Rapaci a Gorizia

Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Rapaci a Gorizia

Messaggio da sono piccolo ma crescero »

Mi sono fatto spiegare bene dove, ho preso un telo mimetico, una tanica con dieci litri d'acqua, quattro pacchi di gallette e 9 scatolette di carne che ho usato, in parte, come esca e dopo tre giorni e due notti, passati a guardare oltre ad un buco del telo, sono riuscito a fare questa foto. E' stata dura, ma ne è valsa la pena.

Immagine

Volevo far questo intervento e poi lasarlo là per un per de giorni, con questo stile che tanto piasi oltreoceano, con l'esaltazione de una volontà individuale che vinci le dificoltà per rivar a un fine. Ma poi no me xe parso giusto. Se nesun ghe cascava, fazevo mi la figura del sempio, e se qualchedun ghe cascava in definitiva me gaveria dispiaso de verlo imbroià. E alora contemo le robe come che le sta.

Ogni anno a Gorizia, in luglio, se tien le "giornate della falconeria"

Immagine

Digo subito quel che penso sula falconeria: sarà anche una forma nobile de cacia (nobile no so, ma per richi de sicuro visto quel che costa un falcon), ma sempre cacia xe. Mi no go niente contro el boscimano che va a caciar la gazela e con ela el ghe da de magnar per un mese ala famiglia, ma noi gavemo meso a punto altre tecniche per procurarse de magnar e la cacia xe diventada sempre più un copar per divertimento. E poi, vardando ste bestie, aparentemente feroci, ma ligade, incapuciade e condizionade a tornar del paron, un senso de tristeza lo provo. Lori giura che xe tute bestie de alevamento, ma i le riva a riprodur in catività? El sospeto che i ovi sia stai portai via dei nidi o che del nido sia stai portai via i pulcini me resta (spero de sbagliarme). E poi me fa sai strano veder ste bestie che doveria o scampar via davanti a l'omo o saltarghe adoso, starsene là, co la facia feroce, ma indiferenti.

Comunque iera un'ocasion per veder de vicin ste bestie che altrimenti se riva a veder al masimo in controluce contro el ciel e alora ve meto le foto. E comincio con quele più evidentemente ligade ala falconeria.

Questa xe de un falco lanario sula man del paron che lo tien col guanto (lanario sudafricano, ga sotolineà el paron, perché no xe niente de italian, xe tuto de posti lontani, dove che evidentemente la catura xe lecita, penso mi).
Immagine

e questa xe de un falco (no so de che tipo) incapucià per tegnirlo bon (e penso che, a vardarlo, se capisi perché che go provà un poca de tristeza.

Immagine

Le altre foto xe tute senza capucio. Volevo anche, col fotoritoco, cavarghe via le corde che li tien ligai, e meterghe un sfondo adeguato, ma dopo go pensà che iera meio riordarse sempre che no i xe liberi.

No meto i nomi scientifici, perché speso xe roba esotica, specie e sotospecie particolari, e quindi penso che no vali la pena.

Comincemo coi rapaci noturni (un me lo salvo per la fine). Al contrario dei altri usei i ga i oci voltai per davanti, credo per darghe una miglior vison tridimensional dele robe fondamentale per chi che svola de note (Zigolo se vol confermerà o smentirà). Sto fato ghe dà un aspeto per certi versi quasi umano (vederè più avanti se go torto o ragion).

Alora questo xe un barbagianni

Immagine

Questa, invece, xe una civeta; sì quela de Atena, la dea dela saggeza.

Immagine

Questo, invece, xe un gufo american; contrariamente a tute le robe che ne vien de l'america che le xe sempre pù grandi dele nostre (dai auti ai dindi), questo xe più picio.

Immagine

Fine dei rapaci noturni.

Questo xe un falco, se no me sbaglio doveria eser un girifalco, sai doprà in falconeria. Vardeghe ben l'ocio: ocio de falco o ocio de aquila xe sinonimi de vista bona.

Immagine

Questo, tuto scuro, xe un altro falco, el falco de Harris, che se doveria trovar anche in Argentina. No se lo trova in Europa. E in realtà no so se el xe proprio un falco o un'aquila o una poiana.

Immagine

Questa invece xe poprio ela (anzi dovesimo dir lui), l'aquila de mar americana, la bald eagle, simbolo degli Stati Uniti d'America e che Arnie ne ga mostrà libera.

Immagine

Questa, invece, xe una femina giovane, che ancora no ga la testa bianca.

Immagine

E adeso vegnimo ale creaturine più cocole. Questo rapace xe un ghepio american, venti centimetri o poco più de useleto, velocisimo in volo e capace de ciapar al volo un pasero o un merlo (tanto per ricordarse che xe sempre rapaci)

Immagine

E questo ga el premio simpatia, xe un assiolo african. Verdeghe ben i oci. Gavevo ragion o torto quando ve go dito che i rapaci noturni ga un aspeto quasi uman?

