Ricordi Aprile-Maggio 1945

Logo indove meter i ricordi e le memorie
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Ricordi Aprile-Maggio 1945

Messaggio da Coce »

Come promesso questo ze un rialacciamento dela convesazion con Babatriestina sul Topico "la resistenza patriottica a Trieste" . Prima de tuto xe meo che ve dago un sfondo dela nostra situazion a quel tempo: Noi ierimo poveri fin de quando me ricordo, la colpa iera de mio papa' che el iera un baraba, l' unica attenuante che ghe posso dar xe el fato che lui e la sua famiglia iera profughi dela I guera mondial. Nol ga quasi mai lavora', l' unico lavor stabile che el ga avu' nel 1940 el xe anda' a costruir baracche per l' Esercito in Slovenia, el ga dura' 2 mesi, el se ga amala' de tubercolosi, nol se ga mai piu' guari', e el xe morto nel Febraio del 1944.
Mia Mama la ga semper lavora' la ga fato piu'de 20 ani in Jutificio triestino, la xe restada vedova con 2 fioi e mi iero el piu'grande de 14 ani. Ve go dito questo perche ve rende' conto come che iera le robe per noi durante la guera. Ierimo vestii de strazze, con le scarpe rotte, e no se trovava gnanche savon per lavarse, el magnar bisognava rangiarse el meo che se podeva.
Tornemo al Primo de Maggio1945. A qualche centinaio de metri dal sbocco de Via Dell' Istria, sul piazzal Valmaura a la man destra verso el Stadio, iera un ex deposito dela Sussistenza del' Esercito Italian , e xe la' che el presidio tedesco se ga anída'. I iera in svantaggio perche i iera in vallata , i Drusi occopava tute le case e campagne dele alture Servola, in poche ore i tedeschi xe stai soverchiai. El giorno dopo mi e mii due compagni " ierimo in 3 " gavemo salta' el muro de sto deposito in cerca de magnar o de vestir. El posto iera ocupado dei Drusi e co i ne ga visto i ga acenna' vegnì, vegnì aiutarne a far pulizia , iera muli-cavai morti del combattimento, nele barache sui tavoli iera piati de scatolame mezi magnai, bombe a man, divise de militari italiani ,tedeschi, scarpe ecc... Quando che gavemo fini' noi muli se gavemo impieni' un grande zaino per omo de vestiario , scarpe per portar a casa: come che andavimo verso el cancel d'uscita, piantonà de sentinele Drusi, iera uncaro de Drusi che andava fora, mi che me iero vesti' de militar con la bareta e tuto, col zaino in spalla meto un brazo sul caro e camino con lui, i mii due amici i iera un 10 passi indrio. Mi vado fora col caro, i mii amici co i riva sul porton i Drusi ghe ga ciolto tuto e i xe vegnui casa senza gnente. Cussi' xe fini' quel giorno. Ciao coce :-)


La vita
Piu' che la pendi
Piu' la rendi
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Grazie per la memoria, Coce. Te go spostado qua per darghe risalto al messaggio e perché questa sezion saria la più indicada per i ricordi, inveze el Salotin xe zona sai generica.


Mal no far, paura no gaver.
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Anche se no xe suo nono che ghe contava..... :?

Grazie Coce. Xe robe che ogigiorno pareria impossibili. :roll:


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Post Subject

Messaggio da Coce »

Grazie a voi per el vostro interesse, no son vostro Nono , ma in qualche caso podaria esser. Lilian disi ste robe le pareria impossibili ogigiorno ma le iera possibili e anche vere. La linea nel mezzo de quel che noi ciamemo normalita' e la guera e la miseria la xe assai sottile, bisogna che stemo sempre vigilanti per evitar sciaugure, infati xe anche ogi tante parti del mondo che i fa la vita che fazevimo noi nei ani '30-40, me sanguina el cuor ogni volta che vedo le soferenze dei popoli dela Palestina, L' Irak, l' Afganistan Ecc... me porta sempre indrio ai nostri tempi duri. Ciao Coce :-)


