Le tasse

[Piereto]

Partindo dai documenti che xe sta postadi in un altro topic ,circa i costi sostenudi da la aministrazion publica (casse comunali,erario statale,donazioni private) per le do scole citadine del nautico -Carli e Liceo feminile, e a zento ani de distanza da la finis austriae ,me par che introdur un novo argomento de discusion come quel su le tase ,cioè le steure, no sia sbaglià. Ogi parlemo e vivemo in un stato sociale,cioè una parte de la richeza prodota da ognidun servi,tramite una organizazion burocratica de smistamento, a sostener dele spese generali per el funzionamento de lo Stato. E tra queste spese ghe xe quele per l'istruzion, quele per la sanità,quele per la difesa, quele destinade a la costruzion de le infrastruture e a tutte quele robe de cui ogi no podemo far a meno ,e che ne rendi la vita più facile. Ma zento ani fa ,come ierimo mesi ?. Quanto xe cambià,e se si, come che xe logico,cosa xe cambià in pezo ?. Nei tempi antichi cioè nel medioevo,no sempre i proprietari terieri iera tinudi a pagar tase,e sicome i soldi circolanti iera pochi le tase veniva pagade da la magioranza del popolo contadin o operaio in prestazioni de lavor,cioè in corvè. E per questo che la gente no podeva spostarse dal posto dove che i iera nati e i lavorava.Soltanto i comercianti se moveva ,ma ad ogni paso i doveva pagar una tasa de transito. Quindi co le tase,cioè con una parte del lavor da farse,o con una parte de prodoti de la coltivazion de la tera, se mantiniva i omini de armi cioè el signoroto ex feudatario,che doveva mandarghe i bori anche al suo re,e i monaci preti che pensava a la cura de le anime. Ma zento ani fa ste robe iera za superade. El popolo iera libero de moverse dentro i confini de uno stato,le decime a la ciesa iera stade abolide,esistiva però ancora i dazi cioè tase de transito su le merci. Esisteva una intendenza de finanza, e Trieste nel 700 gà avudo per primo un intendente de finanza mandà da Viena ,che po xe diventà anche governator ocupandose cusì de tuta la organizazion statale e de far rispetar le legi, e de tinir la cassa erariale.

[babatriestina]

le tasse storicamente xe stade anche, soprattutto nei Paesi anglosassoni, una via al principio della democrazia: el motto iera No taxation without representation. Chi che pagava le tasse pretendeva a sua volta de esser consultado e i vari Parlamenti inglesi iera nati e convocadi soprattutto co i governanti ( spesso el re) gaveva bisogno de bori, alora el convocava el parlamento che ghe garantissi le somme che el gaveva bisogno , spesso per far la guerra. El reciproco de questo xe stado che al contrario per un certo tempo se ga ritegnudo appunto che solo i contribuenti cioè quei che gaveva bori e pagava le tasse, gaveva diritto a esser rappresentadi. E in questo l'Austriaungheria gaveva un sistema de voto per classi de censo che se no me sbaglio dava più peso a chi che gaveva più bori e pagava più tasse. No so se anche l'ultima riforma de fin ottocento, el suffragio universal (ovviamente maschile..) che ga portado in luce de più i socialisti, iera ancora comunque strutturado per classi.

I dazi gaveva anche altre funzioni, de protegger le industrie locali impedindo la concorrenza esterna più economica de gaver influenza: sempre nel ottocento, al momento della guerra de succession in America, el Nord proteggeva le sue industrie con dazi altissimi, el Sud, che vendeva al estero el proprio coton, preferiva el commercio libero de dazi e contava sul appoggio de l'Europa con cui gaveva assai affari economici. La Germania ga cominciado a unirse anche per evitar i dazi e ga cominciado appunto con una union economica, la Zollverein.

A proposito dei monaci e preti, non solo nel Medioevo ma fin ai Stati moderni e diria anche oltre el ottocento i ga fornido anche le strutture de scole e ospedai, sparagnandoghe al stato spese de pubblica istruzione e sanità. Chi se ricorda ancora non tanti anni fa le suore al Sanatorio? ghe xe un interessante opuscolo che go trovado a casa in cui un medico triestin alla fin del ottocento discuti vantaggi e svantaggi de introdur monighe al posto delle infermiere nel nostro Ospedal maggior, se volè ve riporterò. alla fin el suggerissi che saria meio el personal laico.. Credo che iera el prof Manussi..

[Piereto]

