Cuciniamo? Oggi in Tavola!!!!!

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: lun 11 gen 2021, 9:47 Xe anche le vongole surgelade... te ga fato in bianco o in rosso?
legevo su una guida de viaggi - che no podemo far- ocio al pesse de lunedì che no xe mai fresco, perché de domenica no i pesca. La pescheria vizin de mi de lunedì no verzi gnanca. Esisti comunque sempre i surgelati, però, e spesso xe assai boni istesso.
Xe un talian che vendi surgelade cola conchilia. Ma giusto una picola porzion. Za cote e spelade diversi i le vendi a pachi de un chilo. Qua, de una specie de grosista che vendi anca al minuto a prezi che se pol pagar sensa impegnar la machina, vado de martedi o de venerdi, parchè riva el camion cola roba fresca. Fresca par modo de dir. Roba nova. I caparozoli tipo arsele costa sui undise euro, quele veraci 13/14. In negozio 30. I spandi. Se go fortuna trovo anca canocete a meno de 30 auro. Bone per farle coi bigoli (spaghetti).
Mi go fato in verde, col parsemolo, ma sensa pomidori. Tuti disi che pese se fa sensa pomidori e sensa formaio.
Una volta son 'ndà de lunedi o martedi e i pedoci squasi i spuzava. Prima de meter sul banco la roba pena rivada i zerca de vender quela vecia. El mato - no gnoco - devi gaver vu pietà e el me ga dado roba fresca.
La nipotina più picia (ma la ga za presto 19 ani) la ga dito che la vol cusinar de novo con mi e la prenoto per venerdi e sabato. Sabato sera fazemo vignir anche mare e pare cola sorela e col can. Volaria far pedoci, sardele o sardoni impanai, sardoni in savor e sardoni distirai (alici distese). Cusì la gavarà de magnar anca par la domeniga.
Me par de gaver dito che mia fia ne ga dà do pacheti de rana pescatrice surgelada. Go ancora un pacheto e volaria far pese frito, ma con salsa tartara. Rana pescatrice, caramai, scampeti. Una fetina de limon e diti lavai: fingerfood. Cusì no se sporca pironi (forchette). ;--D


Avatar utente
babatriestina
senator
senator
Messaggi: 41492
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Rana pescatrice xe coda de rospo. Costa come oro, fresca. Surgelada no la me ga dado assai sodisfazion, la xe bona a cubetti in risotto, al forno, mi non fazo più tanto pesse frito, se no sardoni o barboni!
Qua el pesse xe fato spesso in bianco o in rosso, mi trovo i caperozzoli surgelai senza conchilia, che te paghi quela.. l'altro giorno iero in tratoria e i me ga dado gnochi de pan con sugo de branzin, iera sugo rosso, gnente mal, In genere pesse col pomidoro xe cusina de Tirreno , o del sud del a Francia, ma se te pensi el brodeto..
legevo una guida che diseva mai ordinar o comprar pesse de lunedi, che el giorno prima no i pesca
Allegati
gnochi.jpeg
gnochi.jpeg (47.83 KiB) Visto 2302 volte


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: lun 11 gen 2021, 20:48 Rana pescatrice xe coda de rospo. Costa come oro, fresca. Surgelada no la me ga dado assai sodisfazion, la xe bona a cubetti in risotto, al forno, mi non fazo più tanto pesse frito, se no sardoni o barboni!
Qua el pesse xe fato spesso in bianco o in rosso, mi trovo i caperozzoli surgelai senza conchilia, che te paghi quela.. l'altro giorno iero in tratoria e i me ga dado gnochi de pan con sugo de branzin, iera sugo rosso, gnente mal, In genere pesse col pomidoro xe cusina de Tirreno , o del sud del a Francia, ma se te pensi el brodeto..
legevo una guida che diseva mai ordinar o comprar pesse de lunedi, che el giorno prima no i pesca.
Lunedi e pese va ben dove che el pese xe fresco. Me ricordo che ierimo in ferie in spiagia e mia mama e mi 'ndaimo ale 7 de matina al porto e compraimo el pese dele barche. Qua el giorno no importa. El pese xe in iazo tuta la setimana. Xe un che vien de Amburgo el mercoledi e torna a casa el venerdi. Se te compri de giovedi inveze che de mercoledi xe solo un giorno de iazo de più, ma sempre iazo. Prezi no de coperativa, ma che se pol pagar, e roba bastanza bela. I cosideti filialisti, tipo PAM ecc., vendi la coda de rospo tra 30 e 40 euro. Altri, che spandi, tra 50 e 60. Ma a mi me interesa i caparozoli surgelai, sensa conchilia. Qua i xe pici, medi e grandi. I medi va ben. Te ga provà a far? Funziona? Grazie par l'informazion. In conchilia se meio se se fa al vin bianco, magari con pedoci.
Baba, qua neviga e ogi devo 'ndar fora a cior pan e qualche altra robeta. A pie gnanca de dir. In machina, go trazione anteriore, ma spero che soto mezogiorno le strade principali sia un poco nete.
Una buona giornata a tutti.


Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Ieri son 'ndà cola putelina (nipotina) a cior pese. Gavemo netà i pedoci e i sardoni. I pedoci li gavemo fati al vin bianco e i sardoni in savor. Gavemo fato do piadine, una par i veci e una par portar a casa e far veder quel che la ga fato. Ogi la xe vignuda solo a magnar e go fato un per de sardoni inpanai, un vinti pedoci gratinai e pomo al forno, con l’uvetta e rum e salsa alla vaniglia. No gaveimo più fame par i caparozoli e li farò domani coi bigoli. Ghe ga piaso tuto e forsi tra do setimane la vegnerà de novo e faremo sardele inpanade. Go visto bele sfoie. Purtropo i sardoni i iera veramente menole. Meze. Come ga dito Baba Triestina? Rachiticucci. ;--D Ma volaria ‘ndar de un grego che ga anca bela roba e anca parchè là vizin xe un croato e no iero mai drento (parchè no go mai trovà posto par la machina). Forsi el ga un bon parsuto domačo. Par bever go ciolto Fazi Battaglia, ma anca i bianchi tedeschi no i xe de butar via. Insoma no morirò de sede. E gnanca la putela. Sani.


Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Qualche giorno fa go magnà pasta e fasoi, naturalmente cole crodighe. Iera tanto che no magnavo una cusì bona. La putela ga dito che no la ga ciolto fasoi in scatola, ma la ga meso in smoio fasoi sechi. Mi go dito che le crodighe iera diverse, penso solo San Daniele e Parma. Gnente parsuto gnoco o spagnol. Le crodighe iera tante, con tanto graso e anca parsuto. Insoma signore crodighe. Xe restà un piato che go magnà sabato a pranzo. Ierimo a far la spesa. Semo tornai a casa verso le tre e la me ga scaldà el pranzo. Ma, xe questo che volevo contarve, gavemo una zaia de crodighe za cote. Ghe go dito de meterle nel freezer in do porzioni. Ciogarò una porzion e la farò cola polenta, po ve contarò. Le crodighe le go ciapade intun altra botega magazin, andove che go crompà el sugo de caparozoli za pronto, bastanza bon. Cusì podarò cior el sugo e domandar la carità de crodighe. Tanto i le buta via. Ma no son l’unico che le domanda. In internet go leto tante ricete de cotiche in umido, fasoi e polenta. Mama le fazeva relativamente speso e la fazeva contenti pare e fio. Mio fradel e mama i magnava, ma no cusì volentieri come mi e papà.


Avatar utente
babatriestina
senator
senator
Messaggi: 41492
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Mi me ricordo solo c he nono parlava assai de crodighe, ma se riferiva sopratutto a persone.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

La parola “crodiga” la ga sicuro diversi significati. Oltra che par dir de qualche “simpatica vicina”, la crodiga iera anca un impermeabile sporcheto. Ma in cusina la crodiga xe la cotica. E gnente altro. Se te vedesi quante ricete xe in internet, de crodighe (cotiche) con fasoi e polenta. Co’ le xe cote, bisogna netarle un poco tirandoghe via el graso de tropo. Se fa un disfrito con farina e se addensa il sughetto. A noi ne piaseva ‘sai. In guera, a Trieste gaveimo fasoi. Una volta, lavoravo ala Adria Zeitung, go dovesto ‘ndar in Furlania (Friuli) e un colega me ga l’indirizo de un suo amico che me ga dà un saco de fasoi. Po gavemo diviso, parchè no go pagà gnente. Go dovesto però strasinar un saco de 50 chili fina a Trieste. Gavevo solo 17 ani, ma iera dopo la Tot (organizzazione Todt), dove che gavevo fato muscoli. A Piran, dove che stava mia zia, i gaveva ‘sai farina bianca. Co’ iero là se magnava ogni giorno pasta fata in casa.
Co’la barca papà ciapava menole. Qualche volta anca più de 3 chili. Mama le fazeva frite e el resto in savor. Dopo radicio e fasoi con aio. Forsi do foie de rucola. Ani fa son vignù a Trieste con mio zenero (e clapa). A Muia gavemo magnà pese e radicio. De quela volta no ocori sforzarlo parchè el vegni a Trieste. El va subito sula strada del vino cole osmize o sule rive.
Con questo volevo dir che el mondo no xe fato de fileti di manzo, ma anca de tanta altra roba che costa de meno e (forsi, question de gusti) val de più. Domandeghe ala putela cosa che la pensa de un sanduic de crudo col cren. La disi sicuro che xe un schifez e che do sanduic xe roba bona. :doh_143:
Me go sfogà. Scusè.


