Zanzare (musati)

[AdlerTS]

Gavé mai visto che esisti un "bollettino musati", con la presenza dell'insetto mese per mese ?

Lo trové qua

[Nona Picia]

I le studia tute..... Però questa poderìa esser utile.....

[babatriestina]

e guarda caso, el sito xe dela vape, che vendi prodotti antizanzare..

[1382-1918]

Che report me fe della presenza dei musati questa estate nela vostra zona?
Mi devo dir che quà de mi a Cologna, ghe xe sta el record, mai visti tanti, e solo quei tigre.

Una volta iera el problema de no tignir luci impizade de sera perchè i musati (quei "nostrani") vigniva dentro e i te disturbava de notte, deso inveze posso tignir verte tute le luci che voio, ma più che qualche falena, no entra alcun musato e la notte no ghe ne go mai sentido un in tuta l'estate.
De matina anche tuto ok, ma nele ore pomeridiane, xe micidiale, e i beconi fa bastanza mal, oltre che spizza.

[babatriestina]

sotto san Giusto, i me beca de giorno e un per xe anche entrai in casa..

[AdlerTS]

Rozzol pochi, me par. Ma fazo parte de quela categoria fortunada che non vien sponta

[Nona Picia]

Caro Adler, vien a passar un dopopranzo de noi in giardin e te sentirà presto come che a Rozzol quei come mi e ti che de solito le zanzare normali no li beca, vegnerà becai dale maledete zanzare tigre..... Se voio ciapar un poca de aria de dopopranzo in giardin, che de noi xe un poco ventilà, me devo onzer de tute le parti e ancora cussì i trova posti che a mi me xe sfugidi. Me vien mal co devo bagnar i gerani.....

[1382-1918]

Caro Adler, vien a passar un dopopranzo de noi in giardin e te sentirà presto come che a Rozzol quei come mi e ti che de solito le zanzare normali no li beca, vegnerà becai dale maledete zanzare tigre.....

Infatti, nianca a mi de solito quei normali no me beca più de tanto.
Me go cusì "abituado" a quei tigre, che un giorno che me ga becado un de quei normali, go provado quasi pasion, go pensà "beh, tuto qua? e se lamentavimo de voi"? Quei tigre fa dei beconi tremendi, e xe anche sai più dificile mazarli. Co i svola, il volo xe talmente irregolare che no se ghe la fa quasi mai a farli fora. El momento più facile per mazarli, xe mentre che i te sta becando.
E assurdo che de matina, de sera e de note, no xe alcuna traccia de lori. Dopopranzo inveze...

[serlilian]

Anche a mi i musati nostrani no me becava quasi mai, ma i tigre me beca. E come! Un dopopranzo me gavevo distirà sula brandina, in pergolo.... ma me ga tocà scampar dentro, per via dei becòni. Me resta una macia rossa, lissa e pitosto estesa. Inveze i becòni "domaci" me lassava una zona, apena un poco infiamada, in rilievo, come un brufolo.

[sono piccolo ma crescero]

Becada al volo stamatina e tramortida co l'atrezo a fianco, dopo tre noti de masacro dele gambe, e poi finida con metodi più tradizionali!



Giusto per no dar impresioni sbagliade, la racheta eletrica xe bastanza più grande del musato e la funziona bastanza ben.

[Nona Picia]

Te poderia passar qua de mi e copar tuti quei che go in giardin, che cussì podemo star fora anche de giorno? ;-D

[serlilian]

Becada al volo stamatina e tramortida co l'atrezo a fianco, dopo tre noti de masacro dele gambe, e poi finida con metodi più tradizionali!



Giusto per no dar impresioni sbagliade, la racheta eletrica xe bastanza più grande del musato e la funziona bastanza ben.

I me la ga mostrada, in un negozio vizin casa mia, ma me pareva che i me ciolessi pel fioco.
Per bon te ghe cori drio ai mussati e te ghe dà una rachetada?
Zogar a tenis coi mussati, al posto dele balete? Novo sport olimpico?

[Elisa]

Becada al volo stamatina e tramortida co l'atrezo a fianco, dopo tre noti de masacro dele gambe, e poi finida con metodi più tradizionali!



