In cusina

chi se ricorda più che a Trieste ghe iera....
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

In cusina

Messaggio da babatriestina »

Anche se go butado via parecchio, trovo ancora un poche de macchinette de cusina de una volta: questa xe la macchinetta per far el pangrattà, masinar le nose, le mandole per i dolci..
Immagine
marca tedesca, imagino
Immagine
La ga un morsetto per fissarla al bordo del tavolo e un cubo de legno (no in foto) per fracar la robe che se masinava
la parte rotante per masinar
Immagine

la ditta Alexanderwerk xe fin del 1885: Made in Germany.. :-D

la go doprada tantissimo, prima de ciorme i mixer elettrici


"mi credo che i scrivi sta roba per insempiar la gente" ( La Cittadella)
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Suserio interesanti 'stè foto babaTS, ma 'na machineta squasi compagna no' la ghe jera anca par gratar el formajo?
Mi me par de gaver trovà qualcosa de simile cò, dopo sposada, son 'ndada a bitar in via Flavia 10. Quela jera stada la casa anca de'i mii ex suozeri (anca se no' li gò mai conosudi, parchè zà no'i ghe jera più!) e, gò trovà diverse robe che se doprava 'na volta - parfin 'na vecia "jazera" - e fra 'stè robe me par propio de gaver trovà 'na machineta che ghe somejava a quela dele tue foto - spezialmente la prima - co' l'interno fato aposta par gratar el formaio - o jera la stesa che se podeva doprar anca par quel? Sò che comunque se la podeva "ganzar" ala tavola co' un sistema de "morseti a vida". Gò trovà anca un vecio "brustolacafé" che, visto ch'el mio primo marì el lavorava in porto, ogni tanto el portava a casa un poco de cafè crudo.
Ma, anca se quela volta el cafè el me piaseva 'sai, e mio marì me portava cafè de diverse qualità - parché se te dopri una solo el cafè el risulta schifoso - el cafè che brustolavo mi e che masinavo co' 'ncora un masinin vecio, a manovela, anca quel eredità dala mia ex suozera, no'l me piaseva propio par gnente: me risultava più gradevole el surogato - mi compravo "L'olandese" come che fazeva mia mama (lozicamente misià con un poco de cafè vero) par preparar de sera la cogoma del cafè par el cafelate dela matina dopo, visto che par bevarlo bisognava spetar che se "depositi i fondi".
Gò trovà anca 'na speze de pignaton de aluminio grandisimo, bombado e co'i manighi - el jera grando squasi come meza mastela - e lo dopravo par far bojr i ciripà e i triangoli dei fioi, con del savon in "fileti" - no' me piaseva quel in scaje - e la puntina de un cuciarin de perborato: par sìe ani de seguito son 'ndada 'vanti cusì, tanto che ala fine no' ghe ne podevo propio più! E qualca volta lavavo anca i ninzioi - un ala volta - in te la stesa magnera, se no' li portavo de mia mama che la gaveva zà la lavatrice, ma gavevo de traversar tuta la zità co' 'stì borsoni - e i fioi drio de mi - par 'ndar de via Flavia fin a Roian indove che la abitava ela.

Ciau ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

credo che se possi gratar anca el formaio, ma de noi i lo grattava sulla gratta aposta. Con questo se fazeva el pangratà.


"mi credo che i scrivi sta roba per insempiar la gente" ( La Cittadella)
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

babatriestina ha scritto:credo che se possi gratar anca el formaio, ma de noi i lo grattava sulla gratta aposta. Con questo se fazeva el pangratà.
Ah, alora no' me gavevo sbajà del tuto. Anca la tua machineta la gà i "morseti" par eser tacata ala tavola?

Ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

LELA ha scritto:. Anca la tua machineta la gà i "morseti" par eser tacata ala tavola?
.
sì, se li intravedi nelal prima foto. Ma quasi tuti sti apareci gaveva i morsetti, spetè che tiro fora el vecio tritacarne de metallo.. no lo go butado via.. :-D
El brustolacaffè inveze, che no go mai doprado, lo go regalado, e anche i mii veci masinini de caffè completa la collezion de una amica che la li ingruma, Mi go salvado un per de masinini de pevere, che occupa meno posto


"mi credo che i scrivi sta roba per insempiar la gente" ( La Cittadella)
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Gavevimo anche noi la machineta come quela e de mio suocero gavevo anche la machineta che tritava la carne e fazeva la pasta, veri spaghetti tondi, no quadrati cone che fa quela più moderna che go. Solo che quela de mio suocero fazeva 10 bigoli ala volta e per far per 4 de lori gghe metevimo tuto el dopopranzo..... :roll:


