Australia

Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Australia

Messaggio da Coce »

Credo che questo topico sia un'ottima idea perche' al giorno de ogi semo
in tanti che per una ragion o l'altra gavemo dovudo lassar el nostro mondo
e sercar de viver altrove.
Quando che stavo per lassar Trieste un mio caro amico me ga dito: Ti te va in Australia ma te tornera' presto, perche' i Triestini no emigra, i Istriani si', i Furlani si', mano i Triestini! questa iera l'opinion de la gente in quela volta. Beh anche lui gaveva torto e nol se rendeva conto de quanto ferii noi ierimo in quel tempo (1952). Mi e Lui se gavemo tegnu' in contato per piu' de venti ani,fino ala sua morte, per posta, pero' lui no me ga visto mai piu'. Infati xe passai 42 ani prima che mi tornasi ne la mia Citta' natale. Anche qua' la vita xe stada grama a volte, ma no tanto grama come la'. Anche qua' uno pol seguir le proprie aspirazioni sia dal lato professional, de quel artistico, o quel del divertimento, e anche qua' xe dei bellissimi posti de girar e de veder.
Tuto sommato mi no me go mai penti' dela mia decision,anche se el trauma del distaco dela mia tera e dela mia gente xe sempre con mi.
vedemo se posso alegarve un panorama locale.
ciao a tuti Coce :-) :-)
Allegati
IMG Apollo Bay_0001.jpg


La vita
Piu' che la pendi
Piu' la rendi
Avatar utente
babatriestina
senator
senator
Messaggi: 41310
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Comunque me par un posto cocolo, estate, ah? zo de voi ?
qua tira una bora scura che no te digo..


Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Australia

Messaggio da Coce »

Ofro le mie simpatie per la vostra Bora, qua' invese xe sta' un caldo ecezional sto estate specialmente in Genaio che ga brusa' diverse case
e ga' causa' qualche vitima. Stemo avicinandose al'Autuno, la piu' bela stagion qua' nel Victoria. Con un'altra veduta, Ciao Elisabeta e tuti.
Coce :-)


La vita
Piu' che la pendi
Piu' la rendi
Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Australia

Messaggio da Coce »

Eco la foto ,una cascata nela foresta de Ottaway nel Victoria Ciao :-D
Allegati
IMG Ottaway Forest.jpg


La vita
Piu' che la pendi
Piu' la rendi
ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Credo che sia dificile de sielier se restar a caxa e viver malamente opur se andar a viver meio de un'altra parte e lasar tuto e tuti ... no volesi mai de dover decider un tanto ... e de un certo punto de vista ghe riconoso tanto coragio a cuei che i lo ga fato.

Mi conoso un per de lori che i xe tornadi indrio ... a dir el vero un solo el xe tornado indrio ... cuel altro el xe nato la` de genitori triestini che dopo i xe tornadi indrio ... ma lui el xe imigrado perche` no 'l iera emigrado, esendo nato la` ...

No so ... me ga sempre fato peca` el pensar a sta gente che ga fato fagoto cusi` in tanti ... vardando le foto de ste familie che se ga divixo me par che robe de sto tipo no gavesi de dover capitar ... capiso anche che c'o riva el momento no xe che se pol sielier ... un pol restar a viver malamente opur andarghe drio a una sua speranza ... no ga de eser facile

Me sento de volerghe dir grazie a tuti cuei che, almeno virtualmente, i torna per farne saver che i ghe xe ancora ...


Ciau

Franco


Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Emigrar

Messaggio da Coce »

Franco, el problema xe enorme, per i protagonisti el xe indescrivibile.
Fortunatamente la magior parte de quei che fa' el passo no i se rendi conto al momento de partenza le implicazoni de conseguenza, se guarda sempre le robe dal lato otimista, e guai se no. No xe un fenomeno novo,
L'Omo xe sempre sta' nomade, e credo che sempre el sara', ma ti te ga' ragion, no xe giusto che la gente sia costretta a lassar la propria tera per
via de tuti i difeti del sistema sociale che esisti dapertuto incluso Trieste.
La magioranza de noi ierimo poveri, e senza la possibilita' de alzar la testa, dal lato economico se gavemo sistema', pero' non si vive solo che di
pane, e questa xe la parte piu' dificile. Te ringrazio vivamente per el tuo pensiero per noi. Ciao Coce. :-) :-)
Allegati
IMGPort Phil. Bay Colin.jpg


