Un vermeto

[sum culex]

A fine novembre me son acorto che el chlorophytum che go in veranda in idrocultura gaveva alcune foie magnade. Dopo una longa ricerca.... go trovà la bestia che le magnava: un vermeto verde che no so come che el se ciama (mi lo go ciama str...zo); delicatamente lo go ciolto tra due diti e lo go pozà su una foia de euphorbia e lo go portà in sogiorno sula tola perchè la iera sul sol e me son divertì a fotografarlo nele sue diverse posizioni come che el caminava. Dopo, 'povera bestia', lo go eliminà, butandolo zo per el cesso.
Queste xè le foto

[sum culex]

[sum culex]

Xè diverse foto, forsi trope, ma le ilustra ben come che quela bestiuzza se movi e camina per spostare, gavendo sei zatine al inizio del corpo e quatro ala fine dopo un intervalo bastanza prolungado (ameno cussì me par a mi). Spero de esser sta suficientemente esauriente.
ciao
sum culex

P.S.: Son stà ciamà amichevolmente dai amici del forum sia 'zoom culex' che 'zoomy', sta volta doveria esser soprannominà 'macro culex', o me sbaglio? A voi cossa ve par?

[babatriestina]

sti vermeti comincia pici pici, magri magri, e po magnando foie, de mi i smagnazza le foie dei mii geranei, i deventa bei cicciotti. ma mi no li buto zo per el condotto, li buto sul erba, poveri se i vol nutrirse de erba.. ghe ne go cavai giorni fa tuto un alevamento su un geranio ricoverado in casa..

[Zigolo]

Come sarìa a dir vermeto? Mai visto vermeti co le zate

Comunque, macrozoomculex , complimenti per le foto.

Del brucheto

[VetRitter]

el dovesi eser una larva de lepidottero, (farfala), ma per la specie no so altro.. me par ch'el posa eser un "geometride", de quei che se movi che par che misuri la lungheza de le foie..
saluti

[babatriestina]

sì, i misura la lunghezza dele foie, per saver quanto magnar!
i comincia pici pici, e po i deventa bei grassi.. li stago ingrumando sule foie del mio geranio in casa. li buto fora sul pra, là pascola useletti.. ( i gati sazi ganca no li bada..)

[VetRitter]

e te li tochi con le man??? per mi xe le bestie più schifose al mondo, fazo fadiga a guardarli in foto..
saluti

[babatriestina]

certo che li ciogo in man.. i xe morbidi e grassottelli cicciotti..

[sono piccolo ma crescero]

Podessimo portargheli a un veterinario per veder se i xe in salute!

(Vet, scherzo; me fa piazer veder che anche un de mestier ga le sue idiosincrasie! Come mi co le espresioni algebriche che ancora oggi me xe un terno al loto farle giuste!)

[Nona Picia]

Come mi co le espresioni algebriche che ancora oggi me xe un terno al loto farle giuste!)

meno mal che anche qualche professor ga problemi con le espressioni e no solo mi......

[Zigolo]

me fa piazer veder che anche un de mestier ga le sue idiosincrasie!

Le gaveva anche Konrad Lorenz, che el iera schifado dala Sacculina carcini, un parassita de diverse specie de granzi che praticamente se svilupa al'interno del granzo parassitado invadendo tessuti e organi del'ospite.

E lu, che non podeva soportar gnanche de taiar un fior per portarlo dentro in casa, co'l se imbateva in un granzo parassitado dala Sacculina, lo mastruzava ponendo fine a sta mostruosità che lo inoridiva.