Avatar utente
babatriestina
senator
senator
Messaggi: 41492
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Fin che ierimo giali podevimo andar in cafè o baretto e ordinarselo.. che po tuti ah oror assembramento ai Speci! e noi dozento metri più in la el bar tuto per rnoi..
Immagine


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: lun 15 mar 2021, 16:02 Fin che ierimo giali podevimo andar in cafè o baretto e ordinarselo.. che po tuti ah oror assembramento ai Speci! e noi dozento metri più in la el bar tuto per noi..
Immagine
Gavevo in cantina ancora do ioze de arcivernice Lambichi, ma no le go trovade. Zercherò avanti. :cheezy_298:


Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Me par he ve go contà che go crompà de un talian una scatola de zupa di pese surgelada. La go fata ieri a mezogiorno e ieri sera la go butada in scovazon. La go stricada dela mia lista. Mai più. Ma una volta la putela ga fato roba gnoca e no iera mal. Che esperienza gavè voi? Forsi iera la marca che no 'ndava. In botega se trova zuppa di pesce surgelada, marca gnoca. Grazie per un consilio.


Avatar utente
sono piccolo ma crescero
cavalier del forum
cavalier del forum
Messaggi: 8733
Iscritto il: ven 11 mag 2007, 14:08
Località: Trieste

Re: Cuciniamo? Oggi in Tavola!!!!!

Messaggio da sono piccolo ma crescero »

Ciancele ha scritto: ven 19 mar 2021, 11:57 Me par he ve go contà che go crompà de un talian una scatola de zupa di pese surgelada. La go fata ieri a mezogiorno e ieri sera la go butada in scovazon. La go stricada dela mia lista. Mai più. Ma una volta la putela ga fato roba gnoca e no iera mal. Che esperienza gavè voi? Forsi iera la marca che no 'ndava. In botega se trova zuppa di pesce surgelada, marca gnoca. Grazie per un consilio.
Mai comprà gnente del genere, me dispiasi.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Beato ti! :clapping_213: Ani fa ierimo a Gent, in Belgio, e semo capitai in un enorme magazin, con pescheria. I gaveva una zaia de piati pronti da fare con pese e un venderigolo ghe gà regalà ala putela un scampo. De morir de l'invidia a veder 'sta grazia de Dio. In TV i ga mostrà una volta la pescheria de Cioza (Chioggia) e pescherie in Spagna, Francia e Italia. Noi qua semo pezo che in paesi quinti o sesti. Par via del Covid no se podemo mover, ma volesimo far un scampon in Francia. Forsi co' farò i zento. ;--D


Avatar utente
babatriestina
senator
senator
Messaggi: 41492
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Mi no son appassionada de zuppa de pesce, spesso xe solo che spini. E co la go fata mi, senza spini, ma cola rizeta che prima se frizeva un poco, me xe vegnudo una roba pesantissima pel fegato. me xe restado sul stomigo anche perfin a mi.
In pescheria qua i ga spesso un cantonzin de pesse pronto per far brodeto de pesce. Mi go provado una volta una pronta, sarà stada findus.. senza infamia e senza lode.
Ogi venerdi de quaresima go dito fazo pesse, fazo sardono. friti che xe ormai 5 mesi che no li fazo. In pescheria vizin de casa mia, una fila cussì fora, anzi tre file che no se capiva chi iera prima e chi dopo... perchè dentro no pol star che 4 o 5 persone.. e spetar un bon quarto de ora che po magari una volta dentro i sardoni no xe? son andata a quela dopo in piazza Garibaldi: una sola persona dentro: in bela vista bei sardoni, a 15 al chilo!!! e in canton quei de rede a metà prezzo, mezo chilo dei cari, crepi l'avarzia. Solo friti senza impanar, ma boni, dolzi..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Te ga ragion. No solo xe spini ma no i sa gnanca cusinar. Una volta, cenone di San Silvestro intun bon albergo in Baviera, i ga scrito mal el nome e mi go dito che se no i sa scriver el nome, no i sa gnanca cusinar. I me ga dito cativo, ma naturalmente go vu ragion. I ga dà un toco de pese leso con una brodalia. I cusina el pese intuna pignata e el brodo intun altra. I misia dopo nel piato, cusì no ga gusto de gnente.
Nele ricete par gnoco xe pese de prezo baso, tipo merluzo o eglefino con carne no bianca, e pedoci. Inveze nele ricete par talian xe trilie, scarpene, code de rospo, bisati, mazancole, caparazoli e pochi pedoci. Roba che costa.
Qua trovo Findus forsi del talian dela mortadela, ma 25 chilometri de machina. Tochi de pese i vendi per far el pese in farsora, ma no so se va ben in brodo. Par la zuppa di pesce xe pacheti de circa 30 o 40 deca de roba gnoca. Forsi zontando qualche robeta se pol governar. Provaremo.
El fato xe che no moro se no magno zupa di pese, ma gnanca no gomito. (Qui devo una spiegazione per i non autoctoni e per autoctoni giovani. La contrapposizione di due estremi: mangiare e rigettare, era un modo di dire molto usato ai miei tempi, cioè una settantina di anni fa. Ma forse solo in ceti più bassi. Con questo modo di dire si intendeva esprimere che per una zuppa di pesce non si fanno migliaia di chilometri, ma che il piatto non è assolutamente malvagio e può dare soddisfazioni).
Qua se trova solo sardoni de rede, in condizioni pietose, i sardoni, a circa 5/6 euro al chilo. Ieri iera qua la putelina e la ga dito che sabato la vien e che faremo de novo sardoni in savor, che ghe ga piaso a tuti, e dopo forsi un per de sardele impanade. Roba semplice e anca facile de far, sensa dover tanto studiar.


