Giarizzole

[sono piccolo ma crescero]

Giovedì scorso son andà per la prima volta in strada de Giarizzole (xe quela che passa sora de via Flavia con un ponte); dovevo portar a riparar un televisor che se xe roto 20 giorni prima che ghe scadessi la garanzia

http://maps.google.it/maps?q=trieste,+g ... 0&t=m&z=16

Al numero 1/1 go visto un porton strano e ogi che son tornà a cior el televisor go portà la machina fotografica.

Xe un porton in fero con un arco



Sui pilastri dei portafanai in fero batù



Dentro e sui pilastri delle statue





E a guardia due grifoni





Sui scudi tre letere incrosade A C D.

Me savè dir cosa che xe? Ah sì, dentro me pareva de ver visto una baraca e altre robe poco significative, ma no me son fermà a vardar con atenzion, perché la strada xe streta e iero postegià in divieto.

[sum culex]

Mi son passà un per de ani fà col autobus 52 per via Girizzole ma no me son acorto de un posto del genere. A veder dela prima foto, pareria che nel (disemo) cortil che xè diverse sculture o per lo meno lavori in piera, ma no saveria dirte cossa che xè: me dispiasi no pderte contentar.
ciao
sum culex

[AdlerTS]

Prima volta che vedo 'sto posto !

[BLACK PANTHER]

Ciao a tutti! Un amico che abita de quele parti me gà dito che se trata de un fondo dove un tizio, col tempo, ga ingrumà de tuto: statue, colone, capitei ecc. e tuto butà là, aparentemente senza una logica. Sembra che el gabi anche un caval col birocio (che però no lo tien là) e ogni tanto se lo vedi in giro. Altro no so. No credo de aver sodisfatto la curiosità de nissun, ma xè sta solo un picio contributo.

[sono piccolo ma crescero]

Grazie del contributo e ben rivà in sto forum.