El sistema de voto per clasi de censo iera comune a tuta l'europa,nel 800. La rivoluzion francese ga zercà de eliminar le diferenze de censo,e la restaurazion le gà de novo confermà,e i movimenti del 1848 xe rivadi solo a otenir una parvenza de parlamento rapresentativo ma con scarsi poteri. Solo in inghiltera el parlamento grazie a la storia particolare de quel paese prendeva decisioni che poi el re avalorava.El re se indebitava e i comercianti tirava fora i bori che el re po no pagava e alora el li lasava far. I dazi gà svolto anche una azion protetrice del sistema economico, ma gà impedi le esportazioni e i comerci, e xe sta la prima causa de tute le guere. I proprietari terieri del'Austria pagava le tase in base ala superficie de le proprietà,o in base al racolto ? Mi dirià in tuti e due i modi. Ricordo che l'austria ga avù el primo catasto fondiario derivante da quel landtafeln de Carlo IV che iera re de Boemia e poi SRI ,cioè za nel XIII secolo. Nel 1718 Giuseppe secondo ordina la costruzion del catasto austriaco dal quale apari no solo i tereni co le loro più picole divisioni ,ma el xe anche censuario,cioè xe scriti i nomi dei proprietari e le coltivazioni che vien fate ,e su sti valori se calcolava l'imponibile per le tase. La costruzion de questo mastodontico aparato burocratico se gà ferma durante le guere de sucesion austriaca e ga proseguì poi con Maria Teresa,e el catasto comincia a funzionar nel 1760. Le spese sempre più ingenti sia per le guere sia per amodernar lo stato, e le spese per i impiegati,costringi Giuseppe II nel 1782 a tirarghe via le esenzioni fiscali ai beni de la ciesa, e anche a incamerarli. I preti se gaveva ocupado de sempre del beni de l'anima ,ma anche de aiutar el prosimo e quindi anche dei ospedai per el corpo. Anche l'istruzion iera in man dei preti perchè i iera i depositari e trascritori de tute le carte romane e no solo de la bibia e dei vangeli. Cioè la ciesa se gà aproprià de quei poteri tipicamente laici de uno stato che no esisteva più.Quindi Giusepe II a partir dal 1782 el se acola anche le spese per la costruzion e el mantenimento dei ospedai e anche de le scole,e nel 1794 se comincia a scriver l'Hauptbuch che meti in primo piano i proprietari e no el fondo de teren. Solo dopo le guere napoleoniche el catasto vien esteso nel 1811 a tuto l'impero.

[Piereto]

Adeso vien el bel. Come se pagava le tase e chi le pagava ?. Fin che no xe rivà la machina fotografica i documenti de identità iera fati a ...ocio.Puramente descritivi.per cui ,e qua xe tute suposizioni, le tase le pagava diretamente solo chi che iera in qualche modo schedà.Forse el funzionario de polizia gaverà recapità una letera de sto tipo : "Dai dati in possesso di questa cesarea e imperiale intendenza di finanza risulta che la sua riverita vostra deve corrispondere per quest'anno la sucitata somma per tasse inerenti il raccolto nella sua proprietà fondiaria....ecc.ecc... somma da versare entro la data nelle casse dell'erario presso l'edificio della dogana nuova in Trieste." Opur pagava una tasa de proprietà i paroni de case. Credo inveze che la masa del popolo : contadini,operai, artigiani,impiegati, no pagasi le tase,ma tuti lo fazeva indiretamente durante le compravendite, e pagando i bolli per le richieste aministrative,opur pagava prezi magioradi a causa dei dazi. Dovemo anche ricordarse che tuti i ati de nascita,morte e matrimonio veniva tignudi ne le parochie,e che solo nel 1924 xe nato l'anagrafe a Trieste,ati scriti a man,o a machina.Credo che solo a partir del 1880 girasi pasaporti con la foto. Co una volta te ieri scrito nel registro dei contribuenti te gavevi dirito de voto e te podevi far anche politica.Solo col sufragio universale ,e qua le babe no podeva ancora votar,el voto xe sta esteso a tuti i masci. Per cui quando che i ve conta per esempio che 150 ani fa ghe xe sta un plebiscito per l'unita del regno d'italia ,vol dir che gà votà proprio quatro gati,cioè i iscriti ne le liste eletorali,forsi meno de 100.000 su 10 milioni de masci.

[sono piccolo ma crescero]

Pragmatismo britannico: se paghi le tasse in anticipo... lotteria.

http://www.repubblica.it/economia/2012/ ... -27860532/

Macondo, è vera?

[macondo]

Molto probabilmente, ma non ne ero informato.

[sono piccolo ma crescero]

Al primo momento sono rimasto soncertato, ma poi ho riflettuto che anche da noi, anni fa, chi pagava per tempo il canone RAI, un'imposta, partecipava ad una lotteria, quindi niente di nuovo sotto il sole.

E per un certo perido la Trieste Trasoporti associava i biglietti ad una lotteria (ma è durata poco).

Eppure ancora penso all'effetto di Monti che annuncia "A ogni italiano che paga le tasse, per ogni 1000 euro di tasse un biglietto della lotteria... " Chissà, forse le tasse subirebbero un incremento (ma non è il motivo per cui hanno fatto la lotteria dalle parti di Macondo...).

[Piereto]

Meto in sto post una roba che go leto ieri ( anche se no riguarda la Trieste de ieri), e cioè che la Regione gà rivà a risparmiar sulla sanità, per cui xe vanzadi 30 milioni che vien messi ogi in un altro capitolo de spesa. La notizia me gà lasà perpleso. Intanto un ente publico come la Regione devi erogar servizi e devi tinir de conto el bilancio, tanto entra de tase e tanto va fora de spesa. Ser se risparmia vol dir alora che se gà tasado de più del dovuto. Cioè la Regione no pol e no devi aver scopo de lucro. E alora forsi i bilanci de previsione iera in ecesso, ma comunque i ne ga fato spender più tasse. E alora vien de dirghe che i ne torni indrio i bori che almeno noi savemo come andar a spenderli. Vinirà un momento che no poderemo più pagar e alora doveremo svender quel che posedemo. Za ogi come Stato nazionale semo indebitadi cioe femo un novo debito per estinguer el debito precedente. Questo vol dir a le curte ceder la propria sovranità, cioè no esser più paroni in casa propria, cioè farse comandar da qualche altro banchier. Disevo che no xe una roba de ieri e inveze xe una roba che xe za sta nel pasato quando che no ghe iera più bori in cassa a causa de le continue guere e lo Stato austriaco ga comincià a far debiti e seguir i desiderata del finanziator de turno.