Barcola inizio 900

[Bilbo]

un per de cartoline inizio secolo....

[babatriestina]

la prima se la podessi confrontar cola foto che go postado sule foto, che xe de mio papà durante le seconda guera, a mi le me par ciolte più o meno del stesso punto e me par che grossi cambiamenti no sia stadi.

[Bilbo]

la go mesa aposta betta, e infati me le son vardade ben prima.-

[babatriestina]

E adesso te meto la mia de Barcola, che la devi esser circa contemporanea dela tua, ma colorada

[babatriestina]

E eco la variante a colori dela prospettiva dela tua secondaSe vedi ben el forte Kressich

[Bilbo]

scusa l'ignoranza, ma cosa xe el Forte Kressic?

[babatriestina]

Lo go scrito aposta cussì de sbriss, per veder se qualchedun me domandava
Xe el vecio forte austroungarico soto del Faro dela Vittoria, oviamente i ga fato anche aposta a meter el faro sora de un forte de quei che ga perso. Dovessi esser una scheda su Trieste nascosta. Credo che sia ancora zona militar, forsi visitabile, ma mi no go mai visitado ( El Faro, una volta sì. tanti tanti ani fa , de picia, me ricordo che me ga ssai colpido le grandi lampade)

[AdlerTS]

Lo gavevo za scritto su uno dei ultimi messaggi de TSmia: go portado mia fia a visitar el faro e se vedi che el forte xe abitado da custodi e da un associazion de radioamatori, o telegrafisti, scuseme ma non me ricordo ben. El paradosso xe che te rivi la, fora ste finestre del forte xe mudande e straze impicade, 7 o 8 auti, piscine gonfiabili per fioi, ma la tipa all'entrata me ga dito: lì non può guardare perché è zona militare !

[AdlerTS]

Se conossè la zona rivè ad intuir la curva de strada del friuli. Quel sul fianco xe el forte.

[AdlerTS]

Gnanche questa non xe mal

http://www.carantha.net/a9171090.jpg

anche se i la ciama Barkovle

[babatriestina]

e la me par assai de fantasia, almeno per l'aspetto dela cesa...