Lavoro a maia

[babatriestina]

Xe un'arte, più che un mestier, ma no savevo ben dove meterla. Al de là che in sti giorni se parla dela mostra de Missoni a Gorizia, me xe vegnudo in mente el modo de lavorar a maia a Trieste.
Quindi ve fazzo un sondaggio che forsi pochi me risponderà, sul modo de tegnir el fil co se lavora a maia, perchè a casa mia go visto varianti. Po ve spiego perchè.
( per inciso, mi odio lavorar a maia, me piasi piutosto ricamar!)

El sondaggio no xe necessariamente solo che per el donne, semprechè no ghe sia omini che lavora a maia e se vergogna de dir!

[ffdt]

Mi cuxo, ma no so ne' lavorar a maia ne' co' 'l uncineto ne' ricamar ... me intaco i botoni e c'o iero piu` picio me stropavo i buxi ;-D ... ogni tanto dopro la machina de cuxir ... de la serie "omo per caxa" ;-D ;-D ;-D ;-D

Pero` te go risposto perche` cusi` no xe solo che done (ti ;-D) che ga risposto a 'l sondagio ;-D

Ciau ciau

Franco

[granzo]

Go dovu` andar a cior i feri per risponderte Babatriestina!
Alora, el fil lo tegno nela man sinistra e lo fazo scorer tra l'indice e el medio, fazendolo passar al'interno dei tre diti (tegno la man col pugno chiuso) medio, anulare e mignolo...insoma dal gomitolo el fil vien su passando nel mignolo, anulare, medio, el va fora e el passa sora l'indice...dovessi farve un disegneto....

[babatriestina]

Go dovu` andar a cior i feri per risponderte Babatriestina!
Alora, el fil lo tegno nela man sinistra e lo fazo scorer tra l'indice e el medio, fazendolo passar al'interno dei tre diti (tegno la man col pugno chiuso) medio, anulare e mignolo...insoma dal gomitolo el fil vien su passando nel mignolo, anulare, medio, el va fora e el passa sora l'indice...dovessi farve un disegneto....

e quindi per andar avanti cola maia te ciol el fil con un movimento del fero destro che ciapa el fil, un poco come l'uncinetto?

Un dei motivi che no me ga piasso mai lavorara a mai iera anche per sta tension del fil: tropo strento sul dito, nol scorreva e me strozzava el dito, tropo molo e le maie vegniva larghe...perchè mia mama usava el metodo che uso mi, ( el fil sui diti dela man sinistra e ciapar el fil col ferro destrro), inveze la nona paterna tegniva el fil col mignolo dela destra e butavasu el fil con un movimento dela destra. ( papà iera ssai meno bravo de Franco e in casa nol saveva far gnente se no bricolage, però el me ga lassado una scatoletta de aghi e fili che le se gaveva salvado tuta la vita e ghe la gaveva dada nona durante la prima guerra mondial col iera militar in Stiria )

[Nona Picia]

A mi me gaveva insegnamia zia, austriaca anche ela, a lavorar tegnindo l'indice alto. Iera penoso perchè no me riusciva mai de aver la tension giusta e l'avanti iera sempre più largo dell'indietro!

Ciao ciao

[babatriestina]

Ale, altre babe, savè lavorar a maia? e se no savè, gavè almeno osservado come che tegniva el fil le mame e le none?
Se le xe ancora vive, provè a domandarghe!

[torziolona]

Anche mi, co iero putela, 'desso no più purtropo, fazevo più o meno come Granzo - solo che mi go personalizà el metodo e, proprio per el problema che diseva Baba (el fil che stroza el dedo o tropo molo e quindi vien fora maie larghissime), lo tegnivo tra el police e l'indice - el bel xe che anche mi ogi go dovù provar, perchè no me ricordavo
Gavevo imparà de autodidata per lo più, con qualche drita de una zia.
Anche qualche punto base de uncineto, ma con meno sodisfazioni.
Però ogi son pentida de no gaver mai fato un corso de cucito: no se sa mai ne la vita però!

