Violenza contra Berlusconi

[Ursus Canadiensis]

Go dito tante volte che el compito de un leader, sia un diretor de una compania de dieci operai, un'azienda de duemila o el capo del governo de una nazion de sesanta milioni, xe de unificar la gente – quei che i ga votado per lui e quei che i ga votado contro de lui – in maniera che dopo un certo tempode eser stado insediado, diminuisi sostanzialmente el sangue amaro che esisti fra le due fazioni antagonistiche.

Berlusconi, dal miope agolo suo, el ga seguido senza tregua la politica de antagonizar quei che i ga votado contro de lui e de darghe più "velen" o bomboni, come che se vol ciamarle le grandiose idee de regali ai suoi eletori. L'elastico anche più dutile riva a un punto che el se sbrega. Quel punto, purtropo fra la gente che, o no sa esprimerse diversamente o perchè la xe rivada al fin dela pazienza, o magari perchè probabilmente la xe mentalmente instabile, vien speso tradoto in termine de ati de violenza. In seguito a un tale ato de violenza contro chi li ga antagonizadi, xe l'inevitabile resto de quei che no i ghe ne pol piu che, pena visto l'ogeto della loro rabia colpido, imediatamente i salta per aria dela gioja e i bati le mani come fiouuzi de cinque ani al'arivo de San Nicolò.

L'altra fazion, quela a chi el leader violentado per chi lui el xe l'idolo dela loro vita, no solo la condana la persona e el suo ato, ma imediatamente la eleva al propio idolo al alteza del martire eroe.

In ambi i casi l'azion xe tragica, inconclusiva nel senso che no la risolvi ne el pro ne el contra, ma specialmente danegiante, sia al'ideale che una nazion se poni davanti come specio dela propia identità che, e specialmente, per la futura unità e armonia dela quale la popolazion ga bisogno per poder portar avanti con suceso i afari dela nazion.

Mi no son, no son stado mai e no sarò mai più quel che se la fazeva adoso de tanto piazer de veder Berlusconi, come che tuti me se testimoni, ma sto ato che gavemo visto jeri lo trovo sai, ma sai triste. La mia sola speranza xe che adeso i media no i fazi una montagna de un saseto e in sta maniera, i danegi ancora de più la reputazion che l'Italia se sta guadagnando nel mondo.

Per concluder, me racomando che se qualchedun vol citar un esempio de stanpa, no scriver pagine de copia e incola. L'indirizo link de dove che larticolo xe reperibile basta. Me intereseria più sentir de qiel che pensè voi che el resto dei giornalisti e altre pegore nere.

Arnie

[babatriestina]

argomento che se presta a discussioni nei forum, che de solito finissi con ognidun che resta dele sue idee, dopo "scambi de vedute" spesso accesi.
Un solo comento podessi far, me spetavo più efficiente el servizio de vigilanza. Del resto, me piasi poco el tutto.

[Nona Picia]

Quel che penso mi xe che sia che me piasi sia che no me piasi el personaggio de turno, certe robe non dovessi succeder mai in un paese civile.Punto e basta.

[VetRitter]

argomento che se presta a discussioni nei forum, che de solito finissi con ognidun che resta dele sue idee, dopo "scambi de vedute" spesso accesi.
Un solo comento podessi far, me spetavo più efficiente el servizio de vigilanza. Del resto, me piasi poco el tutto.

ma, te sa, S.B. el gà sempre zercado il contatto con il publico, no xe facile anca con quatro o cinque guardie atorno tegnir lontano un mato, se chi che te devi proteger va a strinzer mani a destra e manca..
el Papa i lo fa viazar su un auto blindada, ale udienze la gente che va pasa atraverso tre o quatro controli de sicureza, e poi te gà visto che no i lo gà sburtà subito in machina e via, el gà voludo farse veder ancora in pie, che el ne piasi o no xe sicuramente un che sa comunicare quel chel vol, a chi chel vol..
senza voler prender parte per nisuna parte.
saluti