Immagine

Bele foto, xe vero? E ghe ne go tantisime altre. Qua go meso solo qualcheduna, giudto per documentar la manifestazion. Epur, vedè, per far la foto qua soto, de un codirosso (Phoenicurus phoenicurus), a Sappada sì che go dovù tribolar, corerghe drio, far quindici foto per tegnirne una, che no xe poi el masimo: gaveria volù ciaparlo più in grande. Epur me ga dà più sodisfazion questa, che no centra niente con Gorizia, de tute quele che go meso qua sora.

Immagine


Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Go un per de foto fate a Budapest, che no ga niente a che far con le tue, ma xe giusto per vederli in un altro ambiente. Se podeva fotografarse con lori, pagando qualcossa.
Allegati
dicembre 2008 - gennaio 2009  Budapest e funerale Arthur 143.jpg


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Le foto xe assai grande. Ma me par che el forum le ridusi automaticamente.
Allegati
dicembre 2008 - gennaio 2009  Budapest e funerale Arthur 145.jpg
dicembre 2008 - gennaio 2009  Budapest e funerale Arthur 142.jpg
dicembre 2008 - gennaio 2009  Budapest e funerale Arthur 141.jpg


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

l'arte della falconeria è antica e nobile, vedere
Immagine
( immagine wikipedia)
Federico II di Svevia: De arte venandi cum avibus


"mi credo che i scrivi sta roba per insempiar la gente" ( La Cittadella)
Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

questa xe una mutazion genetica successa in america recentemente:

Immagine

I puristi i disi che i doverìa eliminàr sto tipo de aquile in modo che no le rovini la specie, i animalisti i disi che povere aquile perchè mazzarle, ma sembra che a diversa gente cominci a piaserghe.

I ga intervistà el governatòr dela california Schwarzenegger, che ghe ga fatto una dotta dissertaziòn, disendoghe che se vedi questo tipo de aquile za nei bassorilievi dei Ittiti, che giusto el gaveva una foto in scarsela e el ghe ga mostrà:
Immagine

Ma el ghe contava che anche in Tibet, su per le cataratte del Nilo, che anche el patriarca de la Cesa armena nel 4° secolo, el gaveva la corona con un aquila de 'sto tipo.

Finida l'intervista, el xe andà via cantando per tedesco che i americani no capiva, ma un dei giornalisti che el gaveva sonà in banda, el ghe ga dito ai altri che el governatòr stava cantando: "Unter dem Doppeladler".


VetRitter
Citadin
Citadin
Messaggi: 1165
Iscritto il: mar 13 ott 2009, 16:25
Località: Piacenza (provincia)

Messaggio da VetRitter »

ernesto93 ha scritto: el xe andà via cantando per tedesco che i americani no capiva, ma un dei giornalisti che el gaveva sonà in banda, el ghe ga dito ai altri che el governatòr stava cantando: "Unter dem Doppeladler".
el vecio Arnold, me lo vedo meio con la divisa de la Defonta che da governador dei Californiani...
saluti


Rawa Ruska
ixolan
ixolan
Messaggi: 292
Iscritto il: gio 11 dic 2008, 18:55

Messaggio da Rawa Ruska »

VetRitter ha scritto:
ernesto93 ha scritto: el xe andà via cantando per tedesco che i americani no capiva, ma un dei giornalisti che el gaveva sonà in banda, el ghe ga dito ai altri che el governatòr stava cantando: "Unter dem Doppeladler".
el vecio Arnold, me lo vedo meio con la divisa de la Defonta che da governador dei Californiani...
saluti
Tropa Roba! kaiserjäger Arnold! el ghe le sonaria anche a Maciste Alpino!

Rawa Ruska


Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

ernesto93 ha scritto:Immagine
A mi me par un fotomontagio.

Le due teste ga i lati interni in ombra, ma ghe dovesi eser una diferenza de luce tra i due lati. Anche i bechi i me par tropo compagni.Se poi le ingrandì tanto

Immagine

voi vedè che la testa de destra mostra come un taio che poderia eser el punto de giunzion tra le due foto. E me lasa anche perpleso quel artefatto che xe soto in orizontale (lo go segnà con de frece).

Prima de far teorie ghe penseria su due volte. Ve ricordo che anche mi go fotografà un aquila con due teste :wink: :-D


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

francamente, mi no gavevo dubbi che fussi un fotomontaggio... :-D


"mi credo che i scrivi sta roba per insempiar la gente" ( La Cittadella)
Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

Ciò, muli, dièse minuti per un vitz posso anche spenderli, no de più, de andàr a ritoccàr le piùme una per una...


Torna a “Bisiacheria”