Stagioni liriche al Verdi: 1994-95

[babatriestina]

Go de novo i dati del 94-95, sempre alla Sala Tripcovich


8 titoli, ma solo 5 xe opere

La stagion comincia curiosamente col Requiem de Verdi dir Tabachnik ( nessuna altra opera de Verdi in cartellon quel anno)
po una Bohème diretta de Severini.. iera quella che me gaveva colpido per el primo atto cola scena divisa in due piani? sotto e sora? o iera un anno dopo ( perchè El cartellon de Verdi- presenta ogni stagione Bohème Bohème Bohème)
Il Turco in Italia dir Renzetti- un vaogo ricordo, niente de particolar
El amor Brujo balletto dir Ordonez e compagnia ullate una interessante giovane compagnia spagnola che fazeva anche classico, in effetti in altra occasion la go vista nel classico, molto bravi!
redemption poema sinfonico de Franck Nuovo per l?ente in version integrale, ma solo tre spettacoli emi no iero
Orfeo e Euridice dir Maag- nessun ricordo
Fedora dir Montgomery. la Casolla non reggeva el confronto col ricordo dela Olivero, ma accettabile
Elisir d'amore dir Lu Ja protagonista la sempre gradita Mazzucato

[Piereto]

Me ricordo anche mi de sta Boheme diretta de Severini,e me par che i iera vestidi sul moderno,con la scena su do piani,con un tenor islandese che gaveva un voson.Po ghe xe sta el Turco in Italia direto da Renzetti,che no ga rivà a interesarme. Idem co l'Orfeo e Euridice direto dal vecio Maag che iera anche un tipo noioso. Finalmente dopo tanti ani el Verdi,pardon el Tripcovich, tirava fora Fedora de Giordano, che xe una opera curta in do ati e bastanza bela musicalmente. Montgomery iera el tipico diretor inglese,quei figheti ben tignudi che par che ghe piasi el wiski,col smoking e le scarpe de raso nero,un poco del'altra ...sponda. E per finir l'Elisir d'amore direto dal cinese Luja, che ghe piaseva sfogiar i suoi frac (anche un roso sai bel). 5 titoli soli. Iera i ani de Vidusso ,e dei schei romani che stava calando,e de la ricerca de bater nove strade in cui el Verdi ga fato dei bei CD de musica sinfonica fora comercio per le Assicurazioni Generali. Quindi se pasava un mese per le registrazioni,che xe sta fate al Rosetti e all'auditorium de la questura prima che i lo serasi definitavamente. Nel 93 ,gavemo comincià con el ciclo de tute le sinfonie de Mendelsohn direte da Luja.E nel 94 gavemo registrà tute le sinfonie de Schuman direte da Julian Kovacev.

[babatriestina]

tirava fora Fedora de Giordano, che xe una opera curta in do ati e bastanza bela musicalmente.

Do atti? mi me ricordo tre: el primo in Russia sta Fedora, tuta inamorada del fidanzato O grandi occhi lucenti o simile, po i ghe lo porta moribondo; el secondo a Parigi me par, sti esuli russi ( la donna russa è femmina due volte..) se ritrova e ela ga giurado de vendicar el fidanzato denunciando quel che lo gaveva copado in duel, el Loris el tenor, ma come che la zerca de sedurlo per fregarlo lu ghe conta che el fidanzato iera un sporcacion che la tradiva.. e Amor ti vieta.. me ricordo in sto punto la Olivero come che la iera che le ghe se butava in brazzo!
e terzo in xe in Svizzera e lu scopri che xe stada ela a tradirlo el ghe disi de tuto sirena de forca o qualcossa de simile , ma ela la se ga invelenado e cussì co la mori el ghe domanda scusa.. la stago contando un poco alla De Dolcetti

[Piereto]

Me piasi i dolcetti,e anche Dolcetti co scrivi, el va per le curte,ma el colpisi nel segno. I ati xe tre,ma credo oramai che in tuti i teatri i condensa tuto ,e son più che sicuro che lo gavemo fato in do,cusì finisi prima e noi paga straordinari.El publico xe imbilà perchè ghe toca restar fermo incastrà in te le poltrone per più de una ora,e el mato del bar mugugna perchè el fa pochi afari

[babatriestina]

Mi legio sul programma dela stagion Fedora dramma di V. Sardou ridotto in tre atti per la scena lirica di Arturo Colautti. Po se i ga fatto in due, no me ricordo, ma anche mi go notado che i riunissi spesso i atti . Co iero putela, me piaseva la musica, ma anche girar per el teatro nei intervalli, soprattutto ale prime che iera le babe tutte eleganti.