Ciao!
La question xe questa, fino a qualche anno fa el comun de Sgonico no gaveva alcun stemma ufficiale, de conseguenza la mancanza de conoscenze araldiche ga fatto sì che vignisi usado quell'orror tondo, in maniera non ufficiale.
Qualche anno fa, ma no me ricordo quando, dovesi zercar tra le mie carte, xe stado concesso un stemma, che xe quel che te ga riportado.
Tignimo presente che quel stemma xe el stemma del comun, inteso come l'intero territorio, e siccome xe un comun dela Repubblica Italiana, el ga el solito contorno de rito, cioè corona civica e rametti de alloro e quercia col nastrin tricolor.
Mentre el stemma del solo paese de Sgonico xe el medesimo, ma senza corona e rametti.
In pratica el stemma comprendi el campanil del paese che ghe da el nome al comun, visto che el nome vien dal sloven Zvonìk, che vol dir campanil.
El sfondo rosso no go idea de dove salti fora.
Le due curve blu de parte vol ricordar el monumento alla fratellanza che ghe xe davanti al municipio.
De dir anche che siccome el comun xe a maggioranza slovena, i gavesi podudo meter almeno uno dei due nastrini col tricolor sloven, in analogia a quanto i fa in Slovenia con le bandiere nei comuni bilingui.
