Sangue dala pele

[Ursus Canadiensis]

I scienziati canadesi de un dei laboratori de ricerche mediche, quel de Edmonton, i xe rvadi a produr sangue, usando come base la pele umana. Questo jera un esperimento tentado ani fa. I jera rivadi de produrlo alora, ma el proceso jera lentisimo; me par che ghe voleva un quatro mesi per farlo e, la produzion jera minima.

Con sto novo sistema, el sangue vien prodoto abondantemente. Da un tochetin de pele de quatro centimetri quadrati, tanto per dimostrar la diferenza, i pol produr bastanza sangue per far una transfusion completa del individuo. El tempo necesario? due o tre setimane.

Xe una scopeerta che la ga ramificazioni pari ale oramai anziane scoperte mediche del secolo scorso. Pazienti de cancro che i devi fermar una chemio perchè la potenza del chimico ghe invadi e distrugi el sangue i pol rimpiazarlo col sangue proprio, senza nesun ris'cio de conflito de grupo sanguino, e continuar la cura; no solo ma el sangue cusì rimpiazado el xe san, deprivo de tuti i elementi nocivi che el propio sangue contien. Xe solo un esempio, ma se pol scriverghene a centinaja. Tanto per concluder con un altro, tipicamente ai pazienti leuchemici se ghe da l'estrato del midolo per zercar de combater el cancro del sangue. Adeso se podarà darghe el sangue prorio del paziente fin a eliminar completamente quel malado.

Prove su pazienti xe previste per 2014, se me ricordo ben.

"Chi zerca trova," i disi... Forsi che i ga anche ragion.

Arnie

[sum culex]

Xè una scoperta sensazional e de un'utilità straordinaria, anche se spero de no avrghene mai bisogno, ma no se sa mai.
ciao
sum culex