Orto botanico

Flora carsica o che comunque se vedi a Trieste e dintorni
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Orto botanico

Messaggio da AdlerTS »

1/2 storia e 1/2 flora, testo vecio e foto nove

Piccola cronologia del "Civico Orto Botanico"

1842: La municipalità triestina scelsi el territorio de Chiadino per verificar se el pino nero austriaco podeva attacchir sul nostro territorio. El responsabile diventa Bartolomeo Biasoletto (1793-1858), botanico e farmacista, che aprofita per salvar nel novo orto le specie più rare del suo "Orto farmaceutico", chiuso per mancanza de fondi, che se trovava nela zona de via Coroneo.

Immagine

1861: Muzio de' Tommasini (1794-1879), botanico de prestigio, nonché ex podestà de Trieste, contribuissi ad aumentar el numero de specie fazendo portar numerosi semi dalle nostre Alpi, dall'Istria e dalla Dalmazia.

1871: Vien trapiantade specie rare dal giardin de Villa Murat, a S. Andrea.

1873: La Giunta municipale delibera l'apertura al pubblico passeggio.

1877: Grazie alla collaborazion con Raimondo Tominz (1822-1906), ispetor dele publiche piantagioni, vien stampado el primo " Delectus Seminum quae Hortus Botanicus Tergestini pro mutua comunicatione offert", catalogo per lo scambio de semi. Alla morte del de' Tommasini subentra lui alla gestion dell'orto.

Immagine

(Bilbo, so che questa non xe perfetta :wink: )

1903: L'orto vien annesso al Museo de Storia Naturale e la direzion passa a Carlo de Marchesetti (1850-1926), allievo del de' Tommasini. L'orto vien quindi denominado ufficialmente "Civico Orto Botanico" e raggiungi la planimetria attuale (circa 10.000 mq).

Dopo "el ribalton" fino ai giorni nostri, i direttori sarà Mario Stenta, Giuseppe Müller, Carlo Lona, Edoardo Gridelli e Renato Mezzena.

1986: Per insuficienza de soldi e personale, l'orto vien chiuso al publico. Se ferma anche la publicazion del "Index Seminum".

1991: Parti la ristruturazion.

1997: Se riprendi a stampar el "Index"

2001: Parziale riapertura.


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Gavevo conosudo Mezzena ... a dir el vero mi iero bastanza giovine e de le piante no rivavo a capir gran che, ma mia mama la gaveva fato un corso de botanica tignudo de Mezzena e mi iero andado un per de volte. Me ricordo de una figura de un omo cocolo co' una granda barba bianca ...

El ga fato anca un libro de botanica che 'l xe sai bel per capir che tipo de pianta che se ga davanti ... una de cuele robe che te spiega paso per paso ma no te da` solo che la soluzion ma anche i elementi per imparar.

No lo go mi, ma me ricordo che 'l xe un libro bel corpoxo :-)

Ciau

Franco


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Ben, ormai savè che son una appassionada de giardinaggio, cussì co i ga averto l'orto botanico e che go avudo tempo, ghe son andada diverse volte.
Go anche messo un album de foto dedicade al orto, le podè veder a
http://community.webshots.com/user/emarcov
oviamente album orto botanico de Trieste ( ghe xe anche altri album de foto, sia de orti botanici che de Trieste, e anca i mii gati)
Purtroppo nol xe ancora tutto averto al publico, la zona dele rose, che le xe bellissime in maggio, no xe accessibile, se vedi le rampicanti perchè le xe sule cancellade, ma no se ariva a veder i cartellini col nome. Adesso dovessi esser in fior i ellebori. Po sarà le bulbose e in april val la pena de veder la fioritura dele peonie arboree, le vien dela Cina e del Giapon e le xe spettacolari, ve posto una per darve un'idea
Immagine
Po xe la stagion dele ortensie...el pergolato de glicini, in autunno xe la fioritura de tanti tipi de salvia.
Ogni anno i fa in estate una mostra o sezion nova: un anno iera le piante velenose, un le piante tintorie, ...
El xe picio in confronto dei veri grandi orti botanici, e anche el devi sfruttar un teren in pendenza, el xe tuto a terrazze. No ghe xe una serra de visitar de piante esotiche, xe modestissima la sezion dele cactacee ( e senza cartelini!) , i se ga specializzado in certe robe e le xe ben curade. Per le piante locali, xe un poca de roba, ma el grosso xe a Carsiana che dipendi anche de lori.El porton che ga fotografado Adler xe el vecio porton liberty, ma el ingresso adesso se lo fa de una porta lateral più alta.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

