Il Lago dei cigni al Politeama Rossetti

[babatriestina]

Nei prossimi giorni al politeama Rossetti daranno il Lago dei Cigni. Ma se vi aspettate il solito balletto classico, rimarrete piacevolmente o spiacevolmente sorpresi. perchè questo è con la coreografia moderna di Matthew Bourne, che ho visto alla televisione su quei programmi satellite che dedicavano al balletto ed io che sono amante del classico.. non ci andrò.
Comunque, per chi è interessato, è una curiosa rivisitazione del più famoso balletto romantico, in cui il Principe protagonista è ispirato al principe di Galles Carlo, ma invece delle sue due mogli, lo si vede con una madre che assomiglia tanto alla regina, ma rimane affascinato da un Cigno.. maschio! e i Cigni sono tutti rappresentati da danzatori uomini. Non come I Trockaderò che parodiano le ballerine, ma uomini-cigni. Agli appassionati del genere la cosa piace. Scordatevi le punte.
http://www.swanlaketour.com/
e qualche immagine, prese un po' a caso con Google images:

[Piereto]

Xe el solito malvezzo de rimestar i contenuti,fato da registi pieni de mania de protagonismo.Una cricca ben oliata tra direttori de teatro e agenzie. El publico paga ,el pensa de veder una roba che el conosi,e inveze el se trova davanti a una rivoluzion. Ma xe al Verdi che se toca l'apoteosi del novo a tuti i costi, costruì sul vecio,e nisun verzi boca .Saria de farse tornar indrio i bori del biglieto, perchè te paghi per una roba e i te da un'altra. Se mi vado a teatro vado per rilasarme.la roba impegnada la vedo ogni giorno per strada, e co so che un sogeto se svolgi nel 1600,voio che el sia fato coi costumi e i scenari del 1600. El moderno devi eser riservà per una opera moderna.

[babatriestina]

Te vedi, per el balletto la coreografia xe importante quanto la musica e determina el spettacolo. El Lago dei cigni de Bourne no xe quel de Petipa-Ivanov. El importante xe saver, come che Manon de Massenet no xe Manon Lescaut de Puccini e Turandot de Puccini no xe Turandot de Busoni. Insomma, che chi che va a veder sto spettacolo sappi cossa che el va a veder. E no speri de veder el Cigno Nero, el adagio, el pas de quatre dei cignetti.. per el resto, xe question de gusti..
me ricordo tanti tanti anni fa al Verdi, i ga dado el balletto Spartacus, musica de Kachaturian, e mi speravo quel famoso sovietico coreografia de Grigorovic, e inveze iera una coreografia assai più mimada e meno ballada, de un coreografo ungherese.
El discorso dela regia dele opere xe un altro per de manighe, gavemo za cominciado e go anche mi le mie ideuzze al riguardo..

[Piereto]

Parechie volte nel baleto la coregrafia la xe stada meso zo per iscrito con soto le note e sora el pupolo dei pasi e de le giravolte. Cioè ghe xe sta una colaborazion tra coregrafo ,scenografo e compositor,e questo a partir da fine 800. Son quasi sicuro che val anche per el lago dei cigni. Quindi anche per spartacus che te son andada a veder, i te gà mostrà una roba che no xe originale,e quindi tornemo su la scarsa sincerità che esisti fra chi dirigi i teatri e i spettatori. Mi no son contro la creatività ,ma go sempre avù l'idea che el teatro xe come un museo,che piasi o no. Mi de andar a veder la gioconda in jens e piercing no me interesa,anzi,se i me la mostra cusì vol dir che i godi a ciorme in giro. Xe la prosa che ne gà abituado mal,perchè semo stai sempre indulgenti. Sa ,xe atori girovaghi,i ga pochi schei, i porta drio poco bagaglio,do costumi ,un linziol per scena e do rifletori in tei oci, che tanto po se vien a teatro per scoltar la vose e a veder la facia dell'ator.

[babatriestina]

la coreografia scritta esisti, ma i me disi che no la xe dettagliada nè univoca nè applicada per tutti i balletti ottocenteschi, tanto xe vero che del lago dei Cigni, tanto per far un esempio, no se ga la coreografia completa se no per alcuni passi e soprattutto el secondo atto. I balletti se tramandava attraverso el insegnamento de maestro a allievo e ghe iera e esisti tuttora la figura del Maitre de ballet, quel che sa a memoria le coreografie e le insegna ai ballerini, el cosiddetto "repertorio".
Ovviamente adesso esisti le registrazioni..
Dei grandi balletti del Ottocento uno solo ga continuado a vegnir eseguido senza interruzioni e per quel conserva la coreografia più o meno originaria: Giselle, coreografia Coralli e Perrot. Ma za nel tramandarse in Europa occidentale e in Russia certe robe xe cambiade e la Giselle versione occidentale no xe precisa de quella russa.. altri balletti ottocenteschi xe stadi più o meno reinventadi de sana pianta, come La sylphide, sulla base de note, de stampe, de descrizioni..
el Lago xe un caso particolar perchè za le sue prime versioni xe stade diferenti..

http://en.wikipedia.org/wiki/Swan_Lake# ... _1879-1894

tanto xe vero che tradizionalmente el pas de deux del cigno nero del terzo atto xe ballado su una musica scritta per el primo atto, in cui doveva comparir una presentazion de aspiranti fidanzade per el principe: lo go visto ballar cussì in una version tradizional a Mosca ai tempi sovietici. Anche el Lago ga i sui rifacimenti,dove che i scegli la musica della longhissima partitura (3 ore bone) e i metti i passi: el Lago coreografado de Grigorovic no xe quel dela Makarova
link alla pagina che mostra un poche delle versioni "tradizionali"
http://en.wikipedia.org/wiki/List_of_ma ... 95_revival
però le usa tutte la tecnica classica e le riprodusi la storia e l'atmosfera original.
Questo del Rossetti xe invece una novità e el importante xe ciarir ben che la musica xe quela e el resto xe altro.

