La xe grande, fin a 10 cm. tra un'ala e l'altra e la vien dal Mesico e fin dala Colombia. La roba più sbalorditiva xe che, dovudo al ciclo de vita, ghe vol quatro generazioni de lore prima che le rivi fin da noi e altre quatro per tornar a casa nele foreste tropicali.
Nel giardin nostro go una pianta de echinacea, una margherita che la ga fiori de squasi dieci centimetri de diametro. Go fato un poche de foto per mostrarvela. A prima vista la pa solo che un color maronzin ciaro, ma dandoghe un'ociada de vizin se se acorzi subito che la ga tanti altri colori belisimi.
