TRASPORTI IN ZITA'

chi se ricorda più che a Trieste ghe iera....
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

TRASPORTI IN ZITA'

Messaggio da LELA »

Fin a zirca quaranta ani fà, pasando davanti 'l cafè "Tommaseo" e vardando el mar, se podeva veder anche diversi cari de legno, ognidun co' 'na cubia de cavai e rente i cari tanti òmini tuti vestidi squasi uguali.
Sti cari jera fati in magnera de poder meterghe drento materìal par costruzioni, come zemento, malta e altre robe e i òmini jera ciamadi "caradori". Ghe jera diversi tipi de caro e ogni tipo de caro el portava una zerta merze, cusì al molo Venezia che tuti ciamava "molo Spusa" jera i cari par le bote e sti cucer no'i spetava che i li carighi, ma i 'ndava a ciorli solo dopo che se jera mesi d'acordo sul prezo.
Per ciamar un'altra cubia de cavaie meterli davanti a quei zà tacai, opur par meter rente de un caval stanco un caval fresco: se diseva "foral" (o"forait", cavallo di rinforzo, parola derivante dal tedesco "Vorreiter - battistrada"); foral se diseva anca par 'ndar su par qualche riva cò el caro jera pien. El "carador" speso e volentieri deventava cucer e co' 'stà trasformazion se vedeva la stesa zente guidar caroze de funerai, de cresime o de carneval: 'stè caroze jera i "landau". I caradori jera vestidi co' le braghe de rigadin o de terlis (stoffa di cotone pesante), la camisa de fustagno o de flanela, 'na maja de lana, un "sacheton" (giacchettone) a tre quarti che se capiva subito se el jera stà voltà o se prima jera un capoto, in testa chi gaveva la bareta co' "l'ongia" (frontino), un colbaco o un capel. Co'i guidava i landau i gaveva braghe bianche, trombe nere (stivali), tre quarti blu tipo "tight" e in testa un zilindro nero. "El parecio" jera tuto quel che ghe ocoreva par lavorar e tuto el parecio stava in t'una speze de cason de legno ricavà soto el tavolaz. Se tratava de qualche redine de ricambio, un feral co'l petrolio o a carburo, un saco co'l fìen e, co jera istà, do capuci de solito bianchi, con do busi par le rece che serviva par meterghe ai cavai e riparali cusì del sol. Soto el caro jera inciodada una eticheta de fero co'l nome e l'indirizo del proprietario; completava divisa e caro, la tipica traversa par no' "frugar" (consumare o rovinare) le braghe: qualchedun doprava un saco con do busi e spago, altri un toco de terlis co' le cordele nere. Se qualchedun gaveva 'na traversa bianca voleva dir che la jera 'sai vecia, parché, tanti e tanti ani prima cò rivava el cafè "Portorico", co'l saco svodo ch'el jera fato de 'na speze de cotonina zala, i faseva ninzioi o intimele e cò le scuminziava a romperse se in casa ghe jera un cucer saltava fora la traversa bianca che se ciamava "mocador" e la jera deventada bianca dopo tante e tante lavade in smoio in te l'aqua e varechina, parciò che ghe vadi via le "marche" (timbrature).

Immagine

Co'i cavai se trasportava anca 'na caldaia. Sul sfondo se intravedi Villa Ara.

Immagine

Un cucer che ghe dà de magnar al caval (1950)

(continua)

Ciau ciau, sempre con simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: TRASPORTI IN ZITA'

Messaggio da babatriestina »

LELA ha scritto:
Immagine

Co'i cavai se trasportava anca 'na caldaia. Sul sfondo se intravedi Villa Ara.
.
Macondo, ti che te volevi Villa Ara, quela bassa de via Romagna che i ga butado zo nei anni Cinquanta, un sta foto se la vedi come che me la ricordo mi!! la iera piturada de rosso pompeian


"mi credo che i scrivi sta roba per insempiar la gente" ( La Cittadella)
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Re: TRASPORTI IN ZITA'

Messaggio da macondo »

babatriestina ha scritto:Macondo, ti che te volevi Villa Ara, quela bassa de via Romagna che i ga butado zo nei anni Cinquanta, un sta foto se la vedi come che me la ricordo mi!! la iera piturada de rosso pompeian
Scusa Lela se andemo OT.