babatriestina ha scritto:El porton che ga fotografado Adler xe el vecio porton liberty, ma el ingresso adesso se lo fa de una porta lateral più alta.
Una scelta senza senso. parchegio non xe de nissuna delle due parti. El "mio" porton, però, xe almeno un bel benvenuto per chi riva con la corriera da sotto. Quell'altro non ga de niente.
Quando i imparerà a valorizar quel che xe rimasto de bel ?


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

AdlerTS ha scritto:
babatriestina ha scritto:El porton che ga fotografado Adler xe el vecio porton liberty, ma el ingresso adesso se lo fa de una porta lateral più alta.
Una scelta senza senso. parchegio non xe de nissuna delle due parti. El "mio" porton, però, xe almeno un bel benvenuto per chi riva con la corriera da sotto. Quell'altro non ga de niente.
Quando i imparerà a valorizar quel che xe rimasto de bel ?
beh, el novo, al de là de esser propio tacado dela fermata del autobus e esser vizin dela palazzina dei uffici che fa anche de padiglion de ingreso, xe accessibile ai disabili , mentre el vecio, romantico, el xe su una scalinada e richiedi altri scalini per andar su : sempre i problemi de l'orto botanico tuto in riva...


belvedere
vilegiante
vilegiante
Messaggi: 41
Iscritto il: mar 10 gen 2006, 9:30
Località: Vienna

Messaggio da belvedere »

bellissimo il cancello di entrata dell'Orto botanico in judgend stil!
Mi ricorda l'accesso alla metropolitana di Vienna (Karlsplatz) di Otto Wagner.
Consiglio a chi fa un viaggetto a Vienna di visitare anche l'Orto botanico, specialmente in primavera è qualcosa di incredibile!
Come sapete non ho ancora una macchinetta digitale e non posso allegarvi le foto, vi segnalo comunque il sito da cui potrete farvi un'idea:
www.botanik.univie.ac.at/hbv/index.htm

ciao ciao


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Za che semo ve meto el link del giardin botanico de Londra Kew Gardens.

Magari co vien le bele giornade vado a verlo e ve meto qualche bela foto...

http://www.rbgkew.org.uk/


Avatar utente
Tirabaralla
citadin
citadin
Messaggi: 950
Iscritto il: lun 2 gen 2006, 16:49
Località: Firenze

Messaggio da Tirabaralla »

Belle le tue foto, Betta! :-o
Anche io adoro gli orti botanici (e le mostre di floricultura...se ne tengonoa Trieste?)...
Non ho mai pensato di andare a "scovare" quello di Trieste...ora me lo segno, che voglio rimediare!

PS Bellissima la tartarughina :)


[color=crimson][b][i]...it's not easy to be me...[/b][/i][/color]

[url]http://tirabaralla.splinder.com[/url]
[url]http://polaris7.splinder.com[/url]
[url]http://www.fotolog.com/tirabaralla_0/[/url]
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Oggi sul Piccolo i segnala che averzi in anticipo Carsiana
Carsiana xe una sottosezion del orto botanico, a Gabrovizza, nassi de un'idea dela famiglia Gioitti che ga la casa là vizin e iera proprietari de la dolina vizina, i ga fato un orto con le piante del Carso, e alpine in genere, po cressendo i lo ga dado al comun. El nome Carsiana vol fra riferimento al storico giardin botanico Juliana, fatto nel Otocento dei Bois de Chene soto dela Moistrocca nele Giulie cola flora dele Alpi Giulie, tuttora in funzion credo.
Xe possibili anche visite guidade, de gruppo e individuali, ma mi devo dir che me contento de andar e leger i cartelini , machina fotografica sempre pronta.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Oggi go fato una breve visita all'Orto botanico, e meno mal che se entra del ingresso lateral, perchè con un zenocio ciompo come che gavevo, entrar del ingresso principal con tute le scale saria stado meno agevole. Certo che el nostro orto botanico, cussì tuto in riva, e pien de scale e scalette, no xe el non plus ultra per i handicapai :-D
Le peonie xe ormai sfioride, e anche el gran pergolado de glicini, ma comincia a sbociar le ninfee e le rose. le quali rose se le vedi dal esterno perchè la zona dele rose xe sempre in lavor de quando che i ga riaverto l'orto, per fortuna la più parte le xe rampicanti sule cancellate e se le vedi dal esterno. ecove un per de foto:

Immagine
questa xe una panoramica del pra a mezza altezza fra el giardin formal e le vasche dele aquatiche
e eco una ninfea in fior
Immagine
se vardè ben, sul petalo in ombra ghe xe un girin.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

In mezzo del giardin formal xe un gran albero, un liriodendron tulipifera o albero dei tulipani, che adesso ga dei bellissimi fiori e in autunno ga dele magnifiche foie giallorosse
Immagine
e ecove un poche dele rose ( per vederle, no ocori gnanca che paghè el biglietto perchè le xe fora del orto :-D )
Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Ancora qualche rosa, questa iera profumatissima
Immagine

Immagine


Avatar utente
Tirabaralla
citadin
citadin
Messaggi: 950
Iscritto il: lun 2 gen 2006, 16:49
Località: Firenze

Messaggio da Tirabaralla »

GRAZIE!


[color=crimson][b][i]...it's not easy to be me...[/b][/i][/color]

[url]http://tirabaralla.splinder.com[/url]
[url]http://polaris7.splinder.com[/url]
[url]http://www.fotolog.com/tirabaralla_0/[/url]
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

E tu, Tirabaralla :-D , che ne diresti di andare a visitare i giardini degli iris a Firenze, che credo sia nei dintorni di Piazzale Michelangelo :wink: , e poi farci un mini reportage fotografico? magari in salottino..


Avatar utente
Tirabaralla
citadin
citadin
Messaggi: 950
Iscritto il: lun 2 gen 2006, 16:49
Località: Firenze

Messaggio da Tirabaralla »

Doveria...
Ma come forse te ga notà...son un poco "ferma" in quanto a "creatività on-line".
Se capiterà le posterò sicuro.


[color=crimson][b][i]...it's not easy to be me...[/b][/i][/color]

[url]http://tirabaralla.splinder.com[/url]
[url]http://polaris7.splinder.com[/url]
[url]http://www.fotolog.com/tirabaralla_0/[/url]
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ancora qualche informazion sul orto botanico:
sto anno per la prima volta vedo che i ga messo in vendita, a prezzi modicissimi, inferiori a quei dei negozi, alcune piante che ghe vanza. Xe ortensie, gerani profumai, salvie... ovviamente no xe le piente che i vendi nei vivai o negozi, forzade per la fioritura, ma propio per questo penso che le sia più resistenti. e po xe varietà diferenti dele solite in commercio (mi son tornada a casa con una rosa gallica, una rosa profumatissima, quele che vien coltivade per el estratto e due geranietti a foie aromatiche)
Po, me lamentavo che no ghe xe serre, e inveze go scoperto che le serre de esotiche averte al pubblico le ghe xe, ma no al orto botanico: al Castelletto Valerio! doverò andar a veder. Po ve conto.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

visita de april al orto botanico.
Xe la stagion dela fioritura dele peonie, anche se molte iera za sfioride oggi, comunque ve meto un poche, che le xe un dei vanti del orto:
Immagine

Immagine

Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ancora una peonia
Immagine
in sta stagion xe in fior i iris, ma xe molti tuti precisi, molti appena in boccio e un solo una varietà più original
Immagine
xe in fior le bletille, che xe una orchidea de esterno
Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

una piova de glicini, xe quei a grappoli longhi
Immagine

Immagine
e po vizin el glicine a fiori doppi ( e no ve digo el profumo!)
Immagine
e come profumo, xe un lillà a fiori pici che xe un sogno dolcissimo
Immagine
Ultima modifica di babatriestina il lun 28 dic 2009, 15:51, modificato 2 volte in totale.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

anche la modesta borraggine ga el suo fascino
Immagine
e una piantina del nome impossibile xe anca curiosa
Immagine
e anche i cardi xe in fior ( cardi, articiochi, xe tuto una famiglia)
Immagine
Ultima modifica di babatriestina il lun 28 dic 2009, 15:52, modificato 1 volta in totale.


Torna a “La flora”