Giusto per no dar impresioni sbagliade, la racheta eletrica xe bastanza più grande del musato e la funziona bastanza ben.

ma l’è da rider che te parli dell’ insetto…..in singolare!!!!!
Se l’è na roba “vera” sto ordegn eletrico, spero che l’ ariva anca da noi! El par anca veramente ecologico! Qua gaven la convinzion de eser el posto de privilegio dove le zinzale (zanzare) le bate el record de esistenza! No le rispeta gnanca le stagion, se ven un dì de calt en inverno…eccole che le ariva. Se poi se va un po’ fora de zità, le te ven encontro a nuvoloni! Particolarmente golose del sangue ‘straniero’, comprovà con i cugini in visita da noi in estate, con che voracità le g’ha lassa le punture rosse sula pel con insopportabile necesità de gratar….Esasperante, indimenticabile! Però anca perchè rifiutavano de meterse el repelente sula pel….

[sono piccolo ma crescero]

Se l’è na roba “vera” sto ordegn eletrico, spero che l’ ariva anca da noi! El par anca veramente ecologico!

Nei negozi dei cinesi a 6 euro l'una. La go provada su mosche, tarme e zanzare. Basta no ciapar paura co fa la falisca e el boto, e no meter el dito sula racheta.

[serlilian]

Ah. In un negozio "vero" la costava de più. E magari xe sempre la stessa.

[sono piccolo ma crescero]

Alore, devo eser preciso.

Quela dela foto la go comprada de GBC in via Conti l'anno scorso e credo de verla pagada sui 10 euro, ma no son sicuro.

Sto anno go deciso de regalarghene una a mia sorela e una a mia cognada (par condicio e anche nel menage familiare me par che la vadi ben come regalo: la moglie la dopra contro quel musato del marì, el marì contro quela tarma dela moglie ) ma de GBC i gaveva solo le lampade e alora le go ciolta dai cinesi. In aparenza le par anche meio perché le ga la bateria ricaricabile.

Comunque, in base ala mia esperienza, e cusì ghe rispondo anche a Elisa sul perché go pochi musati, la roba meio xe le zanzariere (prevenire è meglio che curare).

[PICCOLO FORA TEMA]Quela che go ciolto mi de GBC ga el marchio CE che devi aver tuta la roba. Quela che go comprà dei cinesi la ga un marchio CE che però no xe quel uficiale (me par che el stia per China Export). El marchio CE lo trovo sul sacheto de nylon che le contien. Ma mi go el sospeto che el se riferisi al sacheto de nylon che el xe a norma ... o sbaglio? Pensare male è peccato però ...

Comunque, alemno in apearenza, no le me par pezo de quela de GBC che poi sarà stada fata de sicuro in ...[/FORA TEMA]

[Zigolo]

prevenire è meglio che curare

Quindi eliminar ogni picolo residuo de acqua: bacinele, sotovasi, gorne, ecetera. Xe in acqua che le se riproduci.

Capisso che un pol anche disidratar tuto el suo giardin o el suo pergolo e po' magari el vicin ga una vasca de bagno in orto per ingrumar l'acqua piovana ma el mejo modo de prevenir xe proprio no darghe la possibilità de riprodurse.

[sum culex]

Pensavo de tacarme al post 'sara tigre?', ma essendo istruzioni de carattere generale me ga parso forsi più oportuno verzer un topic novo per una consultazion più facilmente acessibile per preservarse de antipatici beconi. [MOD, attacado al precedente da Adler, MOD]









Spero de esser stado utile.
ciao
sum culex

[babatriestina]

Version più sintetica trovata sti giorni ai servizi de Igiene e profilassi.

1 svuota sul terreno,almeno ogni cinque giorni, secchi, ciotole per l'acqua degli animali, sottovasi, annaffiatoi, barattoli ecc

2 Elimina pneumatici usati e contenitori inutili, come barattoli, lattine, ecc affinchè non si accumuli acqua e si eviti la formazione di ristagni

3 Copri accuratamente con zanzariere o con teli tutti i contenitori inamovibili quali vasche, bidoni, serbatoi per l'irrigazione di giardini e orti.

4 Tratta da fine aprile a ottobre l'acqua nei tombini con specifici insetticidi che trovi presso le farmacie e "le agrarie"
Ripeti il trattamento ogni settimana con prodotti a base Bacillis thuringiensis oppure ogni due settimane con prodotti a base di Temephos.

5 Metti pesci rossi o altri pesci che si nutrono di larve di zanzare nelle vasche ornamentali

[Zigolo]

5 Metti pesci rossi o altri pesci che si nutrono di larve di zanzare nelle vasche ornamentali[/b]

SOLO nele vasche ornamentali, me racomando!

MAI meterli in stagni naturali o naturalizadi, perché i distriga tuto, larve de anfibi e anche de inseti ematofagi, cioè che a sua volta xe distrutori de larve de zanzara.