Siena

[babatriestina]

Go altre foto de Siena, queste xe de lì'altroieri, visita breve, con una mostra su genio e follia che mi ciamassi Se no i xe mati no li volemo.. un'ociada alla Cattedral de fora perchè iera fila cussì per visitarla, e in più xe la gru che i sta mettendo a posto la cupola. Gotico quattrocentesco, quele cese come quella de Orvieto, che par un'oreficeria ingrandida


nell'atrio dela mostra, di fornte alla cattedral, una scultura moderna allucinada mostra un quieto affresco trecentesco sul muro


arrivando a Piazza del Campo, sta vegnindo su un temporal, come che se vedi dela luce

[babatriestina]

e tutti se rifugia sotto i ombrelloni dei caffè intorno

( meno una coppietta che xe restada in mezzo dela piazza sotto l'ombrella)
nele vicinanze, le gelaterie xe attraenti

la mattina dopo, bel sol e antichi ulivi ( immagino trapiantai) decora el albergo fora centro dove che gavemo pernottado

[LELA]

Bon zorno (oramai) babaTS, belisime foto come al solito e, stavolta, anca mejo descrite de le altre volte. Complimento, suserio tanti, tanti complimenti.

Ciau ciau, sempre con simpatia, Lela.

[Elisa]

Bellissima esposizione di Siena, anche avvolta in una speciale atmosfera molto gradevole!

[Nona Picia]

Sarà "bambinesco" ma ogni tanto xe piacevole veder foto che no parla solo de monumenti.......

[babatriestina]

Qua no go foto, ma voleria zontar qualche commento sulla Pinacoteca nazionale de Siena.
Go approfittado de un tempo morto della gita per rivederla. La gavevo vista de picia, e po la gavevo rivista 5 anni fa. Xe un museo non molto grande, con una collezion de pitture, specialmente ovviamente dela scola senese del Trecento e Quattrocento, che xe stupendo. Xe quadri de Simone Martini, Duccio, i Lorenzetti, e po Beccafumi... e poi molti autori meno noti della scola senese come Sano di Pietro, e po un che me piasi assai el nome Nicolò di ser Sozzo (!!).
Ben, visitatori: 4 gatti ( e file e non finir per le mostre!), costo 4 euro pien e 2 ridotto, impossibile fotografar ( come in tutti i musei italiani), gannca senza flash, ma gnanche una cartolina o riproduzion e men che meno una vendiat del libri o bookshop come che i ghe disi adesso. % anni fa, gavevo trovado un picio catalogo in vendita, ma iera esaurida la version italiana e go dovudo ciorlo in tedesco, ma iera un libretto abastanza smilzo.Go domandado, e i me ga dito La vadi ala libreria là dela mostra e la domandi: Vado là, un tavolo pien de cataloghi de mostre, tavoli sui principali autroi, ma mi volevo propio imparar de più suia utori minori, no i solitio Duccio e Simone Martini che ghe xe decine e decine de libri e mostre tuti per lori. Co go domandado un catalogo, risposta Non esiste .
Vedo che ghe xe un sito de cui ve dago el link a un per de immagini
http://www.ticketeria.it/siena-pinacoteca.html
e ve riporto la storia e la descrizion


La Pinacoteca Nazionale di Siena, inaugurata nel 1932 nell'attuale sede dei Palazzi Brigici e Buonsignori, è una delle più importanti raccolte italiane di dipinti su tavola a fondo oro del Trecento e Quattrocento senese.
Nella ricchissima raccolta e' documentata la pittura senese dal XII al XVIII sec., con capolavori dei suoi grandi Maestri e di artisti meno noti, ma comunque molto interessanti. Ne citiamo alcuni, anche di altre scuole: Guido da Siena, Duccio (due Madonne), N. di Segna, B. di Fredi L. di Tomme', S. Martini (una Madonna), L. Memmi, A. e P. Lorenzetti (presenti con molte opere di prima grandezza), A. Vanni, D. di Bartolo, A. Puccinelli, B. Daddi, L. Monaco, A. Veneziano, T. di Bartolo, Sassetta, Maestro dell'Osservanza, Neroccio, F. di Giorgio Martini, Sano di Pietro, Vecchietta, Pinturicchio, Salimbeni, Albertinelli, Vasari, Beccafumi, Sodoma. "Collezione Spannocchi" con dipinti italiani, fiamminghi e tedeschi: B. Strozzi, Lotto, P. Bordone, Moroni, Durer, (uno stupendo "San Girolamo") e altri.


