Cantieri de Monfalcon

[Ciancele]

Questa notizia no so dove meterla, perché la xe politica, industriale e regionale. La meto in Bisiacheria perché c’entra Monfalcon.
Nel 1935 iero in terza lementare e el maestro ne dizi de comprar le Ultime Notizie perché xe un pupolo sui cantieri de Monfalcon. El ne dizi che Bruno Mussolini, el fio del quel che conosemo, xe ‘ndà a Rio de Janeiro col rioplan: la famosa spedizione dei sorci verdi. Qualche settimana dopo girava a Trieste un servisio no scrito su l’impresa. I contava che i ga dado un grando ricevimento in onore de Bruno. El stava balando con una matrona de l’alta società e la baba ghe fa: Ecelensa, che volo, che volo. E lu: Sì, signora, la gioventù fascista italiana ha dimostrato al mondo il suo valore. E ela: Ecelensa, che volo, che volo. E lu: Sì, signora, cuori italiani, motori italiani (veramente i iera bisiachi, perché i dizeva che i CANT Z 501 i xe stai costruidi nei cantieri de Monfalcon). E ela: Ecelensa, che volo, che volo. A Bruno che devi eser comincià a girar un poco perché el ghe rispondi: Sì, siora mia, cosa la vol che sia ‘sto volo qua confronto quel che farà mio pare tra un per de ani.