La vita
Piu' che la pendi
Piu' la rendi
ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Re: Emigrar

Messaggio da ffdt »

Coce ha scritto:[...] non si vive solo che di pane, e questa xe la parte piu' dificile. Te ringrazio vivamente per el tuo pensiero per noi.[...]
Fusi bel che le robe le andasi ben per tuti ... so che no xe facile ma credo che sia posibile e vedo intorno de mi tante ocaxioni indove che cuei che i fa i podesi far meio ...

Come che gavevo avudo ocaxion de scriver piu` de un ano e mezo fa, el fato che de Trieste gabi dovesto andar via cusi` tanta gente ga lasado el segno ... sia in te i ricordi de cuei che i xe restadi sia in te 'l modo de viver che 'l xe stado misiado con cuel de cuei che i xe rivadi dopo.

No xe che me daghi fastidio cuei rivadi dopo, pero` me dispiaxi per cuei andadi via ... piu` che pasa el tempo e piu` me par che sia stada una perdita per cuei che i xe restadi.

Meno mal che almeno co' sti siti web rivemo un poco a meterghe un tacon :-)

Ciau

Franco


refolo

Re: Emigrar

Messaggio da refolo »

ffdt ha scritto:
Coce ha scritto:[...] non si vive solo che di pane, e questa xe la parte piu' dificile. Te ringrazio vivamente per el tuo pensiero per noi.[...]
Fusi bel che le robe le andasi ben per tuti ... so che no xe facile ma credo che sia posibile e vedo intorno de mi tante ocaxioni indove che cuei che i fa i podesi far meio ...

Come che gavevo avudo ocaxion de scriver piu` de un ano e mezo fa, el fato che de Trieste gabi dovesto andar via cusi` tanta gente ga lasado el segno ... sia in te i ricordi de cuei che i xe restadi sia in te 'l modo de viver che 'l xe stado misiado con cuel de cuei che i xe rivadi dopo.

No xe che me daghi fastidio cuei rivadi dopo, pero` me dispiaxi per cuei andadi via ... piu` che pasa el tempo e piu` me par che sia stada una perdita per cuei che i xe restadi.

Meno mal che almeno co' sti siti web rivemo un poco a meterghe un tacon :-)

Ciau

Franco


Scrivo anche mi do' righe riguardante l'emigrazion, xe sta' doloroso ancora adesso sponzi el cuor, e grazie a Dio gavevo possibilita' de comunicarme con mamma e papa', pena rivada ghe iera solo i telegrammi e a casa mia non gavevimo el telefono. Adesso se pol star gratuiti tutto el giorno col Skype, Spendo 3 volte alla settimana a parlar col resto della mia famiglia.
Condivido con Coce, nel lato de assimilarse qua', el perche' se anche vedi cossa chel ga' scelto per panorama ...EL MAR!
e quel qua' nol manca, tutto mondo xe paese, se te va' a Adelaide in South Australia, co se riva all'etezza piu' e meno de scender in citta', par de veder Trieste, meno el Castel beninteso......
A Perth ghe xe una sezion fantastica de spiaggia, mio mari' ga' ziga' corri che me par d'esser d'avanti a Grignan, insomma le fatezze xe piu' o meno
precise. Mi non son piu' tornada a Trieste, ma non rimpianzo che son qua'.
Go' la mia casetta e la mia famiglia sta ben semo sani e se tignimo in forma, e con l'eta' che avanza giornalmente parlemo senza filarghe su' ormai e' troppo tardi, per rimpianzer quel che gavemo fatto o quel che xesucesso ecc.
Ciao Refolo


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Re: Emigrar

Messaggio da ffdt »

refolo ha scritto:[...]Go' la mia casetta e la mia famiglia sta ben semo sani e se tignimo in forma{...]
Refolo, son contento che te gabi trovado una bona sistemazion pero` ... a leger sto tuo post me xe vignude le lagrime ...

Torno a dir ... meno mal che vivemo in t'un periodo indove che l'eletronica la ne consenti de eser un poco meno lontani anche se in realta` semo lontanisimi ...

Almeno cuel.