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Bon pomerigio Betta, anca la mia ex suocera la gaveva e la gò anca tegnuda - solo che no' gavevo squasi mai carne de masinar - e l a masinava la carne formando dei "bigoli" che i sarà stadi senza altro più grosi de quei dela pasta de nona picia.
'Deso, quà a casa gò un masinin de cafè de quei de 'na volta, "restaurà" - gnanca che parlasi de un quadro! - comunque rivernicià e altro, ma lo tegno come sopramobile in te la mia sala de pranzo che, che come el sogiorno, la xe tuta in stile rustico. Pensa che gò anca el camineto in matoni ch'el và a legni, el funziona, ma esindo al secondo pian de un edificio de oto, no' lo impizo mai e là, sul ganzo par le pignate che ghe xe drento, gò impicà un piol de rame "artisticamente" anerì un fià ai lati co' 'na candela e, soto ghe xe i tochi de legno mesi incrosai, come se i spetasi de vignir impizai. Gò anca, soto del camineto, verso destra un buso fato aposta par tignir i "legni de riserva" e i ghe xe pardavero, e anca bei stajonai, se te pensi che mio fìò - el più grando - me lo gà fato fra i 14 e i 15 ani, come ch'el gà anca perlinado tuta la sala compresa l'entrata, fato i "copricaloriferi" sempre co' le perline e anche le travi a vista sul sofito, e 'deso, el 19 de lulio ghe ne compirà 40 - L'unica roba che jera restada de far e che po' nò la xe mai piu stada fata, xe 'na porta tipo "saloon" che la doveva divider l'entrata dal sogiorno e da la sala. Comunque, 'deso che gà scuminziado a vignir bel tempo e che i verzerà anca el paso de la Svizzera par poder 'ndar a Livigno senza dover far tuto el giro de la parte de Bormio, comprarò 'stà benedeta machina fotografica digitale, cusì farò dele foto che te mandarò, parchè in sala par propio de eser in t'una casa de montagna. Inveze i mobili de cusina i xe de tipo moderno, tuti lisi, cusì i xe più fazili de tignir neti e, cò lavoravo, jera 'na roba 'sai comoda.
Te vedi come che son, parto parlando de veci atrezi de cusina e finiso co'l parlar de mobili: oramai son irecuperabile.

Ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

El masinin che gaveva mio suocero gaveva tuta la serie de....no me ricordo come che se ciama.....rodele co i buseti de varia misura e forma per far la pasta e anche quele per far la carne masinada. Lo go butà via, come tanta altra roba, come el masinin de cafè e altro..... :'-(


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Bona sera nona picia, penso che te intendesi i "zilindri" con busi de diversa grandeza a seconda de cosa che se gaveva de far. Pecà par i masinini, ma no' se pol sempre tignir tuto: vara chi che parla, una che ghe dispiasi sempre butar via qualsiasi roba, manca solo che scuminzio a riziclar le carte del mazeler o del porziter come che fazeva un veceto - che alora, parlo de un 27 ani fa, el gaveva 82 ani - ch'el salvava tute 'stè carte,: le lisava par benin co' le man e pò le pozafa sora del frigo a "bancheto" ch'el gaveva. Par farghele ogni tanto butar via almeno un poche, senza ch'el fazi storie, dovevo cior 'stè carte, meterle sul tavolo e, sentanda vizin de lù, farle pasar una par una disendoghe: "Vedi Paolo, questa è sporca non si può più usare" e cusì rivavo farghele butar via squasi tute, ma ogni volta jera la stesa solfa.
Po' sto veceto el parlava squasi tuto in te'l suo dialeto, che sarìa el dialeto de un paesin de montagna indove ch'el jera nato, e cò dovevo 'nfarghe a far la spesa jera sempre pupoli parchè scuminziavo, par esempio: "Paolo, che cosa ti prendo oggi come verdura? I pomodori ti vanno bene?" e lù "Cùs cà l'è i pomodori?", "I "pomates" Paolo!", "Ah, alora sì, i pomates và ben!". Opur: "Paolo, oggi vorrei prenderti le carote da lessare e condire con un filo d'olio e limone, vanno bene?" e lù "E cùs cà l'è le carote?", "I "carotuli" Paolo!", "Ah, i carotuli, boni boni i carotuli!", e cusì 'vanti. 'Na volta se vegnù con mi mio fìo Gianfranco e cò semo 'nadi via el xe s'ciopà a rider come un mato! E mi ghe fazo: "Ma cosa te gà tanto de rider?", "Mamma" el me gà risposto "dovevi vederti e sentirti parlare un po' in italiano, un po' in "sprianese" e ogni tanto ti scappava anche qualche parola in triestino! Meglio che le comiche!". El gaveva rajon, parchè esendo rivada quà gnanca de tanto e gavendo parlado in casa - come anca 'deso - sempre in triestin, ogni tanto co' perdevo un fìa la pazienza, parchè par farghe la spesa a 'stò veceto ghe voleva un'ora par dezider cosa comprar e po' diese minuti par far la spesa, ogni tanto cascavo in te'l mio dialeto.
Come al solito son 'ndada in O.T., scuseme par favor, oramai conosè 'stò mio difeto.

