El cardalana

[Nona Picia]

Se el nome xe sbaglià prego l'esperta de correggerlo.....La mia memoria no xe quela de una volta.....
Stamatina, drio el municipio, go vito tante robe vecie, tra cui questa machina per cardar la lana dei materassi, almeno mi de picia la go vista usar solo per quel. Purtropo iera un muci de gente e mi go fato come che podevo.

[Elisa]

vengo a conoscere questa macchina mai vista e nemmeno immaginata, seppure sentita nominare.
E vanta anche con il suo proprio brevetto!
Sapevo del cognome Cardalana......

[Nona Picia]

Non so niente del Cognome Cardalana, per me è il nome della macchina.....anche s enon so se è esatto!

[Rawa Ruska]

Co iero picio el cardalana viniva a far i stramazi e i cusini una volta a l'ano de noi, a S. Giovani, via Paglierici. E el stava qualche casa più su. La machina la portava sul stangon dela bici e lu andava a pie, tinindo tuto su. Prima el cardava la lana e po el straponzeva de novo tuto. Dio che bel che iera. El stava la in giardin, el fazeva el suo lavor, mia nona a volte ghe dava la marenda o el pranzo, anche se ogni tanto el rivava con la sua gamela. Credo de verlo visto circa fin el '60, e po Permaflex... e se finida.

Rawa Ruska

[babatriestina]

I cuscini de lana me par che nona li fazeva rifar del suo tapezzier, i materassi mama me diseva che ela li gaveva visti rifar in casa e mi un per de volte go rifatto de sola i mii cuscini, ma solo slargando la lana cole man.
Ma go butado via i materassi de lana co xe morta mama. Meo el Permaflex. Anche perchè no i fa buso in mezzo, Anche i cavezzai de nona go butado via, i disi che no xe ben per la cervicale.

[Nona Picia]

De noi una volta me ricordo che el tapezier xe vignù a casa a rifar i materassi, ma altre volte lo go visto lòavorar nel suo bugigattolo in qualche posto a Roian.

[sum culex]

Quante volte che lo go visto rifar i materassi in giardin a san Luigi dove che son nato, sia pei nostri che per quei dei altri inquilini. El discusiva la fodra e el la distirava per tera e el ghe burtava de sora la lana cardada che iera sistemada prima de cardarla su un'altra straza, e co'l finiva el ricusiva tuto el materasso che iera bel gonfio e no fracà come prima rifazendo tuti i orli e i punti de ritegno col spago e co un ciufeto de lana come punto de ritenzion.
ciao
sum culex

[bruno]

anche mi go visto de picio un che fazeva i stramazi aiutado dalla moglie all'aperto in villa carsia, preticamente iera l'unico el xe ciamava Bembich e iero amico dei sui due fioi

[nanaia]

mi me ricordo che portavimo a carda la lana dei stamazi in via Gatteri, da un certo sior Remondini, che fazeva come diseva altri de voi, prima discusindo e po, dopo aver cardado la lana el ricusiva tutto.
Me xe vignudo in mente che d'estate dopravimo i stramazi de crine, più freschi (cussì se diseva): ciò muli, me par de aver dozento anni

[Nona Picia]

.
Me xe vignudo in mente che d'estate dopravimo i stramazi de crine, più freschi (cussì se diseva): ciò muli, me par de aver dozento anni

Anche a casa mia se fazeva cussì e se ti te par de aver 200 anni, mi cossa devo dir?????