Strassoldo

[AdlerTS]

Ieri son andado a veder la XII edizion della manifestazion dal titolo “IN PRIMAVERA: FIORI, ACQUE E CASTELLI - Un magico Intreccio tra Storia, Fantasia, Creatività ed Ambiente Naturale” a Strassoldo, vicin Cervignan.
Pena che rivo ve meto do foto

[AdlerTS]

Meto un due, po' finirò stasera

La manifestazion vol unir la visita al borgo medioevale ed una celebrazion della primavera con un mercato de bigiotteria (nel senso più nobile del termine). La primavera podemo rappresentarla con le piante che jera in vendita nei giardini.

[AdlerTS]

Giardini dove se podeva anche magnar fritelle de pomi e bever un bon bicer

[AdlerTS]

El borgo se sviluppa intorno a due castei (castello di sopra e castello di sotto) e l'antico nucleo rurale della cesetta de S. Maria in Vineis.

[AdlerTS]

El giardin che vendeva firoi jera veramente incantevole, un caton de paradiso

[AdlerTS]

Nel Castello di sopra abita ancora oggi la famiglia che lo possedeva 1000 anni fa, ma una leggenda (come tutti i castei che se rispetta) vedi come capostipite Rambaldo di Strassau (che ga combattudo contro Attila nel 456), mentre un'altra racconta della bellissima Ginevra Strassoldo trasformata in pietra nel secolo IV.

[AdlerTS]

Per la storia, tuto el nucleo originale pareria sia stado brusado nel 1381 da Filippo d'Alençon.

[AdlerTS]

forse se qualchidun fussi in grado de tradur 'sta targa podessimo capir qualcossa de più.

[AdlerTS]

Logicamente la targa xe più recente: doveria far riferimento a Giulio Cesare (simpatica omonimia) che ga sposado Rosa khun, fia del feldmaresciallo Kuhn von Kuhnenfeld, ministro del povero nostro Franz, e Cancelliere dell'Ordine militare di Maria Teresa.

Michele inveze jera governator del Lombardo veneto prima del buon Massimiliano e sua sorela, Francesca Romana, ga sposado el Radetzky nella cesa gentilizia del castel.

[AdlerTS]

el mulin esisti ancora, ma el lato interno della casa non xe più attrezado a pilar i risi

[AdlerTS]

I Turchi pareria che fin qua non xe rivadi

[AdlerTS]

L'aspetto de pacifiche residenze de campagna xe quel del primo '700, quando xe finida la funzion militar del centro.



Go fato anche un par de foto degli interni, ma essendo case private le tegno per mi

[AdlerTS]

Tornando poi al senso della mostra, fulcro della manifestazion, devo dir che xe stada allestida con molta sapienza e bon gusto, ben publicizzada in Austria (molte le targhe estere), per incentivar un certo tipo de turismo de livello superiore, che non sia el solito grado-spiaggia-sabbia

[AdlerTS]

Cossa ga a che far con Trieste ? giudiché voi

[AdlerTS]

Ah sì, sulla cesa xe anche el nostro inconfondibile San Nicolò

[LELA]

Bonasera Adler, veramente complimenti: le foto le xe saì bele, tute quante: te son fotografo par hobby o cosa?
Cusì poso dir de eser 'ndada in zinque zorni - el zovedì e venerdì 2/3 de aprile a visitar la mostra "Il raccondo delle cartoline Imperial Regie" c/o el "Museo Postale e telegrafico della Mitteleuropa" ala Posta zentral de Trieste, grazie a serlilian e a Roberto Todaro e, lunedì 6 (anca se ogi xe el 7) de aprile a visitar la XII edizion dela manifestazion "IN PRIMAVERA: FIORI ACQUE E CASTELLI" a Strassoldo, vizin de Cervignan grazie a ti."
Xe bel anca zirar cusì par chi che come mi, squasi no'l se movi mai de casa: e tuto grazie a persone come voi.
Par qunto riguarda la traduzion dela targa, qualcosa se riva a lezer e gò rivado anca a capir, ma la megior parte - gò provado anca con la lente d'ingrandimento - nò se riva: la xe tropo "usurada".

Grazie 'ncora par el bel zireto e ciau, sempre con simpatia, Lela.

[babatriestina]

Rambaldo di Strassau,

che ga combattudo contro Attila, lo trovo anche in wikipedia, ma el nome scritto cussì nol me sona contemporaneo de Attila.. ai tempi de Attila se parlava latin de ste parti ( chi che no parlava visigoto, ostrogoto o unno, ovviamente!)- me sa de un cavalier feudale medieval che se ga inventado origini antiche e illlustri..
la lapide come che la xe scritta, mi nela parte alta legio solo i titolo de sto sior, Ritter de qua, Ritter de là... forsi in picio xe dito cossa che el ga fatto
Per Trieste, no stemo dimenticarse Vito Strassoldo, capitano imperiale di Trieste dal 1698 al 1707.
Cossa te fa esser cussì sicuro che i Turchi no xe rivai a Strassoldo? la fortezza de Palmanova iera fatta propio contro i Turchi..

[AdlerTS]

Grazie Lela, ma i veri fotografi del forum xe altri Mi son solo un che cerca de fotografar le robe che lo colpissi.

Per i turchi, Babatriestina, me son limitado a legger quel che scriveva el volantin uficial (la brochure) che i ne ga regalado entrando nel comprensorio

Gavé notado Strassoldo con una S nella tabella ? Ne in furlan e ne in tedesco se scrivi cussì (saria Strassolt)

[LELA]

Te ga proprio rajon Adler, mi lo gò notado, ma me jera scampado dela mente de dirlo.
Par quanto riguarda le foto, mi no sò chi che xe i "veri fotografi del forum", ma par mi le tue xe 'sai bele: anca se devo dir che squasi nò sò gnanca come se dopra 'na machin fotografica; difati le rare volte che 'ndemo (una volta se movevimo de più, prima che me malasi) o semo andai de qualche parte e gavemo visto qualcosa che ne interesava de fotografar, inevitabilmente se acorzemo de gaver desmentegado la machina fotografica a casa!

Ciau, con simpatia, lela.

[serlilian]

Sula lapide mi riesso a capir un pochi dei titoli de Giulio Cesare (parola illeggibile, forse Grafen = conte o dei conti de?) Strassoldo Graffemberg.
Iera un colo grosso: imperial regio Feldmaresciallo, Kammerer (credo che sia camerlengo) comandante dei .... di Leopoldo, cavaliere di Maria Teresa, cavaliere di vari Ordini cavallereschi, comandante titolare del reggimento di fanteria n. 61,

nato (forse a Gorizia) nel 1791, morto a Strassoldo nel 1855.
... alti meriti.. per la Patria....


No rivo a capir altro.

Forsi zercando de qualche parte la storia del I.R. 61 se podessi trovar qualcossa.