Elenchi telefonici

[sono piccolo ma crescero]

Ogi i me ga portà el novo elenco telefonico:

• Grafica diversa
• pagine bianche e giale tuto insieme
• Me par che l'editor sia diverso (problemi de concorrenza sleale?)
• Tuttocittà in fondo ale pagine bianche
• Le cifre del numero telefonico xe divise in tre grupi de due e no in due grupi de 3
• I cognomi no xe ripetui per ogndun ma ghe xe le virgolete
• Tra Autocarrozzeria e Autoofficine trovo anche come che se fa l'autocertificazione

Al primo momento son restà perpleso, ma in fin dei conti el me par un poco più legibile.

[sono piccolo ma crescero]

Scuseme, dimenticavo lavera nota stonada: la pianta de Gorizia ga el nord dove che di solito xe l'est

[Zigolo]

Tute robe che gavarò sai dificoltà a aprezar o anche solo verificar.

Perché? Perché, visto che no iera nissun a casa e in casseta dela posta no la ghe passa, chi che ga portà la guida ga pensà ben de butarla in giardin oltre la rede. Nela bela erbeta anche bastanza alta perché ultimamente lo la go taiada. La piova ga fato el resto.

Nei ani 70, de studente, go lavorà ala distribuzion de guide e bolete de telefono: credeme che no iera questo el modo de lavorar.

Oltretuto, anche se quela volta gnanche no se saveva coss'che vol dir raccolta differenziata, iera tassativo ritirar la guida vecia (gavevimo una percentuale sai picia de toleranza) che vigniva veramente mandada al riciclo. Me ricordo ancora le manovre impossibili che fazeva i autotreni pieni prima de guide nove e po' de vecie in via Setefontane

[babatriestina]

ma perchè ti te son special? a mi me xe arivade le solite pagine bianche, un per de giorni fa, e una nota messa in porton per tutti che visto che no i ga trovado nissun a casa (in tuta la casa!!!) che se volemo li ciamemo al numero verde...
e le mie pagine bianche xe normalissime
Gnanca traccia de Tuttocittà.

[sono piccolo ma crescero]

Go l'impresion che sia due elenchi distinti. A mio fio, infati, ghe xe rivà sia l'elenco mio che le pagine giale solite. Devi eser i benefici efeti dela liberalizazion e, come disi Zigolo, de l'esigenza de consumar meno risorse

[Nona Picia]

Noi semo più fortunai, ne xe rivai tuti e due. E se un ben, perchè per leger i nomi in quel più grosso ghe vol una bona lennte d'ingrandimento.....e mi no go i problemi de sum culex-

[sono piccolo ma crescero]

Anche a mi me xe rivade anche le pagine bianche. Mi penso che i elenchi coi numeri sia compagni, per cui varderò quel che me par meio (a naso le vece pagine bianche che xe più fine) e el resto buterò via, anche perché... mi dopro quasi sempre internet co go bisogno de un numero

http://www.paginebianche.it

[babatriestina]

alora el grosso no stalo butar, ma salvilo per mi! che no lo go visto..

[Coce]

La guida telefonica a Melbourne xe un problema za de diversi ani., a noi i ne manda anche se no li volemo almeno 6 libri al' ano e mi me rabio sempre perche i va a finir nel bidon del riciclo. gavemo pagine bianche per i numeri resdenziali,
pagine bianche per i enti governativi, statali e federali, gavemo 2 libri grossi de pagine gialle divisi in 2 a meta'alfabeto perche tuto uno saria tropo pesanti dove xe listadi tuti i tipi de commercio, gavemo un libro telefonico ciamemolo distrettuale che includi i soborghi vicini con tute le mappe stradali e gavemo un' altro libro distrettuale per i commerci. diventa tuto assai complicado e spesso no te trovi quel che vol e te devi perusar tuti sti libri per trovar qualcosa. Quel che me inombra xe el fato ghe per produr tuti sti libri bisogna taiar alberi, e i continua dir che i vol salvar l' ambiente, e i xe i piu grandi spreconi al mondo. Sta roba no xe necessaria .Ciao Coce