Emanuele Filiberto

[AdlerTS]

I giorni 25 e 26 febbraio visita ufficiale de Emanuele Filiberto di Savoia a Trieste.
In calendario visite a Foiba, Risiera, Sincrotrone, Fondazione Lucchetta-Ota-d'Angelo-Hrovatin e cena de beneficenza in Piazza della Borsa.

[Tu1]

OSSSTIAAA.....Tuco doverà ciòr ferie...sperando che el vegni con la "guapita".......

[babatriestina]

Disè che el podessi andar in albergo al Savoia? perchè per un bagno al Savoia xe un poco presto... e un giro a Mramar a veder i stemi e el apartamento de suo cugin?

[Bilbo]

e cosa el viena far? nol podesi restar a casa sua, inveze de farghe spender soldi "nostri" al comun, che magari i podesi usarle per le scovaze (tanto la diferenza xe poca )

che ritorno pol aver la cità de una sua visita?

[babatriestina]

e cosa el viena far? nol podesi restar a casa sua, inveze de farghe spender soldi "nostri" al comun, che magari i podesi usarle per le scovaze (tanto la diferenza xe poca )

che ritorno pol aver la cità de una sua visita?

El ga dito che el vien per imparar e per conosser l'Italia, e de imparar el ga, me par... , ciò per tanti anni in Italia nol xe vegnudo, che el scopri come che xe Trieste.
perchè el Comun dovessi spender soldi? nol xe un turista come i altri?
un turista in più, se el se trova ben el ne pol far reclam, e speremo che el se paghi el viagio dela sua scarsela!

[Bilbo]

se el fusi un turista come i altri no ghe saria tuto sto stombazamento....

sul fato che el se paghi el viagio de scarsela sua, go anche qua i mii seri dubi......

[belvedere]

se el fusi un turista come i altri no ghe saria tuto sto stombazamento....

sul fato che el se paghi el viagio de scarsela sua, go anche qua i mii seri dubi......

anch'io!

....verrà forse a fare campagna elettorale? ("Valori e Futuro" è il nuovo programma del rampollo savoiardo!)

ciao ciao

Bruna

[sum culex]

Lassè, lassè pur che el vegni, per la cità xè pur sempre publicità (fa anche rima, meio de cussì!).
Po' se un SA_VOIA GA VOIA ........
Ciao
sum culex

[AdlerTS]

basta che non l'atrachi su molo Audace ....

[cenerentola82]

Ma chi xe sto qua? Ma cossa el vol? Ma chi lo ga ciamado?

[babatriestina]

Nela visita de ieri ( el devi gaver imparado cossa che xe la bora) par che in piazza del Borsa, col sindaco, etc, i voleva traversar a pie col rosso , e el mato fa Mi son svizzero, col rosso no se passa. Quasi asburgico, ciò. El ga contado che de Trieste ghe parlava nona Maria Josè.

[AdlerTS]

El fazeva più bella figura a dir "mi son cressudo in Svizzera".Poi su pare xe nato a Napoli, un posto dove el semaforo xe un consiglio inveze de un ordine....
Altre dò cheel ga dito: dalmàti inveze de dalmati e, la più grossa, "capisco gli esuli istriani perché sono esule anch'io."

[Nona Picia]

El fazeva più bella figura a dir "mi son cressudo in Svizzera".Poi su pare xe nato a Napoli, un posto dove el semaforo xe un consiglio inveze de un ordine....
Altre dò cheel ga dito: dalmàti inveze de dalmati e, la più grossa, "capisco gli esuli istriani perché sono esule anch'io."

Però el ga anche dito:"Io sono un esule privilegiato" Bisogna dir che un poco el ga refà la gaffe.
Ciao ciao

[babatriestina]

Mah, adeso i disi Cossa el xe vignudo a far, ma magari se nol vigniva, saria stado Ara ti che gnanca nol se ga degnado de vignir de noi! tanto i triestini trova sempre de rugnar.
Mi penso che sia un turista in più e che se el se ga trovado ben el ne farà un poco de reclam.
( curioso che nol sia andado a Miramar, ma me par che sia la ruzine col ramo Aosta.. )

[Maximilian]

Nela visita de ieri ( el devi gaver imparado cossa che xe la bora) par che in piazza del Borsa, col sindaco, etc, i voleva traversar a pie col rosso , e el mato fa Mi son svizzero, col rosso no se passa.

Eheh mi è meno antipatico dopo questa dichiarazione

[Nona Picia]

A propsito dei Savoia, gavè sentì l'ultima richiesta del "nobilissimo" Vittorio Emanuele e dell'altrettanto "nobile" figliolo Emanuele Filiberto? Cossa ve par, giusta o sbagliada?

[babatriestina]

qualchedun gaveva dito che la iera sbagliada anche del punto de vista dinastico, perchè essendose sposado Vittorio Emanuele con Marina Doria senza l'autorizzazion de Umberto, nol gaveva più diritto all'eredità Savoia. I Aosta ghe ridi drio ( i Aosta ga sempre ridudo drio del ramo principal).
La stessa Maria Gabriella ga dito che ela no ghe n'entra e se dissocia.
Resta de discuter se le varie ville ( Villa Torlonia, san Rossore..) iera statali o private e se se le pol considerar come.. beni abbandonati!
zerto xe che i Savoia de molti anni alle aste sta vendendo gioielli, el che vol dir che i ga bisogno de bori.
I gioielli dela Corona d'Italia, cher se vedi nele foto dela regina Margherita, e che paressi che i Savoia ghe gabi fato un pensierin, per mi xe proprietà de Stato e i dovessi secondo mi, inveze che lassarli serai in un sotterraneo dela Banca d'Italia come che i xe adesso, meterli in vista come che xe i gioielli dela Corona inglese e perfin quei del Scià de Persia.

[Lugara]

(cut) ... zerto xe che i Savoia de molti anni alle aste sta vendendo gioielli, el che vol dir che i ga bisogno de bori.
I gioielli dela Corona d'Italia, cher se vedi nele foto dela regina Margherita, e che paressi che i Savoia ghe gabi fato un pensierin, per mi xe proprietà de Stato e i dovessi secondo mi, inveze che lassarli serai in un sotterraneo dela Banca d'Italia come che i xe adesso, meterli in vista come che xe i gioielli dela Corona inglese e perfin quei del Scià de Persia.

Me par che i ga dichiarado che i ga intenzion de dar in beneficenza (a se stessi? ) tuti i milioni de euro che eventualmente i ricaveria... mah...
Anche secondo mi i gioielli dela Corona apartien alo Stato, senza alcun dubio, e saria proprio bel che i vignissi messi in mostra permanente.

[Nona Picia]

qualchedun gaveva dito che la iera sbagliada anche del punto de vista dinastico, perchè essendose sposado Vittorio Emanuele con Marina Doria senza l'autorizzazion de Umberto, nol gaveva più diritto all'eredità Savoia. I Aosta ghe ridi drio ( i Aosta ga sempre ridudo drio del ramo principal

Mi so che al'epoca del fato de Vittorio Emanuele in Sardegna, el re Umberto ga designà come suo futuro erede al trono el duca Amedeo d'Aosta, non ritenendo suo fio più degno de portar avanti el nome. E questo xe sta confermà pochi giorni fa dal referente dei monarchici.

[mauri]

Mi me par che coi dani che i ga fato...vista la storia patria... i doveria dar lori un congruo rimborso.. ma no solo ai posibili quanto imbrobaili suditi....ma a tuti quei che xe andadi in rogne per causa sua...ara qua de noi che roba....!!!!

Wl'A.