Aprile 2011-I Tulipani

[sum culex]

Altre foto e altra richiesta ala vostra pasienza. Questi xè i tulipani che go piantà l'ano passà in otobre, fotogtafai in aprile prima che la bora ghe ne scavezzi bona parte.
Go interrà circa 280 bulbi de diverse qualità, scelti tuti de misura bastanza bassa , tra i 25 e 35 cm. per via del vento che suffia qua de noi, anche se certi de 45/50 cm. iera veramente, almeno drio le foto in bancarella, assai bei.
Ecove i pupoli;

Tre foto de insiemi

[sum culex]

E adesso le varie qualità separate e anche in macro.

[sum culex]

Questa xè una dele due varietà de doppi che go ciolto anche se me piasi de più i normali, ma ,e piaseva el color e ala resa dei conti son stà contanto de gavberli ciolti; efetivamente i me par bastanza bei. Più avanti quei rossi par quasi rosette.

[sum culex]

[sum culex]

[sum culex]

[sum culex]

[sum culex]

[sum culex]

[sum culex]

[sum culex]

E con questo per quel che riguarda i fioreti de primavera xè tuto. Gavè guardà e spero amirà, ma no xè solo merito mio se ve ga piasso: xè la natura che ga una bona parte del merito!
ciao
sum culex

[babatriestina]

Ma dopo gaver ammirado i tui tulipani ( mi sto anno ghe ne go piantadi solo che 12 e za per mi xe 'ssai) de giardiniera te domando: dopo che i fiorissi te li salvi o te li butti via e te ripianti novi el anno dopo?
te sa, mi.. me son affezionada anche ai mii fioretti e l'idea de ciorli, piantarli e butarli me par come butar via dei amici, per questo sti tulipani poco li pianto, perchè me dispiasi butarli via , ma vedo che de anno in anno i rifiorissi poco se no gnente. Go un per de tulipani botanici che quasi no rifiorissi più, ma no oso butarli via, co spunta le nove foiette i me comovi che i torna ogni primavera, anche se po el fior no vien o xe stiticuzzo..
opur pianto perenni che spunta ogni anno o cressi o se dissemina de sole.
per inciso, sta cominciando a fiorir sia i iris che le bletille che te me ga regalado che te vanzava!

[nonna ivana]

Li togliete?
Io non faccio testo...19 anni fa abbiamo messo due bulbi in un' angusta striscia di terra, fra marciapiede e pavimentazione davanti al garage...non li abbiamo mai sterrati e per tutti gli anni sono fioriti; l'anno scorso ne ho perso uno, per il gelo di marzo...l'unico salvato quest'anno stava per fiorire e il micio del vicino me lo ha rovinato facendo gli artigli nella corteccia dell'ibisco che cresce accanto...quindi niente tulipani...spero di ritrovarlo il prossimo anno!

[sum culex]

de giardiniera te domando: dopo che i fiorissi te li salvi o te li butti via e te ripianti novi el anno dopo?
per inciso, sta cominciando a fiorir sia i iris che le bletille che te me ga regalado che te vanzava!

Mi li cavo fora e li buto via per meterghene de novi in autunno. Perchè che alcuni fiorissi l'anno successivo bisognassi taiar i ovari e lassarli in tera finche le foie se suga: in sto modo i bulbi se ingrossa. Dopo che le foie se ga sugà bisogna estirparli netarli e suddivider i bulbi e i bulbilli. I più grossi se pol ripiantarli in autunno e i bulbetti pici se dovessi piantarli in un posto defilado per farli ingrossar per usufruirli i ani sucessivi. I disi che se pol anche meterli in 'tagliola' e cioè dispiantarli ancora freschi senza romperghe topo le radise e ripiantarli subito in qualche logo più sconto per farli ingrossar. Go provà una volta sta soluzion, ma el risultato xè stà deludente. Mi devo comunque estirparli per farghe posto ai fioreti estivi (begoniette, lisette e coleus ...)

Anche de mi le bletille sta cominciando a fiorir. Le foto de sti fiori, che xè orchidee, le xè stade messe in forum i ani passai, ma imagevaffanc... se le ga magnade tute.
ciao
sum culex

[babatriestina]

Perchè che alcuni fiorissi l'anno successivo bisognassi taiar i ovari e lassarli in tera finche le foie se suga: in sto modo i bulbi se ingrossa.

e xe quel che fazzo mi.

Dopo che le foie se ga sugà bisogna estirparli netarli e suddivider i bulbi e i bulbilli.

e questo xe quel che no go voia de far, e per questo pochi tulipani xe in mia terrazza. Preferissi le bulbose che se lassa al loro posto e che se moltiplica de sole.
per inciso: istesso i disi de far dei gladioli, ben el primo anno che gavevo la terrazza, entusiasta, ghe ne go piantai un pochi, po li go lassai sugar, li go cavai fora, li go salvai ben, li go ripiantai l'anno dopo.. e za i ga fiorido de meno, ala fin i xe sparidi tuti.. meno un per che o iera bulbilli o me go dimenticado de lori: quel xe un o due che vien fora ogni anno! per no parlar dei Gigli Mona (xe el loro nome..dovessi esser dei Mona Lisa) che de quando che go piantado tre ogni anno ghe ne vien fora qualchedun de più.. confesso che li gavevo ciolti solo co go letto el nome