[babatriestina]

Ben, voi continuè a contar se ve sovien, quel che volevo osservar xe che qua persin nel lavor a maia semo... terra de frontiera: perchè come che giustamente disi Nona Picia, el fil intorcolado sul dedo dritto su xe el modo " ala tedesca" imagino eredità austriaca, e mama mia gaverà imparado de sua mama che gaverà imparado dele monighe tedesche ( no un colegio de lusso, iera un orfanotrofio perchè nona gaveva tanti fradei e sorele e sua mama vedova no rivava a tegnirli tuti in casa ); inveze el metodo col fil nel mignolo dela destra, che finora par che usava solo che mia nona, ela lo ciamava " ala francese" che no so se po xe la version italiana , qua volessi aver qualche conferma de Tirabaralla, come che se tien el fil su l'Arno, e nona paterna probabilmente gaverà imparado de sua mama, che iera de famiglia furlana.
El vostro metodo, col fil serado in man, per mi xe novo! e dovessimo scoprir l'origine.
E Larry? No che me speto che Larry lavori a maia, ma el gaverà visto qualche baba dele sue parti far a maia...
e zo in Australia? con tute le pegore che xe là? come tien el fil le babe australiane co le lavora a maia?

[belvedere]

Io faccio scorrere il filo tra il mignolo e l'indice della mano destra

ciao ciao
Bruna

[Nevada]

MI tegno, anzi tinivo co fazevo el fil tra el pollice e l'indice lavorando sempre con la man destra.

[babatriestina]

I me ga dito ( perchè mi no son esperta) che xe una diferenza anche nel modo de lavorar al uncinetto.
Mi quel ssai poco che go imparado ( nona e ale elementari) comunque tegnivo el uncinetto col ganzetto in su e tegnivo el fil anche qua involtizzado sul indice sinistro, de dove che lo ciapavo col uncinetto. Ma una mia amica me ga dito che le babe italiane tien el uncinetto a testa in zo e no so come che le ciapa el fil.. anca una roba simile ge le sue tradizioni nazionali..

[refolo]

mia nonna paterna...carsolina (ungherese...devo dir che la iera alquanto orgogliosa) la lavora a aghi con el fil de lana intorno al collo. Mi ghe disevo a mia mamma (percio' che nonna non la se offendi)....mamma ma quando sto articolo el xe fini'? per Dio o el xe pien de grasso (sudor del collo) o el spuzza come un zorso morto!!!!!!!!!
La rideva, ma la saveva che digo la verita'. Quella volta, anche non ghe iera le doccie giornaliere e nianche i bagni.
Mi tegno l'ago sotto el brazzo destro e lavoro la maia precisa senza perder un punto.
Per l'uncinetto? devo dir che lo tegno come un contadin che ga' in man la zappa......ma vien fora lo stesso bei lavori, questa xe la maniera individuale, che non se pol paragonar al modo esatto. Tutti semo differenti.
Mi gavevo due amiche de scola che le iera left-handed.....e ve giuro che saria sta' alquanto difficile finir un lavoro comincia' da lore.
Refolo

[Coce]

Refolo, (Maria) anche ti te son come tuti noi qua', te se dimentichi el dialeto, la parola per "left handed" xe (Sanchin). Ciao Coce.

[babatriestina]

, la parola per "left handed" xe (Sanchin). Ciao Coce.

mi sentivo dir zanchìn, ma anche qua , del italian mancino, me sa che i disi mancìn adesso

[AdlerTS]

Mi a mio fradel ghe go sempre dito che el xe Zancheto.

[Nona Picia]

Mi a mio fio ghe sempre dito mancin come che go sempre sentì dir anche co andavo a scola.
Ciao ciao

[ffdt]

Mi go sempre dito "mancin" ma mio nono ga sempre dito "zancheto" ... papa` xe morto giovine (e mi iero picio) e no me ricordo piu` de come che 'l dixeva.

Ciau

Franco