Via del Monte

[babatriestina]

Via del Monte, una via poco frequentada, in riva in su, ripida ( in parte dovudo ai sbancamenti per impignir le saline nel Settecento), usada come posteggio...
la comincia con case grandi e pesanti, un poco scure, xe la zona dele scole e dei musei dei Ebrei triestini, el Museo Carlo e Vera Wagner

po la continua sempre ripida, ma verso sinistra la se libera, iera zona una volta de cimiteri non cattolici, prima un dei ebrei, resta tracce de vece porte e campagnete abandonade

[babatriestina]

porte che no dà su gnente..

l'ingresso del vecio cimitero protestante, adesso el cimitero no xe più ma xe el centro evangelico, se entra però de Scala dei Giganti. I Ortodossi gaveva anche lori un cimitero, drio de Piazza Goldoni drio de palazzo Tonello, nel settecento, po i ga spostado tuto a S Anna.

[babatriestina]

per finir, una scaletta ripida, via Montuzza, che porta su via Capitolina. Po se ariva soto l'alabarda ( quela che no se vedi più) e ala cesa dei Cappuccini.

[Tu1]

Strada particolare e ricca de storia recente. In piazza Benco durante l'insurrezion del 1945 (quela prima che rivi i titini) xè stada una furiosa battaglia con tanti morti tedeschi (che se stava radunando per el ritiro verso el castel de S.Giusto) e partigiani, al punto che a metà giornada se gà avudo una tregua concordada per socorer i feriti e rimover i morti. Successivamente i tedeschi gà risalì via del Monte, mitragliai dal basso dai insorti. A metà della via, dove xè el primo "comio" verso destra, la casa jera crivellada de colpi, fina a un anno fa, quando i la ga restaurada. Qualcossa se vedi ancora sulle piere in arenaria del mureto più in alto, soto el portal del vecio cimitero.

E sorvolemo sull'importanza per la Comunità Ebraica de quela via...

[babatriestina]

E no dimentichemo i versi da Saba

da Trieste e una donna : Tre vie:
( la parte centrale)

A Trieste ove son tristezze molte,
e bellezze di cielo e di contrada,
c'è un'erta che si chiama Via del Monte.
Incomincia con una sinagoga,
e termina ad un chiostro; a mezza strada
ha una cappella; indi la nera foga
della vita scoprire puoi da un prato,
e il mare con le navi e il promontorio,
e la folla e le tende del mercato.
Pure, a fianco dell'erta, è un camposanto
abbandonato, ove nessun mortorio
entra, non si sotterra più, per quanto
io mi ricordi: il vecchio cimitero
degli ebrei, così caro al mio pensiero,
se vi penso i miei vecchi, dopo tanto
penare e mercatare, là sepolti,
simili tutti d'animo e di volti.

[rofizal]

Nel XIV secolo, a l'inizio de via del Monte, ghe iera el primo cimitero ebraico. Se trovava dove dopo vignirà costruide le loro scole, soto el col de Montuza, ciamado quela volta Monte della Fornace.

El 26 giugno 1446 vigniva comperado, in contrada Santa Caterina, un teren vicin per ingrandir el cimitero. Nel 1774 vien acquistado un altro tereno - per el quale iera stado otenudo el permeso el 19 aprile 1771 - per adibilro a cimitero. Questo se trovava in alto a destra de via del Monte e vignirà usado fino al 1844, data del trasferimento nel atuale cimitero ebraico de Sant'Anna.

Nela stesa zona (col de Montuza) doveva sorger anche el cimitero evangelico. El teren. prima de proprietà de Giovanni Pelos, vigniva acquistado el 30 settembre 1780. Se tratava de 4.000 metri quadri, tra el col de Montuza e la contrada del Monte. De questo teren, circa 3.000 mq vien poi rivendudi, el 30 marzo 1822, a Gregorio Gustin, mentre i altri sarà efetivamente adibidi a cimitero, con una cappella mortuaria che iera posta de fronte ala porta de entrata in via del Monte, ogi murada. El precedente cimitero evangelico (luterano) se trovava ala fine del atuale Corso Italia, sule sponde del torente che vigniva zo de San Giusto (scala dei Giganti e via Pellico).

[rofizal]

in parte dovudo ai sbancamenti per impignir le saline

Saria bel veder dele foto de come iera la zona prima dei sbancamenti

[babatriestina]

in parte dovudo ai sbancamenti per impignir le saline

Saria bel veder dele foto de come iera la zona prima dei sbancamenti

foto, un poco difficile, visto che se tratta de opere del Settecento . Dovemo contentarse dele stampe..

[rofizal]

foto, un poco difficile, visto che se tratta de opere del Settecento

No ghe vol sai... basta usar la machina del tempo, far le foto e tornar indrio.