Un castoro canadese

[Nona Picia]

Mio cugin austriaco/canadese ga trovà sta bestiuzza sul prà davanti casa sua.....

[Zigolo]

Procione, detto anche orsetto lavatore.

[serlilian]

ehehehehe
Che carino.
In una serie TV un ragazzino americano ne teneva uno, nella fattoria di famiglia, e l'orsetto combinava un mucchio di disastri. Lo chiamavano "il bandito mascherato" per via della mascherina nera, attorno agli occhi.

Avevo letto anche un racconto su "Selezione dal Reader's Digest".
Li chiamano "orsetti lavatori" perchè lavano tutto quello che mangiano. Il procione restava malissimo quando cercava di lavare zollette di zucchero... e quelle gli sparivano tra le zampette. eheheheh

[Nona Picia]

Procione, detto anche orsetto lavatore.

Grazie Zigolo! Savevo mi che sbagliavo!

[Ursus Canadiensis]

Co' vivevimo in North Vancouver in una casa bastanza vecia, in Lynn Valley, dove che se trova più racoons (orseti lavatori) che gati o cani, i ne ga completamente rovinà un vecio sgabuzin che gavevimo tacado ala casa. In più, i ne ga ataca' la nostra cagna de quei giorni, Donna, e per un pel no i ghe gaveva squarcià l'ocio sinistro... e la storia continua.

A Vancouver, insieme con i coyotes, i xe la peste numero uno, anche perchè i se prolifera in maniera spaventosa, gavendo praticamente pochi, se no nesun nemico naturale nel'ambiente urbano.

Arnie

[babatriestina]

insoma, cocoli de veder, ma no de gaver in giardin

[Zigolo]

Come noi qua i cinghiai: el solito problema de quando un selvadigo se urbanizza.

[Ursus Canadiensis]

Ma no tute le creature selvadighe le se rovina co' le se urbaniza. Noi dovemo gaver almeno un sei o sete nidi de rondini soto soto la nostra teraza; un piazer de ospitarli.

Ma i miei eroi preferidi, quei che i se fa de tre a sei mila kilometri per vignir a visitarne qua in Canada per meter su familia, per cusi dir, ogni primavera i xe ben lontan de esere un insidioso rompimento de scatole, anzi.... i xe un piazer de oservarli, anche perchè i se lasa avizinar fin a un quaranta centimetri. Se trata dei colibri, i mesageri dela primavera, primi a rivar, primi a ripartir.

No i se nutrisi de altro che de netare dei fiori. La più parte dela gente in BC li ajuta metendo fora botilioni abevadori pieni de aqua zucherada, specialmente bonora in primavera co' de fiori ghe ne xe ancora ben pochi e la fame no manca.

Un poche de foto fate sula nostra teraza.

 
Un'altra interesantisima soluzion de controlo dele pantigane volanti, i.e. i colombi urbani, xe de incoragiar i falchi pelegrini e altri de far nidi in cità, sul teto dei grataciei o tronchi veci dei giardini. Par incredibile come che la nostra cità se gabi meso in controlo efetivo dela infestazion dela piaga grigia. Vivi tuti ben! I falchi i magna ben, i colombi ga sai meno concorenza e i magna mejo anche lori, e nesun de lori riva mai a diventar vecio e artitico.

Nido de un tipo de falco, el falco pescador fata in un parco qua vizin, dove che jerimo a far campegio la setimana scorsa:



Arnie