanze e el scalimetro te le dava diretamente in metri.

El trategiografo no lo go mai visto, ma el serviva, credo, in disegno tecnico per coverzer de righete certe parti dei disegni.

[AdlerTS]

ma cossa ti son strigo? zà te savevi?

El trategigrafo serviva per far 'sti lavori qua



Al Volta lo gavevimo tuti

[LELA]

Te ringrazio tanto babatriestina par le informazioni che cusì zentilemente te me gà fornido; e grazie anca a ti Adler: son proprio contenta de eser aprodada quà: ogni zorno imparo quacosa ce no' conosevo! Grazie ancora.

Sempre con simpatia, Lela.