Ciau

Franco


refolo

emigrazion

Messaggio da refolo »

Non pianzer Franco....
Se te lo fa' vol dir che te son sensibile come mi. Dopo 51 anni in sta terra,
anche se miracolosa per mi' e con ste Olimpiadi per aria, che me ricorda quelle del 56 con la fia in brazo fora dell'arena a scoltar el Inno Italian..ogni volta chei ciapava una medaia....e dopo sentirte criticar, o umiliar che semo forestieri, o vegnir col manganel fora delle officine dove che lavoravimo a domandar che ghe demo la nostra paga? ghe voleria un'altra vita per scriver tutto. Ma la xe ancora dura, specie come spiega' sora diventemo veci e non ghe xe ritorno.
Mia fia vien a Trieste verso la fine o principio de Giugno-Luglio coopero anche mi' fin dei conti la me fa' 50 anni! voio che la vedi tutto quel che ghe gavemo insegna' mi e suo papa'. La parla l'Italian e triestin meio de mi'. Go dovesto a tartaiar coi mii veci, li go' fatti vegnir qua nel 61 perche' iero fia unica. Te capira' che missiar do' lingue senza impararla propriamente xe grave, anche se son stada criticada non me cambio con nessun. Ma devo dir che ghe xe tanto menefreghismo ancora a Trieste, che forsi la gioventu' noi sa' o noi ga' volesto scoltar mama e papa, come che gavemo fatto noi. Per noi iera tutto una giogada in strada e tutto passava, gavevimo tanti amici e tutti i vegniva a magnar a casa mia perche' nonna e mama cusinava ben. Qua' go un per (altri xe morti) che se conossemo da quando andavimo a scola. Mi forsi perche' son la piu' giovane i me tratta come una fia. I ricordi xe ciari, tutto d'avanti, foto,
cartoline, go' l'archivio meio che al Piccolo! Beh adesso me go' un pocheto sfoga', te lasso e grazie che te ga' acetta' la mia version senza critiche.
Maria


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Cara refolo,
mi iero picia co iera l'emigrazion verso l'Australia, ma me ricordo ancora ogi co xe partida l'amica de mia sorela con la sua famiglia, la tristeza che iera in casa. Son contenta che, nostalgia a parte, ti te te sia ambientada ben là, perchè senò saria tremendo.
Te auguro de esser sempre serena e in bona salute.
Ciao ciao


refolo

tristezza

Messaggio da refolo »

:'-( :'-( :'-(

Credo che Coce sia vegnu' via con l'aereo, perche nel 52 non iera navi
a Trieste. la prima xe stada nel 54.
e dimme come che se ciama sta amica? mi conosso tutti.
ciao Maria


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Re: emigrazion

Messaggio da ffdt »

refolo ha scritto:[...] grazie che te ga' acetta' la mia version senza critiche[...]
No ocori che te me ringrazi Maria ... son mi che te ringrazio che te ga contado cualcosa che te xe capitado a ti.

Ciau

Franco


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: tristezza

Messaggio da Nona Picia »

refolo ha scritto::'-( :'-( :'-(

Credo che Coce sia vegnu' via con l'aereo, perche nel 52 non iera navi
a Trieste. la prima xe stada nel 54.
e dimme come che se ciama sta amica? mi conosso tutti.
ciao Maria
L'amica de mia sorela se ciama Iolanda Mancinelli, sposada con Riccardo Baccotta che in Australia el ga cambià in Bayron. Lui xe morto nel 1965.
I xe partidi de Genova per Melbourne nel 1956, però dopo qialche ano che iera morto suo marì, ela xe tornada in Italia e la dovessi esser a Bergamo de suo fradel.
Xe anche un'altra collega de mia sorela che xe de quele parti: la se ciama Silvana Slobez in Marangon.Questo xe tuto quel che savemo.
Ciao ciao


palpio

Messaggio da palpio »

Go trovado sto biglieto de auguri per el Nadal 1955 che quattro amici gaveva manda a mio papa' da Melbourne, Mario's Restaurant, 198 Exibition St.
Le firme no le xe ciare, ma provo a decifrarle: Stelio (Plandini?), Arcobelli ?, Carlo Baldassi, Sergio Balleggi (?).
Purtropo no go altre informazioni.
Allegati
melbourne-small.jpg