[Piereto]

Si quel che val per la coreografia xe un poco come per la vose. La vose de do tenori no xe uguale ,nè come estension,ne come timbro ,ne come capacità de polmoni. E po ghe xe anche l'interpretazion,e cioè el posarse su certe vocali de le parole ,o el tirarle via ,o l'enfasi del discorso,che sposta i respiri per ciapar fià,e che porta poi a corer in un punto e ralentar in un altro.La similitudine la esisti. Quel che no va xe cambiar l'epoca de l'ambientazion,se se parla de una roba storica,e qua se dovesi eser intransigenti.

[babatriestina]

diria che le piccole variazioni della coreografia xe un poco come certe fiorettature delle cabalette, dove che no le xe scritte e che i le lasava libere de variar, tipo i gorgheggi finali dela pazzia della Lucia.
Per el resto, ciapar una musica de un baletto e far una coreografia del tutto nova, no dovessi esser proibido , ma a mi me par come se un ciapassi un libretto de opera ( pensemo a libretti letterari, tipo la Francesca da Rimini che el testo xe de D'Annunzio o la Salomè de Strauss che xe traduzion de quela de Wilde) e ghe scrivessi una musica tuta nova. Se pol, ma xe un'altra roba. Come in sto caso.

[babatriestina]

Comunque, sto spettacolo mi lo mettessi nella categoria de quei come che se diseva una volta in francese "pour épater les bourgeois"
http://en.wikipedia.org/wiki/%C3%89pater_la_bourgeoisie

Épater la bourgeoisie or épater le bourgeois is a French phrase that became a rallying cry for the French Decadent poets of the late 19th century including Baudelaire and Rimbaud.[1] It means to shock the middle classes.[2]

The Decadents, fascinated as they were with hashish, opium, and absinthe found, in Joris-Karl Huysmans' novel À Rebours (1884), a sexually perverse hero who secludes himself in his house, basking in life-weariness or ennui, far from the bourgeois society that he despises.

e in effetti, grazie anche alle luci, ai tanti personaggi in scena, colpissi indubbiamente l'immaginazion..

e la borghesia adora i spettacoli " de rottura" "de avanguardia" coem che se diseva nei anni 60

[AdlerTS]

Nei prossimi giorni al politeama Rossetti daranno il Lago dei Cigni. Ma se vi aspettate il solito balletto classico, rimarrete piacevolmente o spiacevolmente sorpresi.

Jero un poco prevegnudo, in quanto preferisso gli allestimenti classici, ma sabato son andado a veder el Romeo e Giulietta del Balletto de Milano (su musica de Tchaikovsky ) al Verdi e anche in questo caso se trattava de balletto moderno, con scenografia inesistente (solo gioghi de luci sulle tende). Inveze alla fine go trovado lo spettacolo piacevole e go visto anche una buona soddisfazion in sala. Se i se gavessi sforzado un poco de più con le scenografie e costumi saria stado un voto abbastanza alto

[babatriestina]

Cavolo, no ve lo gavevo ancora recensido?
ben, concordo: scene : veli bianchi, costumi tuti neri, e un se domanda perchè el comincia con la scena final dei due che mori? la risposta se ga alla fin: per finir con una scena luminosa e bianca, in cui i due balla insieme, finalmente riunidi nell'aldilà ( o nella letteratura, se preferì).
Domanda: se sentiva bisogno de un'ennesima version de Romeo e Giulietta? no so...
se i xe bravi? indubbiamente sì, e soprattutto i omini xe assai acrobatici. Tecnica classica applicada al moderno. Curiose le scarpe de punta delle donne, che me pareva con siola spaccada.. el che vol dir che sostien de meno el piede, ma premetti una maggior flession per balar in mezzapunta.
Ah sì, e perchè Mercuzio sta tanto a bocca averta? va ben un tipo ridancian..
e.. una critica no solo mia, ma anche de Corrado Canulli, che xe ballerin e ga una scola de ballo: Romeo podeva anche sconder con un fil de ceron el tatuaggio..
Per l'essenzialità de scene e costumi, no me ga dispiasso, e i balletti moderni tendi a far cussì. In complesso un cocolo spettacolo. Se me domandè a mi, ve dirò che mi preferissi tuttora el Romeo e Giulietta russo de Grigorovic, che gavemo visto qualche anno fa al Verdi, me appassiona de meno come coreografia el famosissimo ( anche un film con Nureyev e Fontaine) inglese e meno de tutti me gaveva piasso tanti anni fa al verdi un del moderno Nederland Dance theater

[babatriestina]

mi preferissi tuttora el Romeo e Giulietta russo de Grigorovic, r

questo
http://youtu.be/KpQFi5sPz34