Gavevo za visto sta foto in una version assai sbiadida...Qua la vedemo assai ben. Me domando. Piturada in rosso o matoni scoverti 'all'inglese'?


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: TRASPORTI IN ZITA'

Messaggio da babatriestina »

macondo ha scritto: Scusa Lela se andemo OT.

Gavevo za visto sta foto in una version assai sbiadida...Qua la vedemo assai ben. Me domando. Piturada in rosso o matoni scoverti 'all'inglese'?
se le mio ricordo no xe sbiadido, a i me pareva pittura e no mattoni. Anche perchè le color me pareva sul pompeian, no rosso matton sul arancion.
Son stada una volta sola, i gaveva appena fatto le villette bianche de sotto, sarà stado el 1953, e coi muletti che abitava nele nove case de sotto gavemo dito Andemo a veder Villa Ara, che iera nel stesso parco. La gaveva l'aria disabitada, ma no diroccada, per quel che ricordo.


"mi credo che i scrivi sta roba per insempiar la gente" ( La Cittadella)
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Assai interessante, Lela.
Me ricordo ancora qualche caro a cavai, che vedevo nela piazzetta in Cavana, quando che andavo al Carli, a metà anni Sessanta.

Per quel che savevo mi, el mocador iera un fazoleton che i fachini de porto tigniva torno el colo, e che i usava per sugarse el sudor, ma anche per sconder un poco de cafè o altra merce "de salto" (=robada), per portarla fora del porto, de contrabando. Credo che quel che se robava se ciamassi "el muf".


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

I careti de legno me li ricordo anche mi, sia a man che col caval, nel dopoguera. E in piaza Perugino quei a man i xe andai avanti per tuti i anni 60 e co le rode (eh sì mi digo rode e no riode) de fero che saltava sui cubeti de porfido che iera ai quatro cantoni dela piaza, i me sveiava ale sei de matina. Credo che go ciapà l'abitudine a sveiarme presto de quela volta.

Qualche anno fa go visto, in una mostra de foto che iera in Posta grande, una foto tragica, de Borsatti credo, fata nela galeria de piaza Foragi nei anni 50, che gaveva come titolo "Death of a carter / Morte di un carrettiere" e che riprendeva un incidente in galeria. Iera scrito che la iera esposta in qualche museo de New York. Mi la go cercada sul web ma no la go trovada né go trovà notizie su de ela.

Iera incredibile come che in un scato el iera rivà a riasumer la tragedia. Veramente una foto notevole.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Borsati iera un mago dela fotografia.....
Anche mi me ricordo dei carri a caval e anche de quei tirai a man, ma noi mo li sentivimo perchè i passava per via Apiari e no per via delle Querce o Vicolo dele Rose.


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Messaggio da sum culex »

Seconda metà ani '60, nel periodo che go lavorà in porto, iera un importator locale de cafè che fazeva sempre vignir a cior el carigo de merce con un caro pianal tirà de, me par, due cavai. Iera l'unico, difati in cità no se vedeva più mezzi de trasporto del genere, che inveze resisteva ancora in campagna.
ciao
sum culex


Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

I careti del Ponterosso i xe andai avanti sicuro fin ai ani 70.

La sera, via de la piaza, i li portavi in magazini del Borgo teresiano. Me ricordo come che i vigniva controman in via Roma...


Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Come che son contenta de gaver trovado qualcosa che a chi in t'una magnera a chi in t'un'altrà ve gà interesado e ve gà anca fato vignir in mente ricordi forsi anca un fià sbiadidi!
Ieri xe proprio stada 'na zornada fortunada par mi: son contentisima.
Maché scuse Macondo, in fin dei conti la "Villa Ara" la xe descrita proprio de soto la fotografia, par cui no' jeri par gnente O.T.
Serlilian, anca ti te gà frequentado el Carli? Mi gò fato le serali, par cui, qualsiasi età che te gabi no' poso gaverte conosuda, ma ghe jera forsi 'ncora el prof. de computisteria "De Bin"? Par quel che riguarda el "mocador" pensa che anca noi gavevimo ninzioi fati co' quela stofa dei sachi de cafè: ne li pasava la San Vincenzo de Pauli e me ricordo anca benisimo le "marcadure" che le jera rose, proprio fin quando no' le sbiadiva a furia de lavade. Penso che comunque, quando che sti sachi, indiferente cosa che i jera deventai dopo la trasformazion de orizine, i podeva deventar quel che a ognidun più ghe serviva: in casa de un fachin el sarà servido in quela magnera, mentre in casa de un cucer in un'altra e cusì via: jera tempi che no' se butava via gnente, almeno i povari!

Grazie, grazie e ancora grazie, spero de meter presto l'altra parte, lo farìa subito, ma diman devo 'ndar a far dei esami clinici e no' rivo, ma pena che poso la posto.

Ciau ciau, sempre co' tanta simpatìa, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Zigolo ha scritto:I careti del Ponterosso i xe andai avanti sicuro fin ai ani 70.

La sera, via de la piaza, i li portavi in magazini del Borgo teresiano. Me ricordo come che i vigniva controman in via Roma...
De quei careti me ricordo ben......e forsi i xe restai anche dopo i anni 70 fin che no i ga fato sloggiar i ambulanti dela piazza.


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

LELA ha scritto: Serlilian, anca ti te gà frequentado el Carli? Mi gò fato le serali, par cui, qualsiasi età che te gabi no' poso gaverte conosuda, ma ghe jera forsi 'ncora el prof. de computisteria "De Bin"?
No, mi gavevo una professoressa, ma no me ricordo come che la se ciamava.
Go finì le superiori nel '67.


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Nona Picia ha scritto:
Zigolo ha scritto:I careti del Ponterosso i xe andai avanti sicuro fin ai ani 70.

La sera, via de la piaza, i li portavi in magazini del Borgo teresiano. Me ricordo come che i vigniva controman in via Roma...
De quei careti me ricordo ben......e forsi i xe restai anche dopo i anni 70 fin che no i ga fato sloggiar i ambulanti dela piazza.
Ma no xe ancora un per de barache in Ponterosso? Credo che el sistema sia sempre quel: se sera la baraca e se la porta via, sule rode.


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Messaggio da sum culex »

Zigolo ha scritto:I careti del Ponterosso i xe andai avanti sicuro fin ai ani 70.

La sera, via de la piaza, i li portavi in magazini del Borgo teresiano. Me ricordo come che i vigniva controman in via Roma...
E anche ben dopo. Iera careti a man quei che i gensinari sburtava controman in via Roma fin che le bancarele iera verte fin de sera, ma mi parlavo dei cari tirai dei cavai. Penso, ma no son sicuro, perchè al'ora che i sera no son in piazza Ponterosso, che ancora ogi xè qualche 'negoziante de straze' che sburta a man "el careto-bancherela" fin in magazin, dopo aver serà la tenda e ristivada e coverta la merce..
ciao
sum culex


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

serlilian ha scritto:
Ma no xe ancora un per de barache in Ponterosso? Credo che el sistema sia sempre quel: se sera la baraca e se la porta via, sule rode.
Me par che la magioranza de quei che xe adesso i ga un furgoncin più o meno grande.


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Mi inveze me ricordo, primi anni Cinquanta, dei carretti o meio delle carrette de legno, che vegniva imagino tirade a man, lungo el Canal, più o meno di fronte de dove che adesso xe el Museo. E me ricordo che me piaseva assai rampigarme de sora, no iera nissun che me rugnassi, se no mama...


