Orto botanico

[babatriestina]

son stada stamattina al Orto, perchè ieri pioveva troppo. No xe grave, ghe ne go trovade pochette, par che i le ga za ingrumade.. al primo momento i iera perplessi co me go presentado per ingrumar cagoie, i pensava che me interessa per magnar...
8 che po me ga dito un'amica che bisogna prima nutrirle con foie de vite, po digiun.. povere bestie.. cussì fa sua zia francese.. ma mi no le magno..)
le peonie xe in fior , ma altre xe ancora in boccio idem i iris.
Go ingrumado de più cagoiette pice che impestava un'aiola de iris..

[bibi]

brava!
per magnarle, penso che trovarle pronte in piato magari a Parigi xe un conto, ma far tutto el procedimento, maneggiarle e netarle.....
passa la voia.

te domando una roba che no c'entra:
desso che te ieri in Umbria, iera fioridi i Cercis? Te gavessi una fotografia per mi? Adoro quel albero.
Mi go fotografà quel de piazza Oberdan, me piasi anche quando che casca i fiori e fa quel bel tapedin.

Ciao!

bibi

[AdlerTS]

Carsiana xe una sottosezion del orto botanico, a Gabrovizza, nassi de un'idea dela famiglia Gioitti che ga la casa là vizin e iera proprietari de la dolina vizina, i ga fato un orto con le piante del Carso, e alpine in genere, po cressendo i lo ga dado al comun. El nome Carsiana vol fra riferimento al storico giardin botanico Juliana, fatto nel Otocento dei Bois de Chene soto dela Moistrocca nele Giulie cola flora dele Alpi Giulie, tuttora in funzion credo.
Xe possibili anche visite guidade, de gruppo e individuali, ma mi devo dir che me contento de andar e leger i cartelini , machina fotografica sempre pronta.

Gavemo mai segnalado el sito uficial ? http://www.carsiana.eu/

[babatriestina]

come che sia el emergenza cagoie al Orto botanico no so, ma de mi xe un'invasion!

[Nona Picia]

Anche de noi! E in più gavemo un insetto che ogni notte ne magna le lisette alla radice! Gavemo comprà un insetticida, sperando che i ne gabi consiglià quel giusto, ma finora no go visto risultati favorevoli.

[babatriestina]

Giretto al Ortobotanico, che xe in fior le ortensie
questa xe una normal celeste, come che le xe in tanti giardini

ma ghe ne xe moltissime de quelle coi fiori fertili pici in mezzo e i sterili al esterno

o tutte rosa

[babatriestina]

i ga soprattutto varietà giapponesi, queste xe quele con fior un poco a forma de panocia

queste gaveva fiori doppi

[babatriestina]

i fiori centrali

xe in fior anche campanule

e tante salvie, soprattutto sui toni del blu

[babatriestina]

particolar de una salvia

un'altra varietà de salvia

una clematis spontanea, la clematide paonazza

[babatriestina]

una passiflora un poco differente delle solite

xe in fior i capperi

e delle grandi campanelle che se ciama Platicodon
[

[babatriestina]

sboccia le prime ninfee, i loti fa ancora solo foie, ma una simpatica ranetta stava su una foia de ninfea



xe in fior, comuni,i Hemerocallis o gigli de san gaetano

varietà bellissime e doppie le trovè a Villa Engelmann
el curioso fior appuntido lateral de un'ortensia giapponese
[

[Ludisia]

Bellissimi fiori e foto stupende! Quella della rana poi e' bellissima!

[sum culex]

Giovedì scorso (14 magio 2009) son andà in 'orto botanico' e go fato un giro fazendo un poche de foto de quel che go trovà: ecovele.

El busto del fondator: Bartolomeo Biasoletto



La dedica soto el busto



I ghe ga fato la facia un poco arcigna, come imbronciada, almeno a mi me dà sta impression

[sum culex]

E adesso taco coi fiori: un arco vegetale



Una Bletilla bianca e rosa; la xè più ciara de quele che go in giardin

[sum culex]

Le peonie xè sfioride: resta solo le semenze



Un Iris germanica dai colori sgargianti

[sum culex]

Altri iris, sta volta bianchi e giali

[sum culex]

No ocori scriver nomi: ghe xè el cartelin

[LELA]

Bon giorno anca a ti, Sum, come al solito le tue foto le xe magnifiche! Vedaremo quando che gavarò la machina fotografica digitale, quanto che ghe metarò anca solo a avicinarme a far foto bele come le tue.
Te gà rason, a "Bartolomeo Biasoletto", i ghe gà fato suserio 'na faza un fià "arcigna", strano per un fondatore de un "Orto botanico" in mezo a tuti quei stupendi fiori.
A proposito, scusa la mia ignoranza, ma mi, fin a ogi, no' savevo che anca Trieste ghe xe un "Orto botanico"; ma da quando el ghe xe? E indove el xe colocà?
Se te me farà la cortesia de risponderme, 'stò istà, co' vegno a Trieste podarò 'ndarlo a visitar, anca se penso ch'el periodo migliore sia questo.
Grazie in antizipo.

Ciau ciau, sempre con tanta simpatia, Lela.

[sum culex]

Le ninfee



Anche qua go trova e fato el cartel



Go fato una foto sola: tuto el cespuglio iera in ombra trane che un rameto con sto fior

[sum culex]

Xè tuto scrito nel tabela