La vita
Piu' che la pendi
Piu' la rendi
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

serlilian ha scritto:
Grazie Coce. Xe robe che ogigiorno pareria impossibili. :roll:
Mi credo che in situazioni simili ste robe tristi se ripeti sempre......e forsi anche in situazioni non simili!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Re: Post Subject

Messaggio da AdlerTS »

Coce ha scritto:Grazie a voi per el vostro interesse, no son vostro Nono , ma in qualche caso podaria esser.
Mio nono materno xe del 1930. Lui però non ama raccontarme gnente de quel periodo ....


Mal no far, paura no gaver.
Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Post subject

Messaggio da Coce »

Adler, mi no so perche tu nono nol vol parlar de quei tempi, mi son l' oposto anzi me piasi condivider con i piu'giovani le mie esperienze dela vita. I mii ricordi li go sempre di fronte, Infati tuto quel che conoso de Trieste xe Ricordi, se te ga domande che te vol far, fate avanti che faro' del mio meio per risponder. Ciao Coce :-)


La vita
Piu' che la pendi
Piu' la rendi
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

mi go avudo un papà e una mama, e anche una nona, che me contava tanto dela loro vita. de quel periodo nona no gaveva assai de contar, la iera za vecia, ma go i racconti de papà e mama, che avendo età e esperienze diverse vedeva anche in quel periodo i diversi aspetti.
Anche se el più bel ricordo, per lori, xe stado che in quel periodo, pur avendose conossudo za de prima, i se ga visto con novi oci, i se ga incontrado, i se ga sposado el 25 aprile del 1946 e un anno dopo i ga dito: Varda ti , che per el nostro anniversario de matrimonio i imbandiera tutta la città :-D :-D :-D :-D


"mi credo che i scrivi sta roba per insempiar la gente" ( La Cittadella)
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

:lol: :lol: :lol:


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

babatriestina ha scritto:... i se ga sposado el 25 aprile del 1946 e un anno dopo i ga dito: Varda ti , che per el nostro anniversario de matrimonio i imbandiera tutta la città :-D :-D :-D :-D
Ma anche durante el GMA i imbandierava la cità, el 25 aprile? :shock:


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

serlilian ha scritto:
babatriestina ha scritto:... i se ga sposado el 25 aprile del 1946 e un anno dopo i ga dito: Varda ti , che per el nostro anniversario de matrimonio i imbandiera tutta la città :-D :-D :-D :-D
Ma anche durante el GMA i imbandierava la cità, el 25 aprile? :shock:
de come che i contava lori, el 25 aprile del 1946 no iera ancora festa, el 25 aprile del 47 xe stado festeggiado per la prima volta la festa dela Liberazion, ma forsi i se riferiva che imbandierava tutta l'Italia per el loro anniversario, i gaverà letto sui giornai ( television no i gaveva e forsi no iera ancora..); in effetti mi no me ricordo de feste del 25 aprile prima del 54, inveze me ricordo de tanti grandi cortei del 1 maggio, e credo za ben prima del 54, anche se no savessi dir se iera solo che bandiere rosse o che bandiere che iera. I sfilava propio soto le nsotre finestre e li vardavimo del sburto.
Mi le sole bandiere tricolori che me ricordo durante el GMA xe quele a lutto el giorno dei funerai del novembre 53.


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

te me ga messo un pulise nel orecia, e i mii ricordi no riva: ma fra el 1945 e el 1954, iera qualche festa a Trieste soto el GMA per la.. fin dela guerra, Liberazion dal nazifascismo o cossa? magari el 1 maggio, che iera festa internazional dei lavoratori, qualchedun festeggiava appunto el 1 maggio del '45, ma se no? :?: in fondo, el GMA iera appunto i rappresentanti de una parte de quei che gaveva vinto la guerra. Lori festeggiava quando la vittoria?
per dir, i Americani ( e i francesi) ricorda el sbarco in Normandia, ma i ga cominciado subito a festeggiar?


