L'anno lunare cinese

[Ursus Canadiensis]

Xe el 4648 secondo l'ano lunare cinese e, sempre secondo la tradizion astrologica cinese, xe l'ano del conilio.

Kung Höy Fat Choy!

Arnie

[Nona Picia]

I ga dito che nol porta ben....

[Ursus Canadiensis]

Se se legi atentamente le analisi dele persone nate soto i vari segni zodiaci cinesi insieme ale prognosticazioni (?) de quel che gavarà la tendenza de suceder in un ano o in un ciclo, el principio del Ying-Yang regna supremo. Prima el ne spiega che bei e che bravi che semo e che proprizio sarà l'ano o el ciclo e dopo però el ne descrivi anche in detalio le deboleze e le tendenze cative che gavemo, come anche i orori che ne sucederà. Xe la base dela filosofia cinese.

Go trovadu un sito interesante che spiega la matematica dei cicli anuali e periodici che xe solo che una pagina, ma val la pena de legerlo. El xe scrito in italian.

http://www.kensan.it/articoli/Anno_nuovo.php

Ciau Nona,

Arnie.

[babatriestina]

Mi son del anno del Topo, e co iero in Cina me gavevo ciolto un sigillo de piera con un sorzetto. Ma po lo go regalado a un mio amico che iera anche lu del anno del Topo, ma de un ciclo precedente. E me go tegnudo un sigillo meno personalizzado con Confucio.

[Ursus Canadiensis]

Mi inveze son del'ano del conlilio, del 1939 e Gemini sul nostro quadrante astrologico.

Arnie

[Nona Picia]

Mi son del serpente...

[sum culex]

Anche mi son coniglio pei cinesi, per el nostro zodiaco casco soto i pesci.
ciao
sum culex