Trieste, città d'arte

[babatriestina]

Trieste, città d'arte!
xe la scusa che i ga trovado per tentar de tegnir verti i negozi de domenica.
Città d'arte?
i sera el Museo oriental, spostando una parte dela roba al Castel ( immagino le armature de samurai nel Armeria) , le collezioni de stampe giapponesi, i vasi de porcellana cinese e giapponese?
el Museo de pittura ( de arte antica) che iera averto e gratis in Piazza Stazion iera semisvodo e de un per de anni serado, in attesa che forsi i o verzi ale Scuderie de Miramar ( ghe xe un Tiepolo, un Cranach.. no assai ,a insomma..)
el tanto reclamizzado Museo dela Civiltà istriana e dalmata i lo ga averto, nel senso che el contenitor xe pronto, ma el xe svodo!
i famosi quadri veneto-istriani dove xe finidi? in deposito?
El museo de storia Natural i lo ga spostado e poca roba i ga messo e xe fora man
El Museo de Henriquez.. no so cossa che sia de lu...
i Musei de via Imbriani xe riaverti e esponi a rotazion..
resta Miramar...
po i disi che i musei de Trieste no rendi, perchè la gente no visita- come se fusi el costo del biglietto a dover sostegnir i costi.. ma un poca de sponsorizzazion? una poca de reclam? o li seremo tuti perchè no i vendi bastanza?
Podemo anche discuter se i nostri musei locali ga roba che merita veder, ovvio no semo i Uffizi o i Musei Vaticani!
e cossa i se pensa? solo che al Parco del Mar, un aquario che dovessi correr tuti a vederlo.. de mezza Europa
eco, me spieghè perchè un aquario xe almeno a parole tanto più attraente de un museo de arte?
perchè el vien presentado come un parco de divertimenti?

[1382-1918]

Trieste, città d'arte!
xe la scusa che i ga trovado per tentar de tegnir verti i negozi de domenica.
Città d'arte?
i sera el Museo oriental, spostando una parte dela roba al Castel ( immagino le armature de samurai nel Armeria) , le collezioni de stampe giapponesi, i vasi de porcellana cinese e giapponese?
el Museo de pittura ( de arte antica) che iera averto e gratis in Piazza Stazion iera semisvodo e de un per de anni serado, in attesa che forsi i o verzi ale Scuderie de Miramar ( ghe xe un Tiepolo, un Cranach.. no assai ,a insomma..)
el tanto reclamizzado Museo dela Civiltà istriana e dalmata i lo ga averto, nel senso che el contenitor xe pronto, ma el xe svodo!
i famosi quadri veneto-istriani dove xe finidi? in deposito?
El museo de storia Natural i lo ga spostado e poca roba i ga messo e xe fora man
El Museo de Henriquez.. no so cossa che sia de lu...
i Musei de via Imbriani xe riaverti e esponi a rotazion..
resta Miramar...
po i disi che i musei de Trieste no rendi, perchè la gente no visita- come se fusi el costo del biglietto a dover sostegnir i costi.. ma un poca de sponsorizzazion? una poca de reclam? o li seremo tuti perchè no i vendi bastanza?
Podemo anche discuter se i nostri musei locali ga roba che merita veder, ovvio no semo i Uffizi o i Musei Vaticani!
e cossa i se pensa? solo che al Parco del Mar, un aquario che dovessi correr tuti a vederlo.. de mezza Europa
eco, me spieghè perchè un aquario xe almeno a parole tanto più attraente de un museo de arte?
perchè el vien presentado come un parco de divertimenti?

Son pienamente d'accordo col tuo senso de disgusto, i xe ridicoli, ma purtroppo i risulta ridicoli solo a pochi. E questo li legittima a far quel che ghe par.
E no xe miga un'offesa no esser consideradi una città d'arte! Perchè volerlo esser a tutti i costi? Per la paura de certi de esser consideradi diversamente dalle "normali" città italiane? E miga che tutte le città italiane xe città d'arte? Questo dimostra anche che l'ignoranza dei amministratori, e non solo riguardo alla loro attitudine verso i musei, oltre al fatto che Trieste xe forse più un museo quando se camina per città e se studia la storia delle sue vie e palazzi, dele sue tante bellezze naturali e particolarità del territorio che la circonda.

Perdonime infine una cattiveria nei confronti del museo della civiltà istriana e dalmata! Se el fusi veramente rappresentante de quel che el porta nela sua intitolazion, niente de dir, ma inveze te sa ben a cosa che servi quel museo, no? Intendo, politicamente... No servi che digo altro, chi capisi, capisi. Per cui el xe stado "tanto reclamizzado" a quel medesimo fine. Se dopo el xe svodo, poco importa, tanto quel de sicuro no i lo chiudi mai più, anche se nisun lo va a visitar.

E dove xe un museo sula civiltà triestina? Il quale ovviamente gavesi sai poco de esporr in riguardo almeno ai ultimi, disemo, 30 anni...

[Zigolo]

i xe ridicoli, ma purtroppo i risulta ridicoli solo a pochi.

Xe questo el problema dei problemi...