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: tristezza

Messaggio da Nona Picia »

Nona Picia ha scritto:
refolo ha scritto::'-( :'-( :'-(

Credo che Coce sia vegnu' via con l'aereo, perche nel 52 non iera navi
a Trieste. la prima xe stada nel 54.
e dimme come che se ciama sta amica? mi conosso tutti.
ciao Maria
L'amica de mia sorela se ciama Iolanda Mancinelli, sposada con Riccardo Baccotta che in Australia el ga cambià in Bayron. Lui xe morto nel 1965.
I xe partidi de Genova per Melbourne nel 1956, però dopo qialche ano che iera morto suo marì, ela xe tornada in Italia e la dovessi esser a Bergamo de suo fradel.
Xe anche un'altra collega de mia sorela che xe de quele parti: la se ciama Silvana Slobez in Marangon.Questo xe tuto quel che savemo.
Ciao ciao

Aggiunta: te conossi un certo Fulvio Destradi e un certo Biagi?
Ciao ciao


refolo

triestini pel mondo

Messaggio da refolo »

Claudio Baldassi (R.I.P) Destradi? tanti, ma non se vedi piu' nessun al club de San Giusto.
Biagi go' inteso ma mai conossudo. Comunque quei che xe partidi da Genova nel 56 tutti xe andai a Sydney pel smistamento. Come per tutte le parti nel mondo bisognava aver santoli, ma se qualched'un te fazeva de garante, allora te podevi dopo vegnir a Melbourne col treno.

Per Bilbo!!!!

El Palazzo bianco drio l'orologio xe MYER Emporium un dei piu' grandi nella Bourke st. In fondo xe el Palazzo del Governo quelle 3 punte xe la Cattedrale de San Patrizio (tutti i Europei assieme anche a Triestini ga' lassa' l'impronte de qualcosa de bel).
El ristorante Mario nol esisti da oltre 30 ani, ma te posso garantir che la' in sta lunga via iera el raduno settimanale dei Triestini, Una cafetteria ciamada PELLEGRINI! speciale per caffe' e dolci, quella strada iera l'elite
dei cittadini, adesso te trovi anche negozi Vietnamesi da due dollari, niente da criticar ma la roba xe tutta made in Cina, con la convenienza che dopo un per de settimane te butti tutto in scovazzon.
ciao maria


Avatar utente
will
Naufrago
Naufrago
Messaggi: 16
Iscritto il: dom 1 gen 2006, 22:20
Località: fort lauderdale fla

Messaggio da will »

quala xe la cità australiana che gà più triestini ???? :-D :-D


dcobau
vilegiante
vilegiante
Messaggi: 92
Iscritto il: mar 3 gen 2006, 3:34

Messaggio da dcobau »

non credo che de sia statistiche ufficiali, cmq semo distribuidi in 3 citta magiori dell'Australia:

Melbourne
Sydney
Adelaide

Sydney e Melbourne ga sui 4 millioni de abitanti mentre Adelaide ga sui 2. Basandose su ste cifre diria che Adelaide xe la 3za in categoria. Adesso saria de decider fra Melbourne e Sydney. Mi son a Canberra che gavera, si e no, una 20 de Tsini ma, attraverso i Giuliani nel Mondo, se tinimo in contato con i club dele altre cita.

saludi

Dave


Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Ciarimento

Messaggio da Coce »

A titolo d'informazion, senza dubbio la magior parte dei Triestini se ga'
sistema' a Melbourne, la ragion xe abastanza semplice, Melbourne xe la citta' piu' industrial d'Australia, la xe come la Milano d'Australia, e Trieste
iera una citta' industrale. Mi conoso ben queste due citta' perche' go
abitado quatro ani a Sydney. Son vegnudo anche mi qua' con la nave
perche' a quei tempi in Australia se andava solo per via mare. Son vegnu'
con el sistema governativo Italian del I.C.L.E. Me son imbarca' a Venezia
su la "SAN GIORGIO" una vecia nave del Lloyd Triestino. Ciao a tuti Cesare. :-D :-D
Allegati
SAN GIORGIO.jpg


La vita
Piu' che la pendi
Piu' la rendi

Torna a “Triestini nel mondo”