Autuno in giardin

[sum culex]

De solito in sta stagion se meti le foie rosse del Carso, come che del resto go fato i ani passai anche mi.
Sto ano voio cambiar e voio meter i colori del autuno nel mio giardin e in quei tacai de mi.
Adesso col digitale me piasi far diverse foto del stesso sogeto e dopo scieglier quele che me par meio, però ghe ne xè tante del stesso sogeto che no go avù coragio de scartar. Se ve gavè stufà de guardar passè oltra e se gaverè voia e tempo poderè sempre guardar el resto.

Comincio cola Vida selvadiga (partenocissus tricuspidata = Ampelopsis veitchii)
Cussì la cressi su una ramada e su una casa di fronte a casa mia

[sum culex]

Nel giardin tacà del mio la sta sofigando un albero de amoli (o susini)

[sum culex]

La se rampiga anche sul pal del telefono



Sui muri dela casa

[sum culex]

Se no i la tira zo la ghe magnerà tute le malte (intonaco)






In particolar la zima del canton

[sum culex]

La se rampiga senza controllo sui alberi; in giardin mio, co la vien oltra divento mato a straparla



La zima de una ramo de l'albero de amoli/susini



Cambiemo pianta. El Cotonaster apiculatus (No so se la varietà xè giusta, ghe ne xè tantissime, xè comunque la bacche del cotonaster

[sum culex]

Le bacche più in gtrande






Due foto del Cotynus coggyria. No xè el Cotynus (Sommaco) del Carso ma una varietà coltivada che go in giardin

[sum culex]

El Physalis alchechengi coi sui frutini sconti dento quel involucro arancion tanto figuroso

[sum culex]

più in grande






Una roba che in tanti ani no go mai visto prima: un singolo ramo del'ortensia (Hydrangea macrophilla) ga fato foie che se ga colorado de rosso. Perchè i ani passai no la ga mai fato una roba simile?

[sum culex]

Un pochi de particolari

[sum culex]

El Solanum capsicastrum; se no sbaglio le bacche xè velenose

[sum culex]

La Piracanta (Pyracantha coccinea): un cespuglio pien de bacche rosso/arancio che in primavera fà mazzetti de fiori bianchi a 5 petali.

[sum culex]

Mi no la poto: per quel no i xè anto fissi



Ingrandimoli

[sum culex]

La betulla alba col tronco bianco brilante in sta stagion ga le foie giallo oro. La gavevo zà messa, ma la go fata de novo perchè me piaseva le luci









Le bacche rosse del Pungitopo (Ruscus aculeatus)

[sum culex]

Le bacche del Agrifoglio (pianta femminile) - Ilex Aquifolium albomarginata

[sum culex]

Guardemole ancora più de vizin



Le ultime foie del castagner selavadigo - Ippocastano (Aesculus ippocastanus)






L'ultima foia rimasta dopo la bora con de drio la luna (la gavevo zà messa in 'salotin', ma me ga parso giusto ripostarla anche qua come finale)



Come al solito, co me meto, son trppo prolisso: perdoneme, ma son fato cussì e no rivo a cambiarme non ostante i consigli e le critiche de nona picia.
Spero comunque che ve gabi piasso: xè una roba diferente dele solite foie rosse del Carso; xè roba che xè in cità.
ciao
sum culex

[babatriestina]

Semo in autunno, semo in giardin, e me taco qua per un per de foto, fatte anche per provar un novo obiettivo che me go ciolto:
in autunno fiorissi el unico lithops che me xe restado, quel a fiori bianchi


questi li go fatti zercando soprattutto el sfocado del fondo, xe dei echinops a fiori celesti, regalai de un che li gaveva in montagna, la i cressi de più. Mi i me piasi perchè i me ricorda quei che cressi in val Rosandra



el pyracantha a bacche arancion

[babatriestina]

e per finir, le poche piante che go ciolto in autunno, i crisantemi a fior de margherita, ma li s ta magnando le lumache ( quel senza chiocciola xe anche cagoie?)

[Nona Picia]

una parte dell'autunno del mio giardino....

[Nona Picia]

Continuo con l'autunno nel mio giardin....Per primi meto i fiori che xe ancora
i crisantemi

la begonia rex con nascosto el fior che ve mostrerà sum

le begoniette

[Nona Picia]

le lobelie

la margherita, più folta adesso de quando la go comprada

el coleus