Ciau ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

eco qua el masinacarne:
pozado davanti dela finestra
Immagine
e fissado sul bordo

Immagine
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

la verigola interna che sburta la carne
Immagine
la parte coi busi: el bordo se svida e se pol meter busi de altra misura ( se savessi dove che xe la rondela!!! 8) )
Immagine
con questo, se pol far anche i "passatelli" che qua a Trieste no femo, ma Nonna Ivana sa ben cossa che xe. Solo che resta tanta roba nela macchina..
la marca, tedesca
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Americ- system :-D
Immagine
el particolar dela vida per fissar al tavolo
Immagine
ma se el ve par pesante, podè sempre doprar el successivo, de plastica, che però col sistema del vuoto no se fissa altrettanto ben ala tavola
Immagine


"mi credo che i scrivi sta roba per insempiar la gente" ( La Cittadella)
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Sì babaTS, jera propio cusì anca quel dela mia ex suozera, propio compagno, compagno.

Ciau ciau, con simpatia, Fabiana.


Il vero "giusto" è colui che si sente sempre per metà colpevole dei misfatti altrui!
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

babatriestina ha scritto: con questo, se pol far anche i "passatelli" che qua a Trieste no femo, ma Nonna Ivana sa ben cossa che xe. Solo che resta tanta roba nela macchina..
Penso che i "passatelli" sìa anca lori un tipo de pasta fresca, o sbajo?

Ciau ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

LELA ha scritto: Penso che i "passatelli" sìa anca lori un tipo de pasta fresca, o sbajo?
.
circa... spetemo l'esperta... :-D


"mi credo che i scrivi sta roba per insempiar la gente" ( La Cittadella)
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Propio un atimo fà, gò postado soto la bonasera, indove che me gavevo desmentegado de farlo, l'oservazion sul fato che de Nonna Ivana ogi no' gò leto gnente! Lo dimando anca quà: savè qualcosa voi?

Ciau ciau, sempre con tanta simpatìa, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

in attesa, anche questa no la dopro più, e difatti se vedi dele mace, se vedi che l'ultimo che la ga doprada no la ga sugada ben.. adesso i bianchi dei ovi se monta col vari frullatori, ma per i fanatici del far tuto a man come Rofizal, ben questa xe la tecia e la frusta per montar i ovi, in italian la ga anche un preciso nome, la bastardella, in triestin no so.. ma co se sentiva el tipico rumor metallico cadenzado ( ghe voleva circa 10 minuti per montar le ciare e per veder se le iera montade ben se voltava la tecia- le doveva restar ferme) voleva dir che se magnava qualcossa de bon
Immagine
( mi de picia i me la lassava che la dopro come elmo per zogar..)

e questo inveze xe tuttora in uso, sta rondella me xe assai cara
[Immagine
perchè xe quela che dopro per taiar i crostoli de carneval- naturalmente, la va ben anche per taiar rafioi..
Immagine


"mi credo che i scrivi sta roba per insempiar la gente" ( La Cittadella)
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

Bon giorno babaTS, mi la "frusta la dopro ancora - anca se nogò 'na pignata particolare - e 'sai più volentieri del "robot" de cusina par montar le ciare dei ovi - e el metodo par veder i xe montai al punto justo xe sempre quel! La frusta la dopro anca par far la pana montada.
Anca la rondela dentada la dopro 'ncora par le stese robe par le quali te la dopri ti.
Po' inveze gò 'n'altra rondela lisa par tajar la piza, ma quela se zà più moderno come utensile de cusina.

Ciau ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

A casa mia se sbateva i bianchi col piron (forchetta), la frusta la gavemo avuda moooolto dopo e comunque mi a man no rivavo mai a sbater come che voleva mia mama. Benedtto frullin eletrico!
La rondella la go anche mi, quela de mio suocero....Quela de mia mama chissà dove che la xe finida....


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Nona Picia ha scritto:A casa mia se sbateva i bianchi col piron (forchetta), .
mia mama fazeva cussì.. in piatto, el doppio de tempo che cola frusta, che doprava la coga!


questo invece xe el strumento per taiar le forme de formaio
Immagine
e la marca: BELTRAME -MANJAGO
Immagine
i cortei e le lame da Maniago xe ancora adesso famosi, questi no ocoreva andarli a zercar fin in Germania


"mi credo che i scrivi sta roba per insempiar la gente" ( La Cittadella)

Torna a “Veci mestieri”