Podè guardar le imaginette, ma no le se ingrandissi gnanca se ghe clicchè sora.
Ve par che xe el modo de trattar un museo? un modo de sponsorizzar el arte in un paese che dovessi viver de turismo, dove che un museo american faria fogo e fiamme per gaver uno, digo uno, de sti quadri?
ovviamente, nei due viaggi de gruppo fatti a Siena nissun gaveva proposto de visitar sto museo...
qualcossa de più qua:
http://www.spsae-si.beniculturali.it/in ... t/77/musei
ve metto un per dele più belle immagini

[babatriestina]

sempre del sito:

( Ambrogio Lorenzetti)

( Taddeo di bartolo)

Francesco di giorgio Martini
Jacopo delle Quercia, santa Caterina

[babatriestina]

Beccafumi

Pinturicchio

( questa, nella grande mostra su Pinturicchio del anno scorso no iera..
e questo bellissimo quadro de Michelino da Besozzo

da questo sito, del più bel gotico internazionale

[LELA]

Interesante babaTS, ti che te piasi tanto 'ste robe e anca l'architetura, te dovesi vignir 'na volta a Sondrio a veder el "nostro" Museo de "Storia e Arte", forsi no'l sarà famoso e gnanche no'l contien tanti "tesori" come quei de Firenze, Siena e altri posti dela Toscana, ma te asicuro ch'el xe 'sai interesante, a parte par i dipinti (el Museo gà un laboratorio tuto suo par el restauro dei quadri, solo pochi i vien mandadi a Firenze indove che lavora la sorela dela restauratrice del Museo de Sondrio, oviamente anca ela restauratrice), ma anca par vara 'deso no' me vien in amente gnanca se te me impichi, come che se ciama quei dipinti fati diretamente sui muri dele case patrizie e riscoperti con granda pazienza dopo che i ghe gaveva dado più de qualche man de pitura de sora.
Oltretuto in t'el steso museo te trovi anca tochi de artigianato veramente notevoli.
Vien a farte un zireto quà, no xe mal dopotuto; inoltre te podarìa veder la "Villa Quadrio"(quela de Teresina Tua Quadrio) 'deso "Biblioteca Civica" che ghe xe la biblioteca indove che ghe xe tanti de quei tomi, quartine ecc, cusì veci che te gà squasi paura de ciorli in man.
Ghe xe studenti che i viensu de Milan e anca de più lontan par preparar la tesi de laurea consultando i libri dela Biblioteca de Sondrio che la contien un patrimonio de libri inestimabile.
Po' no' te gaverìa gnanca problemi par magnar e par dormir se te se contenti de vignir a casa mia.

Ciau ciau, sempre con tanta simpatia, Lela.

[babatriestina]

ben, adesso che lo gavemo identificado, ve zonto un per de foto del palazzo Piccolomini " delle papesse" a Siena. No xe facile fotografar sti palazzi, perchè le vie xe strente e no xe facile becarli in prospettiva. Ve li mostro anche per farve veder el tipo de palazzo toscan, cole piere sporgenti a pianoterra ( bugnato rustico) che deventa più lisso man man che se va su coi piani, i cornicioni alti, i stemmi.. che vegnerà copiadi in quel stile storicistico pseudotoscan, più fiorentin che senese, però, ala fine del Ottocento primi del Novecento a Trieste in tanti palazzi.

[Bilbo]

Son stado a siena un per de volte e me ga sai piaso.

xe un ristorantin, le grotte de santa caterina, dove che se magna sai, masai ben, e no se spendi un capital, e el paron xe cocolisimo.

el se ciama, de sopranome, BAGOGA, che iera el nome che l'usava quando el coreva nel palio

meto solo sta foto qua....bastanza comune....



Betta no te son dada al Santuario de S.Caterina?

[babatriestina]

Betta no te son dada al Santuario de S.Caterina?

stavolta ierimo mordi e fuggi, arivai alla una e ripartidi alle 6 e dentro ghe xe stade due visite: un museo e una mostra. In più semo entrai dela parte opposta a quela che xe la tomba de s Caterina, che xe la cesa dei domenicani. Ghe iero stada 6 anni fa, in un'altra occasion. Po so che a Siena ghe xe ancora altri ricordi de s Caterina che no conosso ben comunque. Confesso comunque che me interessa de più i palazzi rinascimentali senesi . Semai, gavendo tempo voleria visitar el battistero, che no go mai avudo l'occasion de veder. ghe xe dentro quadri e sculture famosi. e credo de no gaver gnanca mai visto del vivo el polittico de Duccio. ( Duccioxe un poco el Giotto senese, per chi che no lo conossi, anche se el mio senese preferito xe Simone Martini, l'altra volta iero andada per conto mio al palazzo comunal a veder i sui affreschi.
Comunque, la cesa cola tomba de S Caterina dovessi esser questa, ma la tomba no i ga piazer che se fotografi:

[babatriestina]

zonta: go guardado sulla guida, el santuario saria la casa de S Caterina, no, là no son rivada mai.

[muiesan]

Una curiosità: la contrada de l'Oca (Fontebranda) xe gemelada con la cità de Trieste.
Per via dei colori che la ga, Bianco, Rosso e Verde.

[AdlerTS]

Dove xe el verde nella bandiera triestina ?

[babatriestina]

Dove xe el verde nella bandiera triestina ?

Nel cuor