Avatar utente
babatriestina
senator
senator
Messaggi: 41492
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

ben bon semo in quaresima , anche se tuti xe a incoconarse de ovi, pinze, colombe..

un per de rizetina facili facili e svelte per la pasta, gnente de famiglia, adattade de roba trovada su internet:

pasta al sugo de branzin
go ciolto due filetti de branzin surgelai, cussì no go de sfiletar de pensar ai spini, anche se perdo el eventual fumetto d e pesce. Lo go passai do minuti in microonde per cavarghe la pelle. Messo un poco de oio in fersora, un spigo de aio e un poco d e peperonzin, lo gavevo in polvere pronto, po go messo un 5 -6 pomidorini pici taiai a metà, li go lassai fin che no i xe deventai teneri, e gavevo sfumado con un poco de vin bianco... co la pasta iera quasi cotta, go zontado i filetti de branzin, li go lassai finir de cusinar missiando e rompendoli a tochi, go butado la pasta cotta, fato saltar un poco e.. come in ristorante o quasi! (nb tristezza Clai xe serado per quarantena..)

ogi provo una rizeta de pasta con spinaze e ricotta, ve conterò

per doman pasta col sugo de articiochi:
bisogna gaver el passaverdura quel coi busi più larghi che taia un poco le verdure, se no no xe gnete de far, ( forsi frular e po passai con bus larghi..) Se neta un per de articiochi, se li taia a fettine bastanza sutili e se li lessa, anche a pression, che i deventi morbidi. po se li passa in fersora con oio persemolo e aio che i deventi onti de olio e se passa col passaverdura che go dito. tute le fibre dei articiochi resta nel passaverdura e vien zo un passato otimo per condir la pasta, ma anche per meter in basciamel per pasticcio de lasgne..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: gio 25 mar 2021, 10:39 ben bon semo in quaresima , anche se tuti xe a incoconarse de ovi, pinze, colombe..

un per de rizetina facili facili e svelte per la pasta, gnente de famiglia, adattade de roba trovada su internet:

pasta al sugo de branzin
go ciolto due filetti de branzin surgelai, cussì no go de sfiletar de pensar ai spini, anche se perdo el eventual fumetto d e pesce. Lo go passai do minuti in microonde per cavarghe la pelle. Messo un poco de oio in fersora, un spigo de aio e un poco d e peperonzin, lo gavevo in polvere pronto, po go messo un 5 -6 pomidorini pici taiai a metà, li go lassai fin che no i xe deventai teneri, e gavevo sfumado con un poco de vin bianco... co la pasta iera quasi cotta, go zontado i filetti de branzin, li go lassai finir de cusinar missiando e rompendoli a tochi, go butado la pasta cotta, fato saltar un poco e.. come in ristorante o quasi! (nb tristezza Clai xe serado per quarantena..)
Go zontado i fileti de branzin.
Se go capì ben, te ga meso i bigoli nela padela del pese e te ga finì de cusinar.
Mi fazo cusi coi caparozoli (vongole), parchè che i bigoli ciapi meio el gusto del sugheto.

