Chanukah

[Ursus Canadiensis]

...e se gavemo qui dela persuasion ebrea, Chanukah Tov!

Arnie

[nonna ivana]

Buon Giorno!!!
Nes Gadol Hayah Poh!

[sum culex]

Come che go dito in altri post, mia mama iera ebrea e la xè stada prelevada a casa dale SS in setembre del '44, mi no son de fede ebraica, ma me piaseria capir el significato (penso che se trati de qualche ricorenza) de quel che gavè scrito. Cussì come che sta no me sa dir gnente. Podè, per favor, spiegarme de cossa che se trata? Me interessassi saver. Certi nomi de ricorenze conosso, magari assai pochi, ma questi no go mai inteso.
ciao
sum culex

[Ursus Canadiensis]

Se tua mama jera ebrea, Sum Culex, te son ebreo anche ti, anche se no te pratichi la religion, perchè nela tradizion ebrea xe la mama che tramanda l'apartenenza ala familia ebraica.

Chanukah o hannukah anche ciamada xe la festa dele luci celebra la rededicazion del tempio e la vitoria del spirito ebraico contro i Geci de Antioco IV che el aveva proibido la pratica dela religion ebraica, instalado un dei sui preti nel tempio e perfin ordinado de sacrificar un porco sul'altar.

Legi più a fondo su sto sito che te go meso qua soto.

http://it.wikipedia.org/wiki/Chanukkà

Arnie

[Ursus Canadiensis]

Go dimenticdo de scriver e me son ricorddo tropo tardi per poder modificar el post,
Nes Gadol Hayah Poh! vol dir "un grande miracolo xe nato qua.

I Ebrei sconti nel tempio i gaveva solo un lume e, secondo la legenda, el lume el ga durado per oto giorni, un miracolo.

Durante sti oto giorni, per confonder le guardie, i zogava al dreidel, che xe l'equivalente dela trotola.

Arnie

[sum culex]

GRAZIE!!!!
ciao
sum culex