"mi credo che i scrivi sta roba per insempiar la gente" ( La Cittadella)
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Re: Post subject

Messaggio da AdlerTS »

Coce ha scritto:Adler, mi no so perche tu nono nol vol parlar de quei tempi, mi son l' oposto anzi me piasi condivider con i piu'giovani le mie esperienze dela vita. I mii ricordi li go sempre di fronte, Infati tuto quel che conoso de Trieste xe Ricordi, se te ga domande che te vol far, fate avanti che faro' del mio meio per risponder. Ciao Coce :-)
Grazie per la disponibilità, la apprezzo molto. Mio nono in sostanza ritien che le robe brute e tristi vadi dimenticade, e preferissi contarme de quando nei anni '60-'70 el xe andado in grecia ....
Solo recentemente, che ben o mal son adulto, el ga cominciado a contarme qualche robetta, ma devo zucarghele fora con le tanaie ...


Mal no far, paura no gaver.
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

[mod] a questo punto è iniziato un discorso sulle differenze di età che ho ritenuto meglio dividere e portare qua [mod]


Mal no far, paura no gaver.
nanaia
ixolan
ixolan
Messaggi: 468
Iscritto il: dom 6 ago 2006, 7:39
Località: trieste

ricordi de guerra

Messaggio da nanaia »

Me xe vignudo in mente quel che me gà contado sul argomento no mio nono, perchè purtroppo anche nella mia famiglia nissun amava parlar del passato (e questo me manca assai, adesso che anche mi de passato ghe ne go parecchio...) ma una carissima persona nata anche lu nel '30. Me par interessate, perchè xe un flash su come la guera iera vista dai adolescenti.
Quando sonava l'alarme, sto signor e i sui tre fradei correva in zima dela Torre dei Balini e de là i vedeva rivar i aeroplani zò dalle colline verso el mar: quando cominciava a cascar le bombe i contava fin a tre e-se no se vedeva la nuvoletta del scoppio- i fazeva festa perchè voleva dir che le bombe finiva in acqua!!!!!
Inveze durante i tragici giorni dell'occupazion titina, quando nel ospedal militar iera el grosso dei nemici, sti mati de muli se buttava a traversar via Fabio Severo, cussì i ghe sparava e i consumava munizioni :roll: :roll: Quando ghe go domandado, ma no gavevi paura che i ve copi??? Ma dai! Corevimo svelti!!!!

E no parlo de un matto, credeme, anzi! No posso far nomi perchè xe una persona molto nota e (giustissimamente) molto rispettada come EDUCATOR!!!!

Beata gioventù e beata incoscienza!


MUSTANGS13
vilegiante
vilegiante
Messaggi: 93
Iscritto il: mar 6 giu 2006, 14:45

Messaggio da MUSTANGS13 »

... no so ... mi de picio nono e nona (del 12 e del 14 i iera) me contava tante robe .... e comunque li stavo a scoltar ..... ogi come ogi son content ode aver in testa certi ricordi .... quela volta iero picio e capivo fin a un certo punto .... adeso vedo con altri oci ....


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

in casa mia i iera rispettivamente, fra parenti vari, del 1871, 1898, 1907 e 1920... podè imaginar quanto che i me contava, e i vedeva in modo differente le robe a seconda del età: me ricordo che una volta ancora de picia ghe go domandado: ma voi, cossa gavè pensado al principio dela seconda guerra mondial? mia mama la più giovine, ga dito Mi iero indottrinada e credevo che gavessimo conquistado el mondo, e inveze el mondo ne xe cascado in testa, i più veci me ga dito Me son messo le man nei cavei e go dito Qua finimo mal..
e papà me parlava sempre de sta prima guerra mondial, che no ghe ne podevo più, el importanza del Rombon nela tenuta del fronte sulle Giulie... e ogni volta che andavimo a Cormons a cior vin del Collio co el passava davanti de Redipuglia el fazeva el gesto de cavarse el capel in omaggio.
E papà ga salvado tutte le cartoline postali che nono ghe ga mandado al fronte durante la prima guerra ( el ga butado via inveze le sue risposte) , el obiettivo iera per mi, che leggessi per conosser un poco mio nono che xe morto ben prima che nasso. Purtroppo ste cartoline, per cominciar, le xe scritte assai in picio e po, averte che le xe, ovviamente la censura postal de guerra no gavessi lassado scriver notizia asai interessanti, per cui xe più che altro Stemo ben, el can te speta, to go mandado questo, mandime sto altro..


