Modi de dir triestini

[babatriestina]

No so se xe un modo personale o doperado da pochi , ciamar uno con l'epiteto de stronzberger, per dir de un che se comporta in maniera "viscida e repellente". Forsi xe una parola de novo conio.

battute.. me par che anch e el illustre professor Brosenbach iera soprannominado dei sui allievi Stronzenbach

[Piereto]

In campo musicale de stronzbergher ghe ne rivava parecchi a teatro ogni anno. E el termine iera particolarmente azecado per quei de origine gnoca.

[Ciancele]

Fazo una mia oservazion:
Ghe la go cazada = Lo ho imbrogliato.
Par mi “Ghe la go cazada” volaria dir “Ghe la go fata” “Sono riuscito a farcela”, nel senso di: “Ho avuto successo superando diverse difficoltà”. Se vien tradoto par talian con “gliela cacciai” alora sì imbrogliato. Ai mii tempi, se diseva però: Lo go ciulà.
Ma veramente volevo far una proposta.
Sono rientrato disidratato. Mi sono ricordato del detto tedesco: Solo la birra rende la sete bella. Come tradurre in lingua?
Proposta: Gavevo un sedon de caval e me go fato un biron.

[Ciancele]

Sburtarse. Ma no nel senso de spingersi, cioè di darsi spintoni, ma di invogliare un terzoa fare qualcosa, di cedergli una eventuale precedenza. L’espresion iera usada di solito quando do de lori i doveva far qualcosa e nisun dei do gaveva voia. Insoma no ghe tirava. In particolare, ai mii tempi, quando de una mula scalfa (brutta) se diseva che la ga un mucio de muli: Sì, i se sburta un co’ l’altro. Va ti, no va ti. Come se podaria dir par talian?

[sono piccolo ma crescero]

Sburtarse. Ma no nel senso de spingersi, cioè di darsi spintoni, ma di invogliare un terzoa fare qualcosa, di cedergli una eventuale precedenza. L’espresion iera usada di solito quando do de lori i doveva far qualcosa e nisun dei do gaveva voia. Insoma no ghe tirava. In particolare, ai mii tempi, quando de una mula scalfa (brutta) se diseva che la ga un mucio de muli: Sì, i se sburta un co’ l’altro. Va ti, no va ti. Come se podaria dir par talian?

Mi traduria con "si spingono l'un l'altro per..."

Diverso xe per mi el modo de dir "No me sburto per far sta roba", "non mi faccio avanti per fare una certa cosa"

[babatriestina]

o anche "quela xe un tipo che se sburta" nel senso che si mette in mostra, si fa avanti..dallo sburtarse fisicamente a quello morale...

[Ciancele]

Ficar vol dir apunto mettere, nel senso de infilare, inserie. Ficar in scarsela. Mettere in tasca, intascare.
Ma, nel modo de dir: Ghe la go ficada, vol dir anca: Sono riuscito nel mio intento nonostante le difficoltà.

[Ciancele]

Son tropo comodo par leger 30 pagine e vedere se xe sta za meso. Andar de corpo conosi tuti e tuti sa cosa che vol dir.
Una volta se diseva anca: Andar de anima. Insoma tirar i crachi. Se usa ancora dir?

[Nona Picia]

Per mi ghela go ficada vol dir semplicemente lo go fregà

[Piereto]

Beh, el fregar vol dir proprio che do parti se sfrega una con l'altra. No ve devo dir quale che xe le due parti El sfregamento implica za una ficada.

[babatriestina]

Per mi ghela go ficada vol dir semplicemente lo go fregà

me par che sia anche el stesso significato, da un original un tantin sessual- volgare

[Nona Picia]

Ma "riuscire nel proprio intento" non vol dir necessariamente fregar una persona, pol voler dir anche che un tizio xe riuscido a realizar un suo progeto, mentre ficarghela mi go sempre savudo che qualchedun ga fregà um altro

[Ciancele]

Per mi ghela go ficada vol dir semplicemente lo go fregà

me par che sia anche el stesso significato, da un original un tantin sessual- volgare.

Adeso tuti vedi che anima mobile che son. Mi no go mai visto gnente de volgare, o almeno no son 'ndà sula cativeria, e gnanca pensà che volesi dir imbroiar. Sessual-volgare podaria eser in ghe lo go ficà, ma no xe la stesa roba.

[Piereto]

Vedo che sul vocabolario gavemo la parola curto, ma manca el plurale curti, che gà anche el significato ne la frase "averli curti" , de no aver bori. Quindi curti = mancanza di denaro.

[Ciancele]

Vedo che sul vocabolario gavemo la parola curto, ma manca el plurale curti, che gà anche el significato ne la frase "averli curti" , de no aver bori. Quindi curti = mancanza di denaro.

Carenza di fondi.
Se usava 'sai dir: Sabo ciapemo i curti. Sabato il cargo salario ci verrà versato in contanti.
Ma no xe mancanza di denaro, bensÌ insufficienza di denaro. Mancanza xe: Semo suti, cisti. No go un.

[Piereto]

No go un bel. (altro significato de bel).

[Ciancele]

No go un bel. (altro significato de bel).

Semo za in do. Dove te va? Vado a tirar i curti (o i pici) {trad.: vado a ritirare il mio basso salario] e po vado a cior la boba [vado a prendere la refezione al posto di assistenza].
Marilù, Marilù, l'asistenza invernal no i dà più.

[sono piccolo ma crescero]

Un mio conoscente friulano mi ha fatto notare una costruzione sintattica che secondo lui è "tipicamente triestina": te ieri mai a/in...

In italiano corrisponderebbe a "sei mai stato a/in", simile quindi, ma significativamente diversa. Mi faceva notare che i triestini, anche quando parlano in italiano, la trasformano in "tu eri mai a/in" che però, secondo lui, non è molto diffusa al di fuori di Trieste (per il verbo all'imperfetto e per il tu in testa alla frase.

[babatriestina]

anche le interrogative "te sa l'ultima?" è il ti/te inserito fra il pronome e il verbo " ti ti se o ti te son
L'uso dell'imperfetto al posto del passato remoto è molto usato credo in tutto il nord Italia a differenza del sud ( nulla seppi, nulla vidi). fra la differenza semantica nel d ialetto fra imperfetto e passato prossimo, si potrebbe riflettere

[Piereto]

No so se sta za menzionà el modo de dir : "Nol gà un poco de quel che se ciama" , molto simile a " nol gà un poca de creanza "
"tira, para, mola" , molto simile a "per farla curta".