Nei tesi antichi grisignana xè stada nominada per la prima volta nel 1102 come possesso dei patriarchi di Aquileia. La carateristica de sto paese xè la straordinaria conservazion del centro storico. cole viuzze strete e intricade che se incrocia cole mura medioevali.
L'abitato di Grisignana, uno dei borghi meio conservadi del'Istria, ga un groviglio de stradine lastricade, muri a secco e antichi edifici disposti in maniera singolare, che segui una pianta urbana de forma circolare. De origine medioevale l'antico nucleo xè arocado in zima a un colle quasi perso nel cuor odulado de l'Istria, segnado de vigneti e dela tera rossa. Xè bel passegiar lungo le strete stradine tra vece case.
Semo rivai qua dolo le sei (ora solare) con un ciel completamente nuvolà: iera assai scuro ma per fortuna no ga piovù anche se minaciava temporal. Tra le case de piera scura , al'imbrunir, nele vie stretissime iera assai scuro (go dovudo usar 400 ISO, diaframa tuto verto e pose longhe) e el risultato che no xè dei migliori, xè el massimo che go podudo otignir.
