Semo in autuno

[sum culex]

Ogi (19 otobre) nonstante el poco sol go fato un per de foto in giardin: alcune piante va in semenza e altre se prepara adiritura peer la prossima primavera.

El bacello dela Bignomia radicans (xè la prima volta che vedo el fruto de sta painta, el ghe somiglia ai bisi, ai fasoi o simili, ma bastanza più grande)

[sum culex]

[sum culex]

El Symphoricarpus recemosus ga fato i fruti bianchi a gapoli

[sum culex]

Xè ancira qualche fioreto che oramai penso sterile






I disi che xè un'otima pianta per le api

[sum culex]

I 'fruti' dela Bletilla
(per babaTS: no me son dimenticà de ti, speto solo che le zivole se maturi e ingrandisi fin che le foie se suga)



Fra un poco de tempo i se verzerà lassando vignir fora le semenze vere e proprie



La Betulla sta preparando i fiori per la prossima primavera






Ciao
sum culex

[babatriestina]

Qua n mia terrazza xe ancora i ultimi fiori, i lithops (sassi viventi) fiorissi in bianco ma se verzi solo se ghe xe sol

in fior de un per de mesi xe i ciclamini de l'anno scorso, anche le le cagoie ga zercado de magnarseli un poco

le mente ( mentha rotundifolia) fiorissi con ciuffetti lilla in sta stagion, le xe piutosto infestanti, ma in sto periodo le ga sti cocoli fioretti: la piperita ga più bon profumo de menta, ma i fiori xe meno bei

[babatriestina]

sta cominciando a fiorir le genziane, che go de un per de anni


comincia a prepararse la fioritura dei crisantemi e anche de questo loro parente ( e delle margherite) che fa ciuffetti de fioretti gialli ma ga ste foie decorative

( go ricevudo un vasetto diversi anni fa, se no la tegno a fren la me colonizzassi tuto el prà!

[babatriestina]

ancora in fior el melograno nano

che però ga anche qualche fruttisin
( le mie piante de melograno xe nate tutte de semi regalai de un amico che ga ste piante in suo giardin)

xe la stagion dei frutti, el pometto nano de fior ga fatto dei pici pometti, li lasso se li vol magnar i useletti

[babatriestina]

per quei che ghe piasi i pyracantha, mi ghe ne go un rosso, che no fa assai frutti, ma ga un gran bel color

po un a bacche gialle, che invece xe più vigoroso, mi li tegno nela speranza de far una siepe che ripari un poco della bora

qua i xe missiai con un altro arbusto a bacche rosse, che go fatto salir sule redi de contorno

[babatriestina]

eccole qua ste bacche, ma el vero rosso ga ancora de vegnir, durerà tutto l'inverno

un stropac.. ehm cinorrodo della rosa rampicante

queste bacche blu no xe mirtilli, ma i frutti del mirto

[babatriestina]

el rosmarin fa ancora qualche fioretto, cossa, el credi che sia primavera?

anche la bergenia credi che sia primavera e prepara i fiori rosa

queste balette tonde sul ramo xe le gemme de fior del calicanthus, che fiorissi profumatamante in gennaio -febbraio

[babatriestina]

per le foie gialle e rosse xe de spetar ancora, la sola che ga cominciado xe el evonimus alatus, che comincia a arrossar le foie

Melusina la gatta "libera" che me ga adottado, del suo cuscin sula panca, sovrintendi

[sono piccolo ma crescero]

Siccome no vedo nesuna foto mesa con imagestime, provo a fregar webshots e vedemo se me vien fors una foto più grande de 600x450. La meto qua, perché la podesimo ciamar

"Verso l'autunno"



Se vedi la giunta?

[babatriestina]

imagestime xe.. in sciopero, ma sta foto la vedo e no se capissi gnanca se la giunta xe orizzontal o vertical..

[sono piccolo ma crescero]

Verticale, a metà della foto. Basta farghe clic sora e te se verzi le due metà separade. Cusì, visto che no i vol una foto de 800x600 i ghe ne ga due de 400x600. Contenti lori!

[sum culex]

Se vedi la giunta?

Go provà a guardar con atenzion: la zonta no la go trovada; la giunzion xè perfeta.
Che la zonta fussi stada verticale iera facilmente intuibile dala forma dela foto; deduzion confermada, oltre che dala tua risposta, anche dal risultato dei clik sule due parti.
ciao
sum culex

[babatriestina]

me son accorta anche mi, ma solo clicandoghe sora, però me par un poco macchinoso..

[sono piccolo ma crescero]

Mi go un programma, ma lo pol ver tuti perché el xe gratis, imagemagick che fa tuto a riga de comando. Mi go scrito su un testo le operazioni che voio che el fazi, meter la scrita, scalar a 800, e adeso taiar in due, e lui me lo fa in auomatico e sveltisimo.

Purtropo el metodo funziona solo co le foto orizontali. Quele in pie no perché tra le due foto el forum meti una righeta svoda. Per no verlo ghe voleria che ffdt ne abiliti 'l HTML, ma no'lo farà mai, perché el saria mato a farlo (e no credo che el lo sia). Se el ne lo abilitasi, infati, podesimo futizarghe tute le pagine del forum in due e due quatro, quindi ...