Aquila reale

[sono piccolo ma crescero]

Lo so che sto spazio doveria eser riservà ale bestie de casa nostra e questa no lo xe (anche se i me garantisi che a 20 chilometri de qua in linea d'aria ghe ne xe una, ma no i me ga dito dove, perché co se parla de rapaci i esperti diventa tuti un poco omertosi; go l'impresion che i ga paura che se vadi a romperghe i bisi, e i rapaci, che par tanto cativi, in realtà i xe piutosto delicati per la scelta de dove meter su casa).

Comunque, in onor de AdlerTS, autorevole membro de questo forum, moderatore, cavaliere del forum, ecc. ecc. (me par de eser Fantozzi col snociola tuti i titoli del suo presidente ), in onor de AdlerTS, disevo, ve meto le foto che go fato de l'aquila che me svolava sora la testa a Sappada, tra la Terza media ... e la prima superior ! No devo eser serio, tra la Terza media e la Terza picola che xe due monti intorno a Sappada.









P.S. Beh, a onor del vero la terza foto la xe un poco futizada, ve sarè acorti . Serlilian, Adler, 1382-1918, ecc. ve prego veramente de no ciaparvela. Lo go fato con un afetuoso soriso. Le altre foto, ve garantiso, le xe tute bone, invece.

[AdlerTS]

Grazie, go aprezado

[serlilian]

"La galina con do teste la go vista svolazar..."
hahhaha
assai cocola!
alora, più che aquila real... la xe un'aquila imperial regia.

[Ursus Canadiensis]

Un poche de foto de un par de aquile un tantin più recenti...lćano scorso.




Arnie

[Ursus Canadiensis]

Quela ultima doveva eser la prima. Le due aquile gaveva pena finid de darghe una lezion a un per de corvi. Se vedi ancora i taloni in foro mentre che la xe in volo.

Arnie

[serlilian]

Ah, xe quele cola testa bianca. Le americane.

[Nona Picia]

Bela l'aquila a due teste. Sarìa de far un avatar......

[Ursus Canadiensis]

Ah, xe quele cola testa bianca. Le americane.

Liliana,
Adeso 'ndemo su a nord a far campegio. Tignarò i oci verti e la machina fotografica sul chi-va-là. Se vedo una de quele bruno, le Golden Eagles, la fotograferò. Go qualcheduna che go fato tempo fa in qualche canton del casetin dele mie cianfrusalie (pomposamente ciamado FILES), ma no ghe la fazo a trovarle perchè partimo domani matina.

Arnie