La Questura - Stile Littorio

[macondo]

Una foto cartolina con in primo pian el edificio dela Questura. Nela sua relativamente corta vida, el edificio xe stado: Casa del Littorio, Casa del Popolo (durante i 40 giorni), Comando Militar durante el GMA e finalmente la Questura de Trieste. Credo che la foto la xe stada ciapada quando el iera ancora el GMA o subito dopo. L'edificio xe abastanza sporco e trascurado...

Inoltre no se vedi el 'formagin' sul Altopiano.



Se volé scarigar una version gigante, andé:

https://www.atrieste.eu/FotoMacondo/questu.jpg

[babatriestina]

veramente.. mi no rivo a veder nissuna dele due
La picia me dà el quadratin rosso, la seconda me disi qualcossa del mac e che la pagina no me se pol verzer. El la ga con mi che go microsoft?

[macondo]

Xe che no podevo sincronizar per un par de ore col server...(un disco virtual, per eser preciso). Adesso funzia...

[babatriestina]

Adesso le vedo... la presenza dele case mezze diroccade in via del Teatro roman, do fronte ala scola Venezian ( adesso biblioteca e succursale del Carli), che xe stade demolide nel 1951 (Ciana), me fazessi datar la foto ai primi anni Cinquanta.
Volè la questura adesso? ( so che per chi che xe a Trieste xe roba sempre soto i oci, ma xe quei che ne legi de fora che forsi ghe fa piazer vederla come che la xe adesso)

Su come far sto edificio, che doveva esser la Casa del fascio, fra l'altro, se discuteva molto: doveva far parte dela gran strada trionfale, una version local dela via dei Fori Imperiali de Roma, dela stazion se ciapava via Roma ( ara caso el nome..) po vegniva sta strada coi novi edifici de Piacentini al ingresso, la doveva esser di fronte al teatro roman e po i progetava de continuar a slargar per arivar con sto stradon fin a Porta Cavana.. meno mal che no i ghe xe 'rivai..
Xe stadi diversi progetti, i la ga fatta apena nel 38, poco prima dela guerra, ga vinto questo progetto Battigelli Spangaro, un poco un'imagine de un forte roman cole torri ai cantoni.. un poco incurvada per seguir la curva del teatro di fronte.

[AdlerTS]

La zona xe quela a più alta concentrazion de "Stile Littorio".

Gavè mai notado che nel corridoio interno de sto palazzo



ghe xe questa "particolare" datazion

[macondo]

Anno XV dell' Era Fascista dovrebbe essere il 1938.

E speriamo di non sbagliare. Non vorrei essere pesantemente quotato da un caro 'amico'

[babatriestina]

Anno XV dell' Era Fascista dovrebbe essere il 1938.

E speriamo di non sbagliare.

no el 37? la marcia su Roma iera del 22..
comunque iera obligatoria la doppia data, credo. Ecove una casa del Borgo Teresian.
Me par adiritura che la ghe sia sul arcon del mosaico de Cadorini de l'abside de San Giusto... magari per l'"architettura littoria" femo una ciacolada a parte nela sezion architettura, anche se la va ben anche nei rioni perchè el grosso xe concentrado in alcune zone particolari.

[babatriestina]

Ecolo qua, i Tergestini.. victoria ovantes anno XIV. Me par che questo in cesa i se lo podeva sparagnar.

[Tirabaralla]

Ma savè che no me iero mai inacorta? La prosima volta vojo ndar a cucar ben!
No credo che qua esisti niente de simile (ma no son sicurisima)...

[AdlerTS]

Anno XV dell' Era Fascista dovrebbe essere il 1938.

Cercando su internet i disi che l'inizio xe considerado el 30.10.1922

[macondo]

Anno XV dell' Era Fascista dovrebbe essere il 1938.

Cercando su internet i disi che l'inizio xe considerado el 30.10.1922

E perció dovessi esser 1937

[MisterKappa]

Metemo un poco de ordine:

L'indicazione dell'Era Fascista nella data (in numeri romani, di seguito all'anno) venne sancita dall'art. 37 della Statuto del P.N.F. edizione 1926.
L'anno dell'E.F. iniziava il 29 ottobre e terminava il 28 ottobre dell'anno successivo. L'anno 1° ebbe inizio il 29 ottobre 1922.
Con Circolari del Capo del Governo del 25.12.1926 e 29.9.1927 l'uso dell'E.F. divenne obbligatorio su tutti i documenti della pubblica amministrazione.

Quindi l'anno XV va dal 29.10.1936 al 28.10.1937

[babatriestina]

E perció dovessi esser 1937

E adesso ti te pol spetar , de qualche parte, una remenada de qualche "nostalgico"

[babatriestina]

Una cartolina molto simile a quella postada de Macondo, curiosa l'alabarda in primo pian, sfocada. Anche qua, ben in vista le case vizin del teatro Roman, molto rovinade.
Posto el thumbnail, cussì se pol slargar ma no ale dimensioni giganti dele sue.

[macondo]

Me domando de dove saltaria fora quela alabarda

Per quanto riguarda la mia foto (la che verzi el topic) el solito esperto me ga dito de tratarse del periodo del governo militar aleato. Infati se pol veder (apena) el cartelon co la scrita sora l'entrada e le tre bandiere (inglese, americana e triestina)...

[babatriestina]

L'alabarda la par come su un mureto in alto , come se fussi via Rota, o el alto de via capitolina, semprechè no i la gabi pozada là per la foto... no me resta che andar, co passa la bora, e zercar el punto de vista dela foto. per el GMA, ghe vol anche aver boni oci , perchè mi le bandiere le gavevo zercade, ma no le gavevo viste ! alora concorda cola mia datazion dei anni cinquanta

[macondo]

Cussi se pol veder meio. De la bandiera central (che normalmente iera quela de Trieste) se pol anca veder el ombra sul muro...

[babatriestina]

Sempre per quei dintorni, ve segnalo una pagina de un altro forum su Trieste, con un per de foto molto interessanti
http://www.cayoeffe.it/forum-trieste/to ... PIC_ID=109

[kalvus]

go visto le foto, ma no rivo a capir dove xe sta piazza san giacomo e cossa che xe ogi ...

[babatriestina]

go visto le foto, ma no rivo a capir dove xe sta piazza san giacomo e cossa che xe ogi ...

Largo Riborgo!!!