El telefono de una volta

[Piereto]

Guardandii i fili che pica drio del computer ,e pensando che comunichemo grazie a le linee telefoniche ,cioè i fili che colega le case a una centralina e po scompari nel sotosuolo per rivar in una de quele 4 centrali che gavemo,e po via lungo o la ferovia ,o a lato delle autostrade verso el resto del paese,me son dito. E una volta?. El doppino rivava in casa de fora. Iera un fil ,forsi gnanche trecia,avolto da una calza de stofa co la guttaperrca e forsi catramà. E fora in strada el coreva con dei supporti co l'isolator de porcelana ,da una casa a l'altra e po anche isado su pai de lenio, fin a la centrale che iera in palazo de le poste.El palazo de le poste xe anche cusì grando perchè una volta ghe lavorava tanta gente ,e anche decine de telefoniste per pasar le comunicazioni. Go presente una foto che mostra sora el teto la rastreliera con tuti i fili e i isolatori. La foto devi eser un poco prima del 14 quando che Trieste gaveva 4400 telefoni e Milan 4100. Ma dopo el fil, quel groso che portava una cinquantina de linee fora de Trieste,per dove el pasava?. El andava rente via dela caserma ,o el andava su per scala santa,o el coreva lungo la meridionale fin rivar a Opcina?.

[Piereto]

Restando sempre in tema de robe de una volta e sempre guardando i fili che pica drio del computer,me son domandà dove che i ga fato la prima centrale eletrica de Trieste.Iera una roba publica o privata?. Pol eser che i la gabi fata rente la central del gas (la usina del gas ) zo in broleto? Pol eser che i gabi utilizà la forza del vapor per mover la dinamo?
Me sa che noi dopremo tanta tecnologia,ma no savemo un boro de come che se fa a produrla.

[sono piccolo ma crescero]

Qua

https://www.atrieste.eu/Forum3/viewtopic ... a&start=45

se parla de una central idroeletrica de Roian. No so de quando che la xe, ma magari...

[sono piccolo ma crescero]

Guardandii i fili che pica drio del computer ,e pensando che comunichemo grazie a le linee telefoniche ,cioè i fili che colega le case a una centralina

Me par che ne gavemo za parlà, ma no trovo dove (Adler troverà de sicuro...). Quei tralicci che xe sul tetto dela casa dopo la cesa de San Spiridione xe dela luce o del telefono?

[AdlerTS]

Questa foto jera za qua

https://www.atrieste.eu/Forum3/viewtopic.php?f=10&t=4115

quei tralicci doveria esser della luce, perché al di la de valutazioni sull'epoca della difusion capillare del telefono in città, isolatori de porcellana cussì grossi non servi per la linea telefonica.

[nonna ivana]

Per distinguere ecco una stradina sterrata della nostra campagna!
A sinistra la linea elettrica...a destra la linea telefonica!!!!

[sono piccolo ma crescero]

Per AdlerTS

So benissimo che la foto iera de quel post, la go linkada de là, ma me pareva che Rofizal, forsi, gavessi sollevà de qualche altra parte el problema de cosa che fussi mettendo una foto più in dettaglio. Ma forsi me sbaglio.

Ma come te pol parlar de la misura dei isolatori che mi vedo solo i tralicci che doveria tegnir i fili e forsi un'ombra dove che podessi eserghe i fili?

[Piereto]

Me ricordavo de aver visto una foto de le poste co sora el teto la rastreliera che portava i cavi telefonici.

forum01.jpg (62.55 KiB) Visto 1676 volte

Per quanto riguarda la luce eletrica i gà impiza le prime lampade nel novembre del 1898 e le gà comincià a sostituir quele a gas che se gaveva impizà nel lontano novembre del 1842

forum02.jpg (46.58 KiB) Visto 1676 volte

[AdlerTS]

Ma come te pol parlar de la misura dei isolatori che mi vedo solo i tralicci che doveria tegnir i fili e forsi un'ombra dove che podessi eserghe i fili?

In quela foto non se distingui ben, ma ghe xe altre foto nelle quali se vedi isolatori

[mula del Küstenland]

Go trovà una foto, e no go resisti a condividerla... Xè l'ultima che xè in sta pagina:

http://www.gazzettinogiuliano.it/triest ... volta.html

Bei scherrzi fazeva la bora sule rastreliere dei telefoni!!

[AdlerTS]

La rastrelliera ... anche sora "i speci"