el sfumin

chi se ricorda più che a Trieste ghe iera....
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

el sfumin

Messaggio da babatriestina »

Se parlava in altro topic, de cusina e annessi, del sfumin, che i doprava una volta per quei bei disegni a matita che fazeva una volta, soprattutto le putele e che se sfumava. Mi za sfumavo cola carta sugante ( chi se la ricorda più? ormai la xe come la polvere che i metteva nel Sette-Ottocento per sugar el inciostro), ben go ritrovado el sfumin de papà, ecolo qua:
Immagine
dimensioni, lunghezza circa 15 cm, spesor circa 1 cm, la foto xe circa a dimension natural.
Lo go trovado salvado nel mio vecio pennàl ( pennaiolo, in italian) de prima elementare, dove gavemo messo le vece penne col pennin? che ghe ne go trovade un per ..


"mi credo che i scrivi sta roba per insempiar la gente" ( La Cittadella)
Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

Me lo ricordo ben perché el maestro dele elementari ne gaveva dito de procurarse uno ("portate uno sfumino") e né mi né mia mama savevimo coss'che xe.

Però no i saveva coss'che iera gnanche nela prima cartoleria che semo andai, ma dopo in un altra lo gavemo trovà e me lo ricordo propio come quel dela tua foto (mi sicuramente no go salvà el penaiolo dela prima elementare :roll: ).

Quel dela cartoleria me fa strano perché, abitando là vizin, andavimo sempre ala storica cartoleria Muran, sul canton fra via Martiri dela Libertà (se ciamava cussì za quela volta?) e via Ghega, e me par strano che lori no i savessi.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Zigolo ha scritto: storica cartoleria Muran, sul canton fra via Martiri dela Libertà (se ciamava cussì za quela volta?) e via Ghega, e me par strano che lori no i savessi.
Muran adesso se ga trasferido in via Reti, ma nol ga più el negozio in stile de una volta. La via in origine iera Via Commerciale, credo che Martiri della Libertà sia vegnudo subito dopo la fin dela seconda guerra, solo che i veci continuava a ciamarla via Commerciale. Almeno nei anni 60 iera za Martiri della libertà.


"mi credo che i scrivi sta roba per insempiar la gente" ( La Cittadella)

Torna a “Veci mestieri”