[AdlerTS]

[MOD] spostato [MOD]

[Bilbo]

a parte che el fato sia deprecabile de suo, me pongo un paio de domande....

perchè xe se rivadi fin a sto punto

e dopo qualche riflession....

posibile che la protezion no se gabi inarcorto prima?

posibile che proprio in quel momento e in quel posto no ghe sia stada nisuna telecamera uficiale o privata o anca un un telefonin che riprendeva (visto che dove el va lu, de telecamere ghe ne xe sempre a iosa)

e del fato che nol se gabi maciado el coleto dela camisa o la giacca, co tuto quel sangue che se vedi sul viso....


insoma de quesiti ghe ne xe tanti.

una sola roba xe certa, de sto fato se parlerà per tanto tempo, e se efetivamente fusi stada una roba preparada, alora andemo a ciorse un bel vaso de vaselina, che i se prepara per incularne a fogo....

[AdlerTS]

Secondo mi bastava la notizia e poi i bollettini medici. Poi doveva esser un problema della polizia. Tutte le ore e ore de TV che i ga montado intorno me annoia e basta.

[VetRitter]

Secondo mi bastava la notizia e poi i bollettini medici. Poi doveva esser un problema della polizia. Tutte le ore e ore de TV che i ga montado intorno me annoia e basta.

le fa "audience" e le fa vender giornai, semo ridoti cusì...
saluti

[Nona Picia]

Saìa ora che i cambiassi......

[Ursus Canadiensis]

a parte che el fato sia deprecabile de suo, me pongo un paio de domande....

perchè xe se rivadi fin a sto punto

e dopo qualche riflession....

posibile che la protezion no se gabi inarcorto prima?

posibile che proprio in quel momento e in quel posto no ghe sia stada nisuna telecamera uficiale o privata o anca un un telefonin che riprendeva (visto che dove el va lu, de telecamere ghe ne xe sempre a iosa)

e del fato che nol se gabi maciado el coleto dela camisa o la giacca, co tuto quel sangue che se vedi sul viso....


insoma de quesiti ghe ne xe tanti.

una sola roba xe certa, de sto fato se parlerà per tanto tempo, e se efetivamente fusi stada una roba preparada, alora andemo a ciorse un bel vaso de vaselina, che i se prepara per incularne a fogo....

Perchè xe suceso sto fato, Bilbo, me par che sia più o meno evidente. Quando che nela nazion un leader crea un scismo tale che ga creado el Cavalier e, inoltre a gaverlo creado, el continua a vantarse e a butarghe pevere nei oci de quei che no i xe dacordo con lui, prima o dopo sucedi qualche roba de grtave.

Dai filmini che go visto, un de quei, anzi l'ultimo che la CBC ga mostrado, dove che se vedi infati la statueta nele mani de Tartaglia, propio co' la vien scaliada e la colpisi el viso del Cavalier B., escludi a priori una mesa in scena. No – el xe stado efetivamente colpido, el ga perso un er de denti (ma i disi che la lingua la ghe xe restada intata, vada ti!) e doveremo pagar un per de Euro per ripararghe el naso e drizarghelo un antin, se no gavemo un viso de boxer per primo ministro.

Per quanto riguarda la vaselina, no meterla via, Bilbo; tienla calda e pronta, perchè pur esendo vero l'incidente, i lo usa e i lo userà per elegerlo al stato de martire e eroe e, co' tute le pecore xe tornade a casa, chi resterà fregado xe l'Italan nanele che continua a pagar le tase.

Ora pro nobis, Domine!

Arnie

[babatriestina]

Ora pro nobis, Domine!

ciò Arnie, te me ricordi i marineri de quela Maldobria che de solito "biastèmano", ma co vedi propio tempesta bruta ( col abate mitrato de Cracovia sula nave) i se meti a pregar..

[Ursus Canadiensis]

Xe tuto alegorie, baba. Uso un espresion che tuti i riconosi per spiegarme meo.

Armie