Ghe ne gavemo za parlado, forse sul vecio forum ...
Non go le nozioni adatte per parlar de medicina, ma posso meter una "pulce" e incuriosir qualchidun.
Provè a digitar sul vs. motor de ricerca
cloridrato di alluminio cancerogeno
... e buona ricerca. Alcuni grida alla bufala, ma el mio suggerimento xe solo quel de informarse: non costa gnente e pol vignir utile
So che esisti queste bufale, lo go scritto subito e non volevo allarmar nissun.
Go voludo comunque riportar 'sta roba perché anche siti sufficientemente seri non escludi a priori effetti nocivi e rimanda a prossimi esami de laboratorio.
se andemo alla lista de tuto quel che podessi esser potenzialmente cancerogeno,e evitemo tutto, morimo de fame, de sede e probabilmente anche de mancanza de respiro.
In realtà, cicole ciacole, cossa che provochi i vari cancri no se sa ancora. A mi, che go avudo un per de casi de tumor al seno in famiglia, i me varda de venti anni a questa parte come una morta vivente, come a dir No ghe xe vegnudo ancora? ben, basta che la spetti.. spetemo, basta che me vegni dopo che sarò za morta de veciaia...
in genere, comunque, al de là de sta roba, meo doprar deodorante più che antitraspirante. Semai importante xe doprarlo per bon el deodorante, che ancora xe chi che disi che per esser "veri omini e vere donne" ghe vol spuzar un poco soto scaio, che xe afrodisiaco. Giuro, go visto anche su libri recentissimi del tipo Come essere sexy... bleahhhh
"mi credo che i scrivi sta roba per insempiar la gente" ( La Cittadella)
Oltre a conoser ben el tema e anche el setor, go i miei punti de vista.
Ciolendo come spunto el cloridrato di alluminio, principio ativo antitraspirante utilizado praticamente in tuti i desodoranti in giro per el mondo, prodoti dale grandi ditte del setor cosmetico.
Xe un prodoto chimico come tanti altri, che in qualche modo o in qualche momento se associa alle celule dela pelle umana svilupando o meno una reazion chimica. Questa, a seconda dela persona, pol sviluparse o meno in un posibile tumor, in una fastidiosa alergia, o pol anche no suceder niente.
Personalmente zerco de star el più lontan posibile dai prodoti chimici, nel senso de no doprarli come cosmetici, e no ingiotirli come alimenti. Nel mondo de ogi no xe facile, ma con un poco de sforzo se riva a ridur l'inquinamento del'organismo.
Ogni luogo è Patria mia, perchè da ogni luogo posso vedere il cielo - Seneca.
Alla scienza unisci la carità, e la scienza ti sarà utile, non da sola, ma a motivo della carità.
Mi go a casa due deodoranti, no meto marche
Sul primo che mi no dopro xè scrito 'deodorant' DRY e xè roll; questi xè i ingredienti: Acqua, Alluiminium Chloro-idrate, PPG-15 Stearyl Ether e ben altri 9 composti chimici che no ve elenco.
Sul secondo che xè quel che uso magari solo d'estate xè scrito. Deo-Vapo no gas e tra l'altro: non impedisce la naturale traspirazione; meto tuti i ingredienti anche se xè una roba longa: Alcohol, Aqua, Triethyl Citrate, Etoxydiglycol, Peg-40, Hydrogenated castor oil, Prfum, Triclosan, Bht, Methylcholoisothiazolinone, Methylisothiazolinone.
So che a nissun, come del resto anche a mi, sto elenco no ghe disi gnente, ma lo go messo per saver se qualchedun sa dirme se anche in questo, che no ga aluminio cloroidrato, ghe xè qualcossa de velenoso, perechè in sto caso preferiria un poco spuzzar e un poco lavarme
ciao
sum culex
Zerco de dar uma spiegazion semplice tanto per ‘sciarir e spero aiutar. Come sucedi con altri cosmetici e anche con le medicine, un prodoto xe composto da uno o più principi ativi e altre sostanze che forma tuta la miscela. Tecnicamente el Deodorante xe diverso dal’ Antitraspirante. El primo te lassa sudar, però nol te lassa spuzar, per questo deodorante; el secondo no te lassa sudar, o almeno no in ecesso, e alora se ciama antitraspirante.
La diferenza tra i due xe el principio ativo.
El deodorante ga el Triclosan o Irgasan, a grosso modo, un etere tricloro idrossidifenila. Xe un prodoto antisettico eficace contro batteri gram positivi e gram negativi, oltre a esser eficace contro funghi e muffe. Te lo trovi in formolazioni de dentifrici, saponete, lozioni e soluzione per profilassia chirurgica.
L’antitraspirante, come principio ativo ga el cloridrato de alumínio ( un sal inorgânico ), la cui funzion xe de far strenzer fin stropar i canali sudoripari, atraverso l’acidità del prodoto, el cui Ph gira intorno a 4,5. El processo de sudorazion torna al normal, quando le celule se rinnova atraverso el processo normal de rigenerazion.
Fin al momento, no existi evidenze che el cloridrato de aluminio pol causar dano ale celule, però se sconsiglia l’uso se la pelle ga iritazion o ferita.
Dunque, col deodorante te bagni la camisa ma no te spuzi, oltre a esser meno agressivo con la tua pelle. Con l’antitraspirante, no te se bagni e nianche te spuzi, ma forsi la pelle, a seconda dela sensibilità pol sofrir um poco.
Senza voler tirarla longa. Per esempio, tanto la metilisotiazolinona come la metilcloroisotiazolinona, xe due conservanti batteriostatici del prodoto, e se li trova in tuti i prodoti cosmetici, oltre che nele medicine. Tempo fa se doprava ‘ssai el metilparabeno insieme col propilparabeno.
Ogni luogo è Patria mia, perchè da ogni luogo posso vedere il cielo - Seneca.
Alla scienza unisci la carità, e la scienza ti sarà utile, non da sola, ma a motivo della carità.