Mi ciogo una farsora a bordo alto tipo wok. Par via che i bigoli co' i salta no i salti ..... ;--D ;--D


Avatar utente
babatriestina
senator
senator
Messaggi: 41492
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

se fa quasi sempre cussì cusinando, butando la pasta, scolada nela fersora del sugo. E se xe un fil de acqua, se suga subito. Fersora tipo wok no me va ben, perchè la devi gaver fondo piatto per cusinar el sugo. Wok xe bon per cusinar cinese, tuto a tocheti e te fa saltar de furia.
ogi la pasta la go fata a man, un quarto de farina integral e tre quarti bianca, un poco meno lissia e più fadiga a masinar, po go fato el sugo,. un fondo de semi de fenocio, po oio e spigo de aio po cavado, spinazete lavade , butada la pasta nele spinaze co le xe andade insieme e ala fin zontado un gran cuciar de puina ( che saria ricotta che molti no sa più). Una missiada..e iera fato!


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4757
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: gio 25 mar 2021, 18:30 se fa quasi sempre cussì cusinando, butando la pasta, scolada nela fersora del sugo. E se xe un fil de acqua, se suga subito. Fersora tipo wok no me va ben, perchè la devi gaver fondo piatto per cusinar el sugo. Wok xe bon per cusinar cinese, tuto a tocheti e te fa saltar de furia.
ogi la pasta la go fata a man, un quarto de farina integral e tre quarti bianca, un poco meno lissia e più fadiga a masinar, po go fato el sugo,. un fondo de semi de fenocio, po oio e spigo de aio po cavado, spinazete lavade , butada la pasta nele spinaze co le xe andade insieme e ala fin zontado un gran cuciar de puina ( che saria ricotta che molti no sa più). Una missiada..e iera fato!
Mi volaria provar a far la pasta in casa ala svelta con una porzion de diese deca de farina. Provarò una volta senza ovo e una volta con un ovo. Pensavo de impastar col ganzo eletrico a man, no planetaria, che no go. Ma farò a man, pensando de dover netar tuto par diese deca de roba.
Te ga ragion che el wok no va ben. Mi go una padela larga de 28 centimetri de diametro. El wok lo ciogo par frizer in tanto oio patate e pese. Funziona meio de una pignata.
Mio cugin fazeva pasta solo a man, anca tortelini. El contava che el cioleva sempre farina bianca misiada con semola.
El sugo par la pasta qua i lo fa squasi solo con carne. Una volta, su sugerimento de Nonna Ivana, go ciolto melanzane e zuchini. Veramente bon.
El problema xe che se volaria provar a far tanta roba, po par una ragion o par l'altra se casca sula bolognese. Ma anca sugo de arosto no xe de butar via. Domandighe a mio zenero. :clapping_213:


Avatar utente
babatriestina
senator
senator
Messaggi: 41492
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Diese deca de farina, un ovo e un cuciar de oio e vien pasta perfeta. Se impasta prima cole man e po cola machineta coi ruli a man,. No ocoro eletricità.. tuto mecanico! xe fatto in diese minuti. Per mi senza ovo xe meno bon. prova e sapime dir.
Qua adesso xe de moda tanti sughi senza carne.. con verdure, altro asai comodo xe pomodoro e tono, te scaldi insieme una scatoleta de tonno e passata de pomidoro e te condissi.
Fazo anche tortelini e ravioi, ma no i vien ben come quei che fa Nonna Ivana che ste robe le fa fin de pice.
E bigoli cole sardele? un per de sardele de vaseto, te disfrizi in oio.. e te ghe buti dentro la pasta cotta.


"mi credo che i scrivi sta roba per insempiar la gente" ( La Cittadella)
Avatar utente
Elisa
Eximio
Eximio
Messaggi: 3751
Iscritto il: dom 10 feb 2008, 17:27
Località: Argentina

Re: Cuciniamo? Oggi in Tavola!!!!!

Messaggio da Elisa »

NON è mai tardi per imparare e trasmetto questo con un po' di vergogna.
Mahhh!
OGGI scorgo per la prima volta l' immagine, ossia che vengo a conoscenza, della pasta italiana "garganelli" e dimostrazione della medesima fatta in casa, come pure della ricetta della salsa "scarparo".
Da non credere, due specialità italiane (o con nome italiano!) -per me novità- alle quali mai ho avuto occasione di conoscenza e avvicinamento. Ne sono meravigliata, sembrerei venuta fuori dalle tane!
Comunque mi dichiaro soddisfatta della novità, della scoperta e dell' insegnamento!


"Todo lo bueno me ha sido dado"

Torna a “El salotin”