"mi credo che i scrivi sta roba per insempiar la gente" ( La Cittadella)
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

serlilian ha scritto:
LELA ha scritto: Serlilian, anca ti te gà frequentado el Carli? Mi gò fato le serali, par cui, qualsiasi età che te gabi no' poso gaverte conosuda, ma ghe jera forsi 'ncora el prof. de computisteria "De Bin"?
No, mi gavevo una professoressa, ma no me ricordo come che la se ciamava.
Go finì le superiori nel '67.
Nonasera serlilian, se te gà finido le superiori nel '67, alora le gavemo finide lo steso ano, parchè mi gò fato i 5 ani in 3: el primo ano la I e la II insema, l'ano dopo la III e la IV e nel ano scolastico '66/67 gò frenquentà la V e dado la matura.
Pecà che no se gavemoo podudo incontrar, ma torno a ripeter, mi gò frequentado el "Carli" nei corsi serali (de zorno gò fato un fiià de tuto par poderme permeter de 'ndar a scola, mia mama no' la rivava a mandarne ''vanti a scola sìa mio fradel che mi e, a quei tempi, se gaveva l'abitudine de madar de preferenza i mas'ci 'vanti, parchéi razonava più o meno cusì: "Tanto le mule po' le se sposa e le 'stà a casa a curar i fioi"), par fortuna che son' ndada 'vanti, parché me gavevo sì sposado, e anca gavudo 3 fioi, ma me li gò dovudo tirar su de per mi! Alora gò fato prima l'aprendista parucjiera - la lavateste insoma - lavor che dopo un ano gò dovudo molar parché jero deventada alergica ai, o a, qualche azido che le paruchiere le doprava 'nà volta, parché dopo, e 'ncora deso, co' vado dala paruchiera la pol doprar quel che la vol che no' me fà gnente; po' gò lavorado co' mia mama ala "Lucky Sohe", la fabrica de scarpe (el paron jera un american) del Punto Franco Vecio, ma anca de là son dovuda 'ndar via a cauusa del "benzene" contignudo in te le cole; pò gò fato l'aprendista fioraia e par finir l''aprendista barista, Comunque son riusida nel mio intento e questo xe quel che conta.
Me gò sbaljado sul cognome del prof. de computisteria: el se ciamava "Di Bin" e nò "De Bin", come che gavevo scrto ieri e no' so gnanca se se gà tratado de un eror de batittura o se inveze pur pensando 'nà roba, ghe ne gò scrito un'altra. Orca pipa rota, quanti erori de batidura che fazo: nò vedo l'ra che i me pratichi l'intervento par la "Sindrome del Tunnel carpale che me gà reso oramai completamente insensibili tre diti dela man destra e ogni zorno che pasa xe sempre pezo e par zonta la me fà anca mal!
Eco par dir dò robe xe saltada fora la mia solita spatafiada: oramai son irecuperabile e son zà fora scadenza de garanzia e anche se nò lo fusi "la fabrica" no'la esisti più! Di rìa par fortuna: una come mi zà basta e 'vanza, figurite do. :roll: :-D :roll:

Ciiau ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Bona sera a tute/i; eco, cusì me piasi che vadi 'vanti un argomento, continuando a zontarghe ogni tanto un ricordo!
Grazie'ncora a tuti quanti.

Ciau ciau, sempre con simpatìa, lela.


Il vero "giusto" è colui che si sente sempre per metà colpevole dei misfatti altrui!
Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Messaggio da sum culex »

LELA ha scritto:
serlilian ha scritto: Go finì le superiori nel '67.
Bonasera serlilian, se te gà finido le superiori nel '67, alora le gavemo finide lo steso ano
Orpo! Sè ancora putele: mi le go finide nel '57. :'-(
ciao
sum culex


Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

LELA ha scritto:ma anca de là son dovuda 'ndar via a causa del "benzene" contignudo in te le cole;
Una volta co se andava del caligher se sentiva sto bon profumo gradevole de cola, che adeso no se senti più ... per fortuna, perché el bon profumo iera del benzene, ... cancerogeno :evil:


Torna a “Veci mestieri”