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

per tornar al periodo april-maggio del 45, mama se ga limitado a contar: iero per strada con mia cugina, a un zerto punto go visto che i titini ga sparà contro una bandiera italiana e se gavemo dito Licia, tornemo a casa che qua riscia de meterse mal . Papà come medico ga avudo el incarico de lavorar in un ospedal a san Luigi: el xe stado accolto de un Compagno medico, savemo che lei la xe un medico ma qua semo tuti compagni e se demo del ti, gavemo bisogno de lenzioi.. e el ghe li ga lassai cior..
sempre per el periodo, un altro ricordo de mama iera el 8 settembre el marì de una sua amica iera un giovine ufficial de Marina che co se ga sentido intimar de consegnar la flotta ai Aleati, che fin al giorno prima iera i nemici che li affondava, nol saveva cossa far e el ghe diseva "Signora Biancolina, mi dica lei cosa fare!" par che qualchedun se ga suicidado...


"mi credo che i scrivi sta roba per insempiar la gente" ( La Cittadella)
Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Post subject

Messaggio da Coce »

Pensando de l'8 Seteembre1943, un' altro periodo traumatico per Trieste e tuta l' Italia, e penso a quel che go visto mi dala mia finestra che gavevo una bellissima veduta del Porto Novo , del Arsenal, del Cantier San Marco,Gaslini, Le Dighe fino a San Rocco. Un Caccia Torpediniere dela Marina Italiana atraccado in Porto, ga tentado de salpar per el meridione, in porto iera un'Unita' Tedesca che ga intercetta' El Caccia che se gaveva spostado verso San Rocco cercando de passar fora dele dighe, i Tedeschi i ga canona'e affonda'el Caccia, mi go visto coi mii oci i marinai abandonar la nave con le scialuppe de salvataggio dirigendose verso Muia. Le spoglie de quei marinai morti xe stade ricuperade nel 1952. Gave' dati de questo evento? Ciao Coce :-)


La vita
Piu' che la pendi
Piu' la rendi
MUSTANGS13
vilegiante
vilegiante
Messaggi: 93
Iscritto il: mar 6 giu 2006, 14:45

Messaggio da MUSTANGS13 »

Costruzione n° 1341 – BERENICE
Corvetta antisommergibile costruita nel 1943 (Impostazione 01. 09. 1942, varo 20. 05. 1943, completamento 01. 09. 1943)
643 td, 740 td p.c., 64,4 x 8,70 x 2,48 m., 2 motori elettrici più 1 motore elettrico, 2 eliche, 4053 CA, 18,5 nodi; Armamento: 1-100/47, 3-20/70, 4-20/65, 2 tls-450, 81 cb. 2 scb.
01. 09. 1943 BERENICE: Regia Marina italiana
09. 09. 1943: tentando di lasciare Trieste veniva attaccata dalle artiglierie portuali e delle navi JOHN KNUDSEN e RAMB III, già catturate dai tedeschi, affondando nel Vallone di Muggia.
01. 1951: ricuperata dall’Impresa Meriggioli e demolita a Trieste presso la SIDEMAR.

Combinazion vol che mi lavoro proprio dove che una volta iera la SIDEMAR .....
Allegati
berenice.jpg


Torna a “Mio nono me contava che ...”