Cuciniamo? Oggi in Tavola!!!!!

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
Nona Picia
Capo postin
Capo postin
Messaggi: 10737
Iscritto il: venerdì 20 gennaio 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia » mercoledì 4 aprile 2018, 12:35

Mi go ciolto solo roba mia o de mio marì e i altri se ga ciolto la sua


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....

Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » mercoledì 4 aprile 2018, 18:14

Nona Picia ha scritto:
mercoledì 4 aprile 2018, 12:35
Mi go ciolto solo roba mia o de mio marì e i altri se ga ciolto la sua.
Go dito par scherzo se se pol cior anca de altri tavoli, par veder se qualchedun ridi. :cheezy_298:



Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » sabato 5 maggio 2018, 9:14

Domani: Ciancele in Mission impossible. La putela ghe ga comandà de far risotto agli asparagi verdi. Mi so de un ristorantin che li fa ben, ma xe un pochetin lontan (Como). No xe magno in spagnol, xe un cità in Italia sul lago omonimo. :(



Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » lunedì 14 maggio 2018, 20:01

Mission impossible. Nix xe impossible par Ciancele. Astuto come che son, la go invitada a magnar fora. Problema risolto. Quel che me spuza (non mi soddisfa) xe che la ga acetà subito. Chisà parchè. :roflmao_155: :roflmao_155:
Po me go dà del viliaco. Anzi, come che diseimo noi muli quela volta, vill iaco. Cusì ieri go crompà i sparisi e go fato el risoto. Meno pezo de quel che credevo. No la se ga entusiasmà, ma ghe ga piaso. Mi penso che la prosima volta ciogarò meno sparisi, meno risi, meno formaio e gavarò più suceso. Nachtisch (Desert): fragole col zucaro e sugo de limon e gelato de vanilia. Trapeta. Ma proprio trapeta. Più picola de cusì se moriva. Bicerin con odor de trapa. Vin bianco Riesling.



Avatar utente
babatriestina
Capo postin
Capo postin
Messaggi: 34421
Iscritto il: domenica 25 dicembre 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina » lunedì 14 maggio 2018, 20:21

Sparisi verdi o sparisi bianchi? ( e sa.. per i casi disperai esisti dele bustine de risotto ai sparisi: te zonti acqua te meti sul fogo e te missi.. ). Devo di che anche mi li fazo ma i me vien asai gustosi.


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » lunedì 14 maggio 2018, 20:46

babatriestina ha scritto:
lunedì 14 maggio 2018, 20:21
Sparisi verdi o sparisi bianchi? ( e sa.. per i casi disperai esisti dele bustine de risotto ai sparisi: te zonti acqua te meti sul fogo e te missi.. ). Devo di che anche mi li fazo ma i me vien asai gustosi.
Sparisi verdi. I bianchi li fa la putela. Bustine? Vade retro Baba! :evil: :evil:



Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » martedì 15 maggio 2018, 8:07

babatriestina ha scritto:
lunedì 14 maggio 2018, 20:21
Sparisi verdi o sparisi bianchi? ( e sa.. per i casi disperai esisti dele bustine de risotto ai sparisi: te zonti acqua te meti sul fogo e te missi.. ). Devo di che anche mi li fazo ma i me vien asai gustosi.
Sparisi verdi. I bianchi li fa la putela. Bustine? Vade retro Baba! :evil: :evil:
Cari amici e buongustai, un bongiorno a tuti. Quando che se parla de bustine, me vien sempre inamente quel che contava el mio amico Tonin (Antoine Lavoisier). Nulla si crea e nulla si distrugge. I coghi no xe alchimisti. Quel che i meti drento i tira fora. Gnente oro in cambio de piombo. In tanti ani go provà a cior bustine e roba fata (convenience), ma nel famoso caso de estremo bisogno me fazo una feta de pan e buro, e forsi marmelata. Salame e parsuto i vendi, ma mi no devo magnar se no me piasi. Parsuto solo sula strada tra Opcina e Sistiana. E, naturalmente, a Bol... Intun momento de aberazione mentale go crompà parsuto dela basa, Calabria?, a 100 marchi al chilo. Me dago ancora ogi del mona. Se go poco tempo, ma par quasiasi roba go bisogno de 30 o 45 minuti, ovo frito, spagheti alio olio, gnochi, tortelini, spaghetini Rana con salsa de pomidoro, funghi, Gorgonzola. O una bistechina. O solo do scudele de cafè. Forsi no morirò subito de fame. Mi no son pizofilo e par quel una pizza surgelata, che costa 2,30 euro, la xe no pezo de quela che podaria cior in pizeria, ma a 5 o 6 euro. Che se cusina ‘vanti par strada tra pizeria e casa.
Scuseme questo sfogo. Ripeto che quel che go scrito val solo par mi.
Sani.



Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » giovedì 31 maggio 2018, 20:43

La putela la xe scampada par un per de giorni e la ga lasà che me cia... che me rangio. Ieri a pranzo do spagheti con aio e oio. La sera pedoci, disemo, ala marinara. Un toco de zivola, pevere in gran e ginepro. Oio e vin bianco. Persighi in scatola (slices peaches) con pana. Ogi a mezogiorno volevo farme el resto dei pedoci. Sona la campanela. Chi xe? Mia fia col marì. Mezo chilo de pedoci in tre. Ci siamo abbuffati. Adeso vado a meter do tochi de pan in forno e me fazo do sanduic de salame. Co'la scusa che l'aqua xe in cantina e no poso caminar, bevarò qualche bicer de nero che go in cusina. E magnarò i ultimi do tochi de persigo. Viva là e po bon, crepa la musa resta el paron.



Avatar utente
Nona Picia
Capo postin
Capo postin
Messaggi: 10737
Iscritto il: venerdì 20 gennaio 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia » giovedì 31 maggio 2018, 21:10

Bon panin Ciancele! R bona note!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....

Avatar utente
babatriestina
Capo postin
Capo postin
Messaggi: 34421
Iscritto il: domenica 25 dicembre 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina » giovedì 7 giugno 2018, 20:50

Con sto caldo, oggi go ciolto filetti surgelai de branzin e d e orada, li go cusinai un per d e minuti al microonde, po go cavado al pelle e li go coverti con io, limon, grani d e pevere rosa e foie de fenoceto, messi in frigo un per de ore.. come quel che i vendi pronti, ma mi so con cosa che li go fati!


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » sabato 9 giugno 2018, 7:55

Bongiorno, bongiorno. Mi son quel che voler saver sempre tuto e po no’l fa gnente. Ma no dispero mai. Qua se trova i fileti, ma in pachi de un chilo. No son tropo contento dela qualità. Se pol anca dirghe al mato che fazi lu i fileti e se ciol pese no congelà. El sugo che fazo mi, e che go imparà de mia mama, xe sempre oio, aio, pevere, sal e parsemolo. Qua metemo Fenchel (fenoceto?) ma anca erba cipolina (Schnittlauch). La putela me disi che el pese vol tre S: lavar (Spülen), sugo de limon (Saft) e salar (Salzen). Mi go un grill eletrico da tavola e podaria cusinar là i fileti. Po meto sora el sugo. Ma parchè in frigo? No saria meio magnarli? ;--D Scusa. Me xe scampà.
No xe urgente.



Avatar utente
babatriestina
Capo postin
Capo postin
Messaggi: 34421
Iscritto il: domenica 25 dicembre 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina » sabato 9 giugno 2018, 8:10

perchè con sto caldo i va magnai fredi e i devi asorbir i gusti. Schnittlauch no lo vedo sul pesse assai ben.
Qua la tradizion disi che el pesse devi nudar tre volte: nel mar, nel oio e nel vin. Ma pesse frito ingrassa e xe più pesante.
oio, persemolo e aio, diseva mia bisnona. Ma xe altra rizeta.


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » sabato 9 giugno 2018, 9:14

Grazie per la pronta risposta. Insoma se li pol magnar sia caldi che fredi. Go fato marenda in terazin, ma con l'ombrelon. Sicome che semo riparai, el ventisel, se el xe, el pasa davanti e noi no se acorzemo.



Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » domenica 24 giugno 2018, 14:21

Veneredi son 'ndà a crompar pese. branzin. Branzineto, de meno de mezo chilo. El mato me ga fato i fileti e anca la putela iera contenta. Ieri sera pedoci col vin bianco vardando la partida. Doiclan doiclan ecc. ecc.. Adeso go la panza piena, el bicer xe anca pien, ma no xe el primo, e vado a calarme. Calatevi anca voi. E bona domenica.



Avatar utente
Nona Picia
Capo postin
Capo postin
Messaggi: 10737
Iscritto il: venerdì 20 gennaio 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia » domenica 24 giugno 2018, 21:14

Bonanote Ciancele!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....

Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » domenica 15 luglio 2018, 19:52

Dopo magnà son ‘ndà a butarme come el solito e me go sveià de colpo (di soprassalto). Me go insognà de mia mama che la me diseva: Ciò, monna (con due ene, raforzativo), de solito la me diseva Cici, par cosa te go regalà el libro La cucina triestina de Maria Stelvio (VII edizion del 1952). No parchè te lo tegni in scansia (nello scaffale), ma parchè te impari a cusinar. Go dovesto darghe ragion.
Ieri ghe la go fata (sono riuscito) a trovar canoce. E le go fate come che disi una riceta in Youtube. Al forno. La Stelvio disi de meterle a boir sinque minuti in pignata e dopo col sugo de limon. Adeso studiemo de darghe la colpa a qualchedun o a qualchecosa: La riceta disi canoce freschissime, ancora vive. Ecco il segreto. Le mie i le devi gaver ciapade butando bombe de profondità come pai sotomarini. Ghe mancava ‘diritura tochi. Le canoce i le ciama anca mantidi marine e le xe predatrici e le xe longhe fina a 20 centimetri. Stavolta le mie devi eser stade ancora puteline (16 tochi = 800 g = 50 grami ogniduna) e le devi gaver scombatù contro i piranhas. E le le ga ciapade. Mi go cusinà i resti. Gusto de gnente. La putela me ga dà do fete de pan con un poco de formaio. Duro come che son farò un ultimo tentativo ala Stelvio. I poslije dosta je (e poi basta!).
Ogi go fato risoto coi caparozoli. Vongole veraci. Una volta le go fate coi bigoli (spaghetti) e no le me ga piaso tanto. I caparozoli ciamai arselle, quei più pici dele veraci e più grandi dele telline, ga un gusto più bon. Go fato prima el risoto secondo una riceta gnoca e po go zontà (aggiunto) i caparozoli. Se ben me ricordo, ma pol darse che sbalio, mia mama cusinava prima i risi e po la li meteva nel sugheto de caparozoli. Qua i rosti i risi e i zonta i caparozoli nei risi. Provarò ‘ncora una volta come che fazeva mia mama e ciolarò (userò) arselle. Mi le fazo coi bigoli e le xe comestibili.
Adeso vado a veder la partida. I sta sonando la Marsiliese e me go alzà. Francia, una del mie patrie. Douce France, le pay de mon enfance. Sicome che go anca un otavo de sangue croato baterò le man anca pai croati. Adeso savè parchè mi son l’omo dei otavi.
Bok. O anca sani.



Avatar utente
babatriestina
Capo postin
Capo postin
Messaggi: 34421
Iscritto il: domenica 25 dicembre 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina » domenica 15 luglio 2018, 20:45

Mi go fato strucolo de zarese. Ciliegie , insomma. Tre quarti de chilo che ghe go cavado el osso una per una e meno mal ch e le iera grosse. Po gavevo i diti blu.. Pasta tirada come che se devi... i amici, con tuto che iera sazi come porchi de un grigliada, ga netado tuto, contentissimi. gavevpo anch emi la Stelvio soto man, edizione XI 1972, fata rilegar che la se disfava,. de mama, che però no ghe piaseva ssai cusinar


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » lunedì 16 luglio 2018, 8:02

babatriestina ha scritto:
domenica 15 luglio 2018, 20:45
Mi go fato strucolo de zarese. Ciliegie , insomma. Tre quarti de chilo che ghe go cavado el osso una per una e meno mal che le iera grosse. Po gavevo i diti blu.. Pasta tirada come che se devi... i amici, con tuto che iera sazi come porchi de un grigliada, ga netado tuto, contentissimi. gavevo anche mi la Stelvio soto man, edizione XI 1972, fata rilegar che la se disfava,. de mama, che però no ghe piaseva ssai cusinar.
Bongiorno a tuti. Baba, par 'sti lavori se ciol guanti de goma usa e geta. Adeso qua xe stagion de sariese e le costa de 6 a 8 euro. De qua ai alberi xe 40 chilometri. E altri quaranta dei alberi a qua. I le vendi a sie euro. Ma bele grose, nere. Ogni tanto 'ndemo a ciorle. El mio Stelvio no par propio novo.



Avatar utente
babatriestina
Capo postin
Capo postin
Messaggi: 34421
Iscritto il: domenica 25 dicembre 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina » lunedì 16 luglio 2018, 9:30

sa che mi no rivo a lavorar coi guanti de goma. Po me lamento che go le onge rovinade e che la lacca no me tien.. qua le sarese va dei 4-5 euro al chilo in piazza ( vulgo Mercato coperto) fin a 10 euro nei boteghini.
Mi per no distruger el mio vecio Stelvio go una seconda copia, la version coi comenti dela Fast. El testo xe preciso, ma la ga zontado a volte i tempi e cossa che nassi se se prova col atomica


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 3689
Iscritto il: giovedì 28 luglio 2011, 22:30

Re: Cuciniamo? Oggi in Tavola!!!!!

Messaggio da Ciancele » lunedì 16 luglio 2018, 9:56

babatriestina ha scritto:
lunedì 16 luglio 2018, 9:30
sa che mi no rivo a lavorar coi guanti de goma. Po me lamento che go le onge rovinade e che la lacca no me tien.. qua le sarese va dei 4-5 euro al chilo in piazza ( vulgo Mercato coperto) fin a 10 euro nei boteghini.
Mi per no distruger el mio vecio Stelvio go una seconda copia, la version coi comenti dela Fast. El testo xe preciso, ma la ga zontado a volte i tempi e cossa che nassi se se prova col atomica.
I guanti de goma xe quei sutili, no quei grosi per lavar par tera. I devi eser compatibili coi alimentari, parchè i li dopra de solito in becherie (macellerie). Per un paese pien de sariese, come l'Italia, el prezo me par tropo. Ma qua in Germania gavemo tre o quatro regioni con piantagioni de sariese. Specialmente la Foresta Nera, sora Kassel, la Renania, Ockstadt (a 40 km de Francoforte) e una zona più picola a est de qua. Boteghini de verdura se pol dir che no esisti. Xe bancheti, ma no i pol cior prezi esagerati, parchè nisun comprasi e i andaria pintosto nei grandi magazini tipo PAM.



